Cyflwyniad

Gwasanaeth gwybodaeth fusnes yw Llinellfusnes sy’n cael ei ddarparu gan Gyngor Bwrdeistref Sirol Wrecsam i bawb sy’n dechrau busnes, sydd eisoes mewn busnes neu sy’n astudio busnes.

Bydd ein hadnoddau a gwybodaeth yn helpu i chi wneud y canlynol:

  • Penderfyniadau mwy effeithiol
  • Arbed amser
  • Arbed arian

Bydd pobl fusnes yn gwneud penderfyniadau bob dydd, ond ydych chi erioed wedi ystyried sut fyddwch chi’n gwneud y penderfyniadau hynny a sut mae hyn yn effeithio ar eich llwyddiant? Mae penderfyniadau da’n deillio o wybodaeth dda, ond gall fod yn anodd cael hyd i wybodaeth dda neu gall fod mewn cronfeydd data drud. Fodd bynnag, fel gwasanaeth gwybodaeth fusnes arbenigol mae Llinellfusnes yn prynu amrywiaeth o adnoddau fel nad ydych chi’n gorfod. Ar y cyd â’n gwybodaeth eang o faterion busnes, ffynonellau gwybodaeth fusnes a’n sgiliau ymchwilio gallwn gael hyd i’r wybodaeth sydd ei hangen arnoch, gan arbed eich amser. Felly peidiwch â gwastraffu amser yn chwilio’r rhyngrwyd, gadewch i ni chwilio ar eich rhan. Wrth gwrs gallwch bori a defnyddio’r adnoddau sydd ar gael ac, os byddwch angen arweiniad ar ble i edrych neu gyfarwyddyd ar fater arbennig, cofiwch ofyn. 

Pwy ydym ni?

Mae gan dîm Llinellfusnes gyfoeth o brofiad, gwybodaeth a chymwysterau mewn rheoli busnes a gwybodaeth. Mae cymwysterau’n cynnwys gradd anrhydedd mewn Rheoli Busnes a Diploma Ôl-raddedig mewn Gwybodaeth.

Pwy allwn ni helpu

Gallwn helpu’r canlynol:

Beth allwn ni wneud i chi?

Gwasanaethau a ddarparwn:

  • Cadarnhau credyd
  • Ymchwil marchnata
  • Materion cyfreithiol cyflogi staff
  • Rhestri postio
  • Cael gafael ar gyflenwr
  • Rhwydweithio
  • Gwybodaeth am ddechrau busnes
  • Gwybodaeth am redeg busnes
  • A mwy

Sut mae Llinellfusnes yn gweithio?

  • galw heibio, ffonio, e-bostio, ffacsio neu bostio eich ymholiad
  • ymholiadau syml yn cael eu hateb ar unwaith
  • byddwn yn trafod yr amser i ateb ymholiadau cymhleth gyda chi
  • dewis fformat a dull cyflwyno
  • y rhan fwyaf o wasanaethau’n ddi-dâl, dim costau cudd

Croeso i chi lawrlwytho pecyn trosolwg Llinellfusnes, sy’n rhoi cipolwg mwy cynhwysfawr ar ddetholiad o’n gwasanaethau a’r adnoddau mwyaf poblogaidd. Mae pecynnau sefydlu busnes ar gael yn ddi-dâl ac mae croeso i chi ofyn am gopi gan ddefnyddio ein ffurflen ymholi ar-lein. Mae dolen gyswllt iddi isod:

Cysylltwch â thîm Llinellfusnes yn:

Llinellfusnes
Llyfrgell Wrecsam
Ffordd Rhosddu
Wrecsam
LL11 1AU

Ffôn: 01978 292092
Ffacs: 01978 292611
Ebost: businessline@wrexham.gov.uk

yn ôl i'r brig