Cyngor Bwrdeistref Sirol Wrecsam – Safonau Gofal Cwsmer

Ein nod yw rhoi gofal o’r radd flaenaf i’r cwsmer.

Byddwn yn ei gwneud yn hawdd i chi gysylltu â ni a byddwn yn rhoi gwasanaeth cyfeillgar a phroffesiynol bob amser. Ein nod yw sicrhau y bydd yr un cyntaf y byddwch yn siarad ag ef neu hi yn datrys eich ymholiad. Os nad yw’n gallu eich helpu chi byddwn yn dod o hyd i’r un iawn a fydd yn gallu helpu. Byddwn yn gosod safonau a byddwn yn dweud wrthych sut yr ydym yn cyflawni’r safonau hynny.

Pa fodd bynnag y byddwch yn cysylltu â ni, gallwch ddisgwyl y byddwn:

  • Yn gwrando ar eich ymholiad
  • Yn egluro’r hyn y gallwn ei wneud i helpu neu ddod o hyd i rywun sy’n gallu eich helpu chi
  • Egluro’r hyn fydd yn digwydd nesaf
  • Dweud wrthych ba bryd y gallwch chi ddisgwyl derbyn y gwasanaeth
  • Croesawu adborth ynghylch y gwasanaeth yr ydych wedi ei dderbyn

Pan fyddwch yn cysylltu ag un o’n gwasanaethau ar y ffôn, ein nod fydd cyflawni’r safonau canlynol:

  • Fel arfer byddwn yn ateb eich galwad o fewn 15 eiliad neu 5 caniad
  • Byddwn yn rhoi ein henw ac enw’r gwasanaeth yr ydych wedi cysylltu ag ef
  • Byddwn yn ateb eich galwad gyda chyfarchiad yn Gymraeg ac yn Saesneg
  • Byddwn yn ymateb i’ch ymholiad yn Gymraeg os gallwn neu byddwn yn trosglwyddo eich galwad i gydweithiwr sy’n siarad Cymraeg
  • Byddwn yn sicrhau bod pob un o’n rhifau ffôn sydd wedi eu cyhoeddi ar gael rhwng 8.30 a 5.30 o ddydd Llun i ddydd Gwener
  • Byddwn yn rhoi rhifau ffôn y gallwch chi eu galw mewn argyfwng ar wahân i’r oriau hynny

Pan fyddwch yn cysylltu ag un o’n gwasanaethau drwy’r E-bost, ein nod fydd cyflawni’r safonau canlynol:

  • Byddwn yn cydnabod eich e-bost o fewn 24 awr
  • Byddwn yn rhoi ein henw ac enw’r gwasanaeth yr ydych wedi cysylltu ag ef
  • Byddwn yn ymateb i’ch e-bost yn Gymraeg os ydych chi wedi cysylltu â ni yn Gymraeg
  • Byddwn fel arfer yn rhoi ymateb llawn i’r e-bost o fewn 5 diwrnod gwaith
  • Os na fedrwn ni roi ateb llawn i’ch ymholiad o fewn 5 diwrnod gwaith byddwn yn rhoi gwybod i chi pa bryd y gallwch ddisgwyl ymateb.

Pan fyddwch yn ymweld ag un o’n Swyddfeydd, ein nod fydd cyflawni’r safonau canlynol:

  • Bydd pob un o’n derbynfeydd yn hygyrch, croesawus a glan
  • Bydd y gweithwyr yn gwisgo bathodyn enw
  • Os oes apwyntiad gennych byddwch yn cael eich gweld ar amser fel arfer
  • Os nad oes apwyntiad gennych, byddwn yn ceisio eich gweld o fewn 6 munud
  • Byddwn yn darparu ystafelloedd cyfweld preifat

Safonau Gofal Cwsmer

Safonau Gofal Cwsmer – Ffersion PDF 199Kb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Cyswllt o llun hon i wefan Adobe i ddadlwytho Adobe Acrobat Reader

Gellir newid dogfennau Adobe Acrobat yn ôl i destun plaen trwy ddefnyddio'r Accessible Adobe® Reader.

yn ôl i'r brig