Grÿp Wrecsam Hygyrch

Sefydlwyd Grÿp Wrecsam Hygyrch gan Gyngor Wrecsam i hyrwyddo gweithio ar y cyd rhwng Cyngor Wrecsam a phobl leol anabl a grwpiau anabledd a mynediad.

Bydd y grÿp yn cyfarfod bob chwe wythnos ac mae wedi mynd o nerth i nerth ers cael ei sefydlu nifer o flynyddoedd yn ôl ac wedi helpu gwneud nifer o welliannau ar hyd a lled Bwrdeistref Wrecsam.

Cadeirydd y grÿp yw’r Cynghorydd Alun Jenkins gyda chefnogaeth Celia Hart, Rheolwr Cydraddoldeb Cyngor Bwrdeistref Sirol Wrecsam.

Meddai’r Cynghorydd Alun Jenkins: “Mae Grÿp Wrecsam Hygyrch yn ffynnu diolch i’r grwpiau ac unigolion lleol sy’n dod i’n cyfarfodydd ond gobeithiwn y bydd mwy fyth o bobl yn ymuno â’r grÿp ac yn gweithio efo ni i wella mynediad drwy’r fwrdeistref sirol i gyd er lles holl bobl anabl.”

I gael rhagor o wybodaeth am Grÿp Wrecsam Hygyrch, cysylltwch â Chelia Hart ar 01978 292808 neu e-bostio: equality@wrecsam.gov.uk

Dyddiadau Cyfarfodydd Grÿp Wrecsam Hygyrch 2010

Bydd cyfarfodydd yn cael eu cynnal yn Neuadd y Dref, Wrecsam bob chwe wythnos.

Bydd cyfarfodydd yn dechrau am 11.00am ac yn para ryw ddwyawr.

Gwnawn bob ymdrech i sicrhau bod cyfarfodydd yn groesawus, yn gynhwysol ac yn hygyrch i bawb. Rydym yn hapus i drefnu cymorth cyfathrebu a gallwn ddarparu gwybodaeth mewn dewis o ffurfiau hygyrch. Cysylltwch â’r Rheolwr Cydraddoldeb os hoffech fynychu cyfarfod.

Mae dyddiadau 2010 fel a ganlyn:

  • 20 Ionawr
  • 3 Mawrth
  • 14 Ebrill
  • 26 Mai
  • 7 Gorffennaf
  • 18 Awst
  • 29 Medi
  • 10 Tachwedd
  • 15 Rhagfyr

Grÿp Wrecsam Hygyrch

Cylch Gorchwyl / Swyddogaethau a Chyfrifoldebau

Mae Grÿp Wrecsam Hygyrch yn tynnu ynghyd ac yn ymwneud â Rhanddeiliaid, Partneriaid a swyddogion allweddol Cyngor Bwrdeistref Sirol Wrecsam a fydd yn gweithio fel partneriaid i wneud Wrecsam yn dref hygyrch. Nod y grÿp yw cynorthwyo’r Cyngor ateb gofynion Deddf Anffafrio’r Anabl 1995 a Dyletswydd Cydraddoldeb i Bobl Anabl sydd yn Neddf Anffafrio’r Anabl 2005.

Bydd Grÿp Wrecsam Hygyrch yn gwneud y canlynol:

  • Darparu fforwm trafod agored lle gall rhanddeiliaid, partneriaid, pobl anabl a grwpiau neu fudiadau lleol godi materion sy’n effeithio ar fynediad yn Wrecsam fel bod modd trafod y materion hynny a’u dwyn ymlaen fel y bo’n briodol.
  • Cynghori ar ganlyniadau all ddeilio i bobl anabl yn deillio o sut mae’r Cyngor yn datblygu ac yn cyflenwi ei wasanaethau ac yn arfer ei swyddogaethau mewn cysylltiad â’r amgylchedd adeiledig gan gynnwys cynllunio a chludiant a materion diogelwch cymunedol.
  • Ymateb a rhoi sylwadau ar gynigion arwyddocaol a sut fyddant yn effeithio ar allu pobl anabl i gael gafael ar gyfleusterau a gwasanaethau sy’n cael eu darparu gan y Cyngor.
  • Cynorthwyo’r Cyngor nodi a rhoi sylw i rwystrau adeileddol a rhwystrau eraill a allai effeithio’n negyddol ar bobl anabl.
  • Cynorthwyo’r Cyngor wneud asesiadau effaith anabledd ystyrlon a datblygu agwedd sy’n gynhwysol ac yn galluogi trwy hyrwyddo mynediad cyfartal i ddinasyddion anabl.
  • Cynorthwyo’r Cyngor i ymwneud, ymgynghori a chyfathrebu’n effeithiol â phobl anabl.
  • Cefnogi cyflawni, datblygu ac arolygu Cynllun Cydraddoldeb Anabledd y Cyngor a chadw cyswllt â’r Grÿp Cydraddoldeb i Bobl Anabl (Arolygu ac Adolygu) fel y bo’n berthnasol a phriodol.

yn ôl i'r brig