Gwasanaethau A-Y

Hyfforddiant a Datblygu'r Gweithlu

Datblygu’r Gweithlu: Sgiliau - Pobl - Llwyddiant

Rhaglen Datblygu’r Gweithlu

Gallwn helpu eich busnes wneud ei orau trwy ddatblygu sgiliau eich gweithlu. Dan Raglen Datblygu Gweithlu Llywodraeth Cynulliad Cymru gallwn ddarparu gwasanaethau cynghorydd sgiliau profiadol i helpu i chi adolygu eich strategaeth bresennol ddatblygu staff a chynorthwyo taro nodau eich busnes.

Fel arfer, byddwn yn gwneud adolygiad diagnostig o ddatblygiad staff yn eich busnes i gael dealltwriaeth dda o’r canlynol:

eich agwedd bresennol at reolaeth a hyfforddiant
eich anghenion hyfforddi
cyfeiriad eich busnes

Byddwn yn gweithio gyda chi i lunio cynllun hyfforddiant ar gyfer eich busnes, fydd ar sail y dewisiadau hyfforddiant mwyaf priodol i anghenion eich busnes. Byddwn hefyd yn helpu i chi gael gafael ar yr hyfforddiant sydd arnoch ei angen, a allai gynnwys atebion mewnol neu brynu o’r tu allan.

Bydd anghenion hyfforddi a nodwyd yn ystod yr adolygiad yn gymwys i dderbyn cyllid dewisol o 50% o’r gost hyd at uchafswm o £1000.

Mae’r adolygiad sgiliau AM DDIM A HEB YMRWYMIAD – y cyfan fydd angen i chi ei ymrwymo yw eich amser.

Yr adolygiad diagnostig

Yn ystod yr adolygiad diagnostig byddwn yn gwneud y canlynol:

edrych ar eich strategaeth bresennol datblygu staff i sicrhau fod yr hyfforddiant a ddarparwch yn cyfrannu tuag at amcanion eich busnes
helpu i chi lunio a gweithredu cynllun datblygu sefydliadol i wella eich agwedd at reolaeth a hyfforddiant lle bo angen
nodi eich anghenion hyfforddi a datblygu a chynhyrchu cynllun dysgu cytûn i’w diwallu
nodi cyrsiau hyfforddi addas a’ch rhoi mewn cysylltiad â darparwyr hyfforddiant priodol
eich cynghori ynghylch unrhyw gynlluniau hyfforddiant a chyllid sydd gan Lywodraeth Cynulliad Cymru a allai fod yn briodol i’ch busnes
rhoi cyngor am ddim i helpu i chi gyflawni safon Buddsoddwyr mewn Pobl sy’n cael ei chydnabod ledled y wlad ar gyfer datblygu’r gweithlu (os yw’n berthnasol)

Gweithdai arweinyddiaeth a rheolaeth

Lluniwyd gweithdai arweinyddiaeth a rheolaeth Llywodraeth Cynulliad Cymru i helpu chi a’ch rheolwyr wella eich sgiliau arwain. Mae’r gweithdai hyn yn ymarferol dros ben ac yn canolbwyntio’n bendant ar ddatblygu sgiliau rheoli hanfodol.

Cânt eu cyflwyno gan rwydwaith o ddarparwyr sicr eu hansawdd a’u cynnal yn rheolaidd ar hyd a lled Cymru. Mae modd eu cyflwyno trwy gyrsiau agored neu sesiynau hyfforddi pwrpasol yn eich eiddo ac adeiladau.

Gall eich cynghorydd sgiliau awgrymu yn eich adolygiad sgiliau eich y byddech chi a’ch uwch-reolwyr yn elwa ar fynychu gweithdy i wella’ch galluoedd arwain.

Beth mae’r gweithdai’n gwmpasu?

Mae pob gweithdy’n canolbwyntio ar agwedd benodol ar reolaeth, fel sut i wneud y canlynol:

gwella cynhyrchiant a phroffidioldeb
creu timau effeithiol
cynllunio strategaethau ar gyfer llwyddiant
cynyddu boddhad mewn gwaith
symbylu staff

Cyllid sydd ar gael i fynychu gweithdai

Os yw eich busnes yn cyflogi llai na 250 o bobl yna mae 70% o gost pob cynrychiolydd sy’n mynychu’r gweithdai hyn yn cael ei noddi. Gall busnesau mwy gael cymhorthdal safonol o 50%. Gall mynychu’r gweithdai fod yn ffordd gost-effeithiol iawn o atgyfnerthu rheolaeth yn eich busnes.

Am fwy o fanylion cysylltwch â Steve O’Neill ar 01978 667000.