Fforwm Canol y Dref

Ffurfiwyd Fforwm Canol Tref Wrecsam drwy amrywiaeth eang o fusnesau a sefydliadau â diddordeb cyffredin yn natblygiad ffyniannus Wrecsam. Mae aelodau Fforwm Canol y Dref yn cydweithio i ddylanwadu a sicrhau datblygiadau, gweithgareddau a blaengareddau cadarnhaol yn y dref.

Amcan Fforwm Canol Tref Wrecsam yw "Hyrwyddo gweithgaredd partneriaeth cydweithiol wedi ei gynllunio i sicrhau bod Canol Tref Wrecsam yn cael ei chydnabod fel amgylchedd deniadol, glân a diogel er mwyn uchafu ei photensial fel prif ganolfan siopa, twristiaeth a diwylliant Gogledd Cymru."

Er mwyn hwyluso hyn, trefnir y Fforwm i grwpiau ffocws sy'n edrych ar feysydd penodol o ddiddordeb iddynt, sef :-

• Mynediad - Sicrhau bod pob sector o'r gymuned yn gallu mwynhau mynediad effeithlon i, ar draws ac o fewn Wrecsam bob amser.

• Diogelwch - Sicrhau ardal ddi-drosedd yng Nghanol Tref Wrecsam.

• Amgylchedd - Sicrhau argraff weledol ddeniadol a chofiadwy o Wrecsam.

• Marchnata - Creu ymwybyddiaeth gadarnhaol o Wrecsam yn rhanbarthol ac yn genedlaethol.

• Cyd-drefniant Digwyddiadau - Sicrhau cyfranogiad eang mewn a pherchenogaeth o ddigwyddiadau hyrwyddol yn Wrecsam.

• Hyfforddiant - Annog pob busnes yn Wrecsam i gymryd rhan mewn cynlluniau hyfforddi addas, effeithiol, wedi eu targedu.

Os hoffech gyfrannu neu gymryd rhan mewn hyrwyddo unrhyw un o amcanion Fforwm Canol Tref Wrecsam, cysylltwch â Rheolwr Canol y Dref, Cyngor Bwrdeistref Sirol Wrecsam, Stryt y Lampint, Wrecsam, LL11 1WS. Ffôn: 01978 292457.