|
Croeso i Ryddid Gwybodaeth Cynllun Cyhoeddi. Mae'r tudalen hwn yn ddarparu canllaw cynhwysfawr am wybodaeth wedi ei cyhoeddi gan Cyngor Bwrdeistref Sirol Wrecsam.
Gwybodaeth mwy am
Rhyddid Gwybodaeth a
gwybodaeth defnyddio am ymgeiswyr.
I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.
Gellir newid dogfennau Adobe Acrobat yn ôl i destun plaen trwy ddefnyddio'r Gwasanaeth Newid Abobe. |
|
I weld ac argraffu ffeiliau Microsoft Word, rhaid fod Microsoft Word wedi ei sefydlu ar eich cyfrifiadur neu gallwch ddadlwytho Meddalwedd Gwyliwr Microsoft Word: cliciwch y logo isod i ddadlwytho'r meddalwedd.
|
Beth Yw'r Cynllun Cyhoeddi?
Arweiniad i'r wybodaeth y mae Cyngor Bwrdeistref Sirol Wrecsam yn ei chyhoeddi'n rheolaidd yw'r cynllun. Disgrifiad o'r dosbarthiadau neu'r math o wybodaeth a gyhoeddwn ydyw, yn hytrach na rhestr o ddogfennau penodol, gan y bydd y rhain yn newid gydag amser. Rhydd Rhan 2 o'r cynllun ddisgrifiad o'r dosbarthiadau o wybodaeth. Rydym wedi cyhoeddi'r cynllun er mwyn cydymffurfio ag Adran 19 o Ddeddf Rhyddid Gwybodaeth 2000. Mae'r cynllun yn rhoi braslun o'r canlynol:
- y wybodaeth a gyhoeddwn, neu yr ydym yn bwriadu ei chyhoeddi, yn ôl yr arfer
- sut y bydd y wybodaeth hon yn cael ei chyhoeddi
- pa gostau, os o gwbl, a godir am y wybodaeth
Mae Deddf Diogelu Data 1998 eisoes yn rhoi hawl i unigolion weld gwybodaeth amdanynt eu hunain. O fis Ionawr 2005, bydd y Ddeddf Rhyddid Gwybodaeth yn ymestyn yr hawl hwn i ganiatáu aelodau o'r cyhoedd gael gweld pob math o wybodaeth a gedwir gan awdurdodau lleol. Diben y Cynllun yw sicrhau bod digon o wybodaeth ar gael yn hawdd ac na fydd angen i unigolion wneud cais neilltuol i'w gweld, ac, er mwyn hybu dulliau agored o fewn yr awdurdod lleol.
yn ôl i'r brig
Sut Mae'r Cynllun Wedi'i Lunio?
Mae'r cynllun yn cyfeirio at ddosbarthiadau neu fathau o wybodaeth a gyhoeddwn. Seilir y dosbarthiadau a ddisgrifir yn Rhan 2 ar ddosbarthiadau cyffredinol ac ni ddylai fod angen unrhyw wybodaeth am strwythur yr awdurdod i ddod o hyd i'r ffordd o gwmpas y cynllun. Mae Rhan 2 wedi'i rannu yn 2 adran. Mae Adran A yn cynnwys dosbarthiadau sy'n rhoi gwybodaeth gyffredinol am y Cyngor ac mae Adran B yn amlinellu'r dosbarthiadau sy'n rhoi gwybodaeth am wasanaethau unigol. Wrth baratoi'r cynllun rydym wedi talu sylw i les y cyhoedd ac wedi ystyried ceisiadau poblogaidd am wybodaeth a chwestiynau a ofynnir yn aml.
yn ôl i'r brig
Sut Gaiff Gwybodaeth ei Darparu?
Gellir canfod, a lawr-lwytho, llawer o'r deunydd a restrir yn y cynllun hwn o'n gwefan ( www.wrexham.gov.uk ) neu fel deunydd argraffedig a geir yn ddidrafferth o'r Cyngor. Ein bwriad yw sicrhau bod cymaint â phosibl o wybodaeth ar gael ar ein gwefan.
Neu, gellir gweld copïau caled o'r wybodaeth yn ein swyddfeydd a/neu'n Llyfrgelloedd, neu drwy wneud cais dros y ffôn neu e-bost fel a nodir yn y disgrifiadau o'r gwahanol ddosbarthiadau o wybodaeth yn Rhan 2.
Mae'r rhan fwyaf o'r wybodaeth sy'n gynwysedig yn y cynllun ar gael yn ddwyieithog yn Saesneg ac yn y Gymraeg. Bydd y deunydd yn cael ei gyfieithu dros gyfnod er mwyn sicrhau bod y wybodaeth a ddarperir yn cydymffurfio â'n Cynllun Iaith Gymraeg. Bydd peth o'r wybodaeth yn y cynllun ar gael mewn nifer o ffurfiau os gofynnir amdano e.e. Braille.
yn ôl i'r brig
A Oes Rhaid Talu Am Y Wybodaeth?
Mae'r wybodaeth sy'n gynwysedig yn y cynllun ar gael am ddim, oni nodir yn wahanol. Gellir gweld y wybodaeth am ddim ond mae'n bosibl y bydd yn rhaid talu am lungopïau.
yn ôl i'r brig
Ein Cyfrifoldebau Ni
Lluniwyd Cyngor Bwrdeistref Sirol Wrecsam ym 1996 yn dilyn ad-drefnu llywodraeth leol yng Nghymru. Rydym yn gyfrifol am ddarparu'r holl wasanaethau llywodraeth leol yn y fwrdeistref sirol. Gellir gweld rhestr lawn o'n gwasanaethau yn Nosbarth 1, yr A i Y o Wasanaethau'r Cyngor.
yn ôl i'r brig
Cefndir Y Cynllun Cyhoeddi
Mae Cyngor Bwrdeistref Sirol Wrecsam yn cynhyrchu swm anferth o wybodaeth yn ystod ei fusnes dyddiol. Mae llawer o'r wybodaeth yr ydym yn ei chadw yn bersonol ac yn breifat i unigolion ac felly mae wedi'i heithrio o'r cynllun cyhoeddi hwn. Nid yw'r cynllun yn cynnwys gwybodaeth sy'n fasnachol sensitif. Mae'n bosibl bod peth gwybodaeth o fewn rhai dosbarthiadau neilltuol yn eithriedig (h.y. gwybodaeth sy'n dod o fewn Deddf Rhyddid Gwybodaeth 2000 neu ddeddfwriaeth berthnasol arall fel gwybodaeth eithriedig). Lle mae peth gwybodaeth o fewn dosbarth yn eithriedig, bydd y wybodaeth nad yw'n eithriedig o fewn y dosbarth hwnnw ar gael.
Y Prif Swyddog Hamdden, Llyfrgelloedd a Diwylliant sy'n gyfrifol am y Cynllun a chyfrifoldeb yr Archifydd/Rheolwr Cofnodion yw rheoli'r cynllun o ddydd i ddydd. Rydym yn gobeithio y bydd y cynllun yn eich galluogi i ddod o hyd i wybodaeth yn hawdd. Rydym yn croesawu awgrymiadau am y cynllun a sut y gellid gwella'r wybodaeth neu'r cyhoeddiadau sy'n rhan ohono. Dylid anfon unrhyw gwestiynau, sylwadau neu gwynion am y Cynllun hwn ar bapur at:
Archifydd/Rheolwr Cofnodion
Amgueddfa Wrecsam
Stryt y Rhaglaw
Wrecsam
LL11 1RB
Ffôn: 01978 317976
Ebost: foi@wrexham.gov.uk
Mae'r Comisiynydd Gwybodaeth yn goruchwylio'r Deddfau Rhyddid Gwybodaeth a Diogelu Data ac mae'n gyfrifol am gymeradwyo Cynlluniau Cyhoeddi. Os oes gennych unrhyw broblemau heb eu datrys o ran dod o hyd i wybodaeth o dan ein cynllun, gellir eu cyfeirio at:
Information Commissioner
Wycliffe House
Water Lane
Wilmslow
Cheshire
SK9 5AF
Ffôn: 01625 545700
Ebost: mail@ico.gsi.gov.uk
|
Yn ôl i'r brig