Arweiniad Defnyddio

Internet Explorer

Medrwch nodi maint y ffont, ei harddull a'i lliw a lliwiau cefndir a thu blaen y tudalennau Gwe ar sgrîn eich cyfrifiadur, hyd yn oed os yw awdur y dudalen We eisoes wedi eu nodi. Yn ogystal â hyn, medrwch nodi'r lliw sydd i ddangos y cysylltiadau yn nhudalennau'r We, neu liw a ddefnyddir yn benodol ar gyfer y cysylltiadau pan fo'r llygoden yn pasio dros y cyswllt.

Mae hyn yn ddefnyddiol os nad yw'ch golwg yn dda, eich bod angen ffontiau mwy, neu angen lliwiau mewn cyferbyniad eglur. Medrwch osod Internet Explorer i ddefnyddio'r lliwiau a'r ffontiau a nodwch, eich lliwiau a ffontiau Windows diofyn, neu'r gosodiadau a nodwch yn eich taflen arddull chi.

Dyma'r ffordd hawddaf o newid y gosodiadau pori: dewis Fonts o'r ddewislen View yn Internet Explorer 4 neu fersiynau cynharach, neu ddewis Text Size o'r ddewislen View yn Internet Explorer 5 a chlicio ar faint y testun yr ydych am ei ddefnyddio.

I gael rhagor o reolaeth dros y gosodiadau pori dewiswch Internet Options o'r ddewislen View yn Internet Explorer 4 neu fersiynau cynharach, neu'r ddewislen Tools yn Internet Explorer 5.

Mae Internet Options yn eich caniatáu i newid y ffontiau a lliwiau'r cefndir ac i ddefnyddio eich taflenni arddull eich hun i addasu'r porwr ymhellach ar gyfer eich anghenion defnyddio.

Netscape

Medrwch nodi pa ffontiau a maint ffontiau y dylid eu defnyddio i ddangos tudalennau'r we yn eich porwr. Medrwch ddewis symbolau wedi eu hamgodio hefyd.

• Agorwch ddewislen Edit a dewiswch Preferences.

• Agorwch yr Appearance group a chliciwch y categori Ffontiau.

• Dewiswch gôd i ddweud wrth y cyfrifiadur pa fath o lythrennau a symbolau i'w defnyddio.

• Dewiswch eich ffontiau diofyn o'r dewislenni codi Variable Width Font a Fixed Width Font. (Defnyddir Fixed-width fonts yn aml i lenwi ffurflenni.)

• Cliciwch un o'r canlynol:

• Er mwyn nodi eich bod bob amser am ddefnyddio eich ffontiau diofyn yn hytrach na'r ffontiau a ddewiswyd gan awdur y ddogfen cliciwch "Use my default fonts, overriding document-specified fonts."

• Er mwyn nodi bod ffontiau tudalen i'w defnyddio pan fyddant ar gael heb lwytho i lawr (i arbed amser), cliciwch "Use document-specified fonts, but disable Dynamic Fonts."

• Er mwyn nodi bod ffontiau tudalen yn cael eu defnyddio trwy gydol yr amser, cliciwch "Use document-specified fonts, including Dynamic Fonts."

Os ydych yn edrych ar dudalennau'r We mewn mwy nag un cynllun amgodio (e.e. Gorllewinol a Thsieineaidd), medrwch ddewis ffontiau a maint ffontiau ar gyfer pob côd.

yn ôl i'r Cyfarwyddiadau Mynediad

'W3C Web Accessibility Initiative': y W3C yw'r awdurdod rhyngwladol cydnabyddedig ar safonau Gwe

access.adobe.com offer defnyddio ar gyfer gweithio gyda ffeiliau PDF

syniadau RNIB ar gyfer dylunio safleoedd Gwe hygyrch

 Canllaw Mynediad