Cwestiynau Cyffredin

Cynllunio Brys

• Beth yw Cynllunio Brys?
• Beth yw Swyddogaeth Ymateb Brys y Cyngor?
• Sut y bydd y Cyngor yn Ymateb i Achosion Brys?
• Sut y gallaf gysylltu â'r Tîm Cynllunio Brys?

Gwybodaeth am Deddf Argyfyngau Sifil 2004 - Proses Asesu Risg. Heddlu Gogledd Cymru (cyswllt allanol)

 Cymru Gydnerth (cyswllt allanol)

Mae gan y Gwasanaeth Cynllunio Argyfwng ffynhonnell ganolog o wybodaeth  am gynlluniau argyfwng dinesig yng Nghymru. Mae gwefan Cymru Gydnerth yn ffenest  i waith a wneir ar draws Cymru, Fforwm Dycnwch Lleol ac o fewn asiantau unigol. Yn ogystal â darparu Gwasanaeth Cynllunio Argyfwng hefo newyddion a'r ymarfer gorau mae'r safle yn ffynhonnell hefyd o wybodaeth i'r cyhoedd beth i'w wneud yn ystod argyfwng.

Fforwm Gogledd Cymru Gydnerth (cyswllt allanol)

Yma fe gewch wybodaeth am y gwaith sy'n digwydd i sicrhau fod y rhanbarth yn barod, cyn, yn ystod ac ar ôl digwyddiad difrifol. Mae gwybodaeth gyffredinol a chyngor hefyd ar gael i drigolion, busnesau ac ymwelwyr ar ystod eang o argyfyngau, o lifogydd lleol i ymosodiad terfysgol.

Fforwm Gogledd Cymru Gydnerth - Cofrestr Risg (cyswllt allanol)

Mae Cofrestr Risg Cymunedol Gogledd Cymru yn ddogfen fyw sy'n rhestru'r risgiau posibl yng Ngogledd Cymru. Mae'r Gofrestr yn helpu FfGCG i benderfynu ym mhle y dylai ganolbwyntio ei ymdrechion.

Beth yw cynllunio brys?

Y Tîm Cynllunio Brys sy'n cydgysylltu ymateb y Cyngor i unrhyw sefyllfa frys. Gwneir hyn trwy baratoi cynlluniau yn unol â'r gofynion statudol, hyfforddi swyddogion yn eu swyddogaethau brys a thrwy gyswllt gyda phartneriaid ymateb, gan gynnwys y gwasanaethau brys, y cyfleustodau a'r asiantaethau gwirfoddol.

^ yn ôl i'r brig | Yn ôl i'r Mynegai Cwestiynau

Beth yw swyddogaeth ymateb brys y Cyngor?

Mae'r Cyngor yn rhoi cymorth ymarferol i'r gwasanaethau brys ym mhob maes ymateb. Gan amlaf, bydd y gofalu am les aelodau'r cyhoedd sy'n gysylltiedig â'r achos brys, yn darparu cymorth technegol ac adnoddau ar safle'r argyfwng, ac yn cydgysylltu gwaith yr asiantaethau gwirfoddol ac adferiad hirdymor yr ardal yr effeithir arni.

N i fydd gwaith y Cyngor yn dod i ben pan fo'r gwasanaethau brys yn ymadael. Y Cyngor sy'n gyfrifol am glirio, glanhau ac ailadeiladu'r gymuned a'r dioddefwyr. Gall y gofal a'r cymorth i ddioddefwyr barhau am wythnosau neu fisoedd lawer.

Y Cyngor hefyd fydd yn sicrhau y cynhelir gwasanaethau hanfodol yn ystod argyfyngau, ac yr adferir cymunedau i'w cyflwr a'u bywyd arferol cyn gynted ag y bo modd.

^ yn ôl i'r brig | Yn ôl i'r Mynegai Cwestiynau

Sut y bydd y Cyngor yn ymateb i achosion brys?

Seilir ymateb y Cyngor ar yr egwyddor o Reolaeth Argyfwng Integredig. Mae hyn yn sicrhau ymateb cydlynol, beth bynnag fo achos yr argyfwng.

Mae'r Cyngor wedi rhannu ei ymateb i achosion brys yn bedair elfen sylfaenol, ac wedi sefydlu Timau Ymateb i reoli'r meysydd hynny, fel a ganlyn:

Tîm Gwybodaeth Brys

Y tîm hwn sy'n rheoli'r gwaith o gasglu, gwirio a lledaenu pob gwybodaeth yn ymwneud â'r achos brys. Mae hefyd yn rheoli ymholiadau gan y wasg a'r cyfryngau.

Tîm Lles Brys

Y tîm hwn sy'n rheoli lles pawb yr effeithir arnynt gan yr achos brys, gan gynnwys symud pobl o'u cartrefi a'u cynghori.

Tîm Cymorth a Gweithfeydd Brys

Y tîm hwn sy'n rheoli'r holl gymorth technegol a'r adnoddau a ddarperir i gynorthwyo'r gwasanaethau brys i ymateb i'r sefyllfa.

Tîm Adferiad Brys

Y tîm hwn sy'n gyfrifol am waith adfer hirdymor ac am ddychwelyd cymunedau a phreswylwyr i'w cyflwr a'u bywyd arferol.

Mewn unrhyw sefyllfa frys, daw'r pedwar tîm hyn at ei gilydd yng Nghanolfan Frys y Cyngor yn Neuadd y Dref, i gydgysylltu ymateb y Cyngor.

^ yn ôl i'r brig | Yn ôl i'r Mynegai Cwestiynau

Sut y gallaf gysylltu â'r Tîm Cynllunio Brys?

Gallwch gysylltu â'r Tîm Cynllunio Brys ar:

Ffôn: 01978 292265

Neu e-bost: webmaster@wrexham.gov.uk

Cyfeiriad cyswllt y Tîm yw:
Y Tîm Cynllunio Brys
Cyngor Bwrdeistref Sirol Wrecsam
Cynllunio
Swyddfeydd Stryt y Lampint
Wrecsam
LL11 1AR

^ yn ôl i'r brig | Yn ôl i'r Mynegai Cwestiynau