Gwasanaethau A-Y

Rhaglen Cryfhau Teuluoedd

Ar gyfer unrhyw deulu sy’n byw yn Wrecsam gyda phobl ifanc rhwng 10 a 14 oed

Cryfhau Teuluoedd yw rhaglen 7 wythnos i unrhyw deulu sy’n byw yn Wrecsam gyda phobl ifanc rhwng 10 a 14 oed.

Gall droi’n arddegwr fod yn adeg heriol i bobl ifanc a rhieni fel ei gilydd. Ceir tystiolaeth bod y Rhaglen Cryfhau Teuluoedd yn cryfhau rhieni a phobl ifanc yn ystod y cyfnod newid hwn.

Sylwadau gan Rieni...

"Rydym wedi dysgu i wrando, treulio mwy o amser gyda’n gilydd, ac nad ydym ar ein pennau ein hunain!"
"Rwyf bellach yn treulio amser penodol gyda’m teulu ac yn gwrando ar yr hyn maen nhw’n ei ddweud"
"Nid wyf wedi cael unrhyw lythyrau o’r ysgol ers i’r cwrs ddechrau"
"Nawr gallaf siarad heb wylltio, nid ydw i’n gweiddi gymaint"

Nawr gallaf siarad heb wylltio, nid ydw i’n gweiddi gymaint...

"Rydw i wedi dysgu syniadau da – fel sut i ymdopi â phwysau gan gyfoedion a phroblemau eraill"
"Roeddwn wrth fy modd!"
"Rydw i’n gwybod i beidio â gweiddi bellach pan nad ydw i’n cael fy ffordd fy hun"

Rhaglen Cryfhau Teuluoedd yw rhaglen saith wythnos sy’n gweithio gyda theuluoedd i gryfhau eu perthnasau gyda’i gilydd.

Mae Rhieni a Phobl Ifanc yn cyfarfod mewn grwpiau ar wahân am yr awr gyntaf, ac yna’n dod at ei gilydd am yr ail awr am sesiwn deuluol.

Arweinir y grŵp gan grŵp o bobl o amrywiaeth o wahanol asiantaethau a chefndiroedd, sydd eisoes yn gweithio gyda phobl ifanc a’u teuluoedd

Mae’n cynnwys gweithgareddau a gynlluniwyd i:

Helpu rhieni a gofalwyr i ddysgu sgiliau meithrin sy’n datblygu eu plant.
Addysgu rhieni a gofalwyr sut i ddisgyblu ac arwain eu plant yn effeithiol.
Rhoi’r cyfle i bobl ifanc ystyried eu golau yn y dyfodol, a gwell dealltwriaeth o’u rhieni/gofalwyr.
Addysgu sgiliau i bobl ifanc ar gyfer ymdrin â phwysau gan gyfoedion.

Am fanylion a phryd a ble y caiff y rhaglen nesaf ei chynnal neu am fanylion am sut i gyfeirio eich hun, neu deulu rydych yn gweithio gyda nhw cysylltwch ag:

Cydlynydd Cryfhau Teuluoedd ar 01978 295 452 neu ebostiwch parenting@wrexham.gov.uk.

Mae'r Rhaglen Cryfhau Teuluoedd yn cael ei redeg fel rhan o arbrawf ymchwil. Golygai hyn nad yw'n bosib i bob ymgeisydd fynychu'r Rhaglen.

Gwybodaeth i Deuluoedd sy'n Gwneud Cais

Darperir y Rhaglen Cryfhau Teuluoedd i unrhyw deulu sy'n byw yng Nghaerdydd sydd â phlant rhwng 10 a 14 oed
Bydd rhieni/gofalwyr a phlant rhwng 10 a 14 oed yn mynychu'r Rhaglen Cryfhau Teuluoedd gyda'i gilydd
Mae'r Rhaglen Cryfhau Teuluoedd yn fwyaf priodol ar gyfer pobl ifanc sy'n byw gyda'u rhiant/gofalwr yn llawn amser, fodd bynnag gellir ystyried sefyllfaoedd eraill
Bydd yn rhaid i oedolion a phobl ifanc sy'n mynychu gymryd rhan mewn lleoliad grŵp am ddwy awr yr wythnos am saith wythnos
Gall teuluoedd wneud cais drwy ddefnyddio'r Ffurflen Gais i Deuluoedd
Gall teuluoedd unigol neu asiantaethau wneud cais. Gall asiantaethau wneud cais ar ran teulu y maent yn ei gefnogi gyda chaniatâd y teulu. Disgwylir i'r asiantaethau hyn gadw mewn cysylltiad rheolaidd â'r teuluoedd drwy gydol y rhaglen
Bydd gwasanaeth chwarae ar gael i deuluoedd â phlant iau
Bydd y trefnwyr yn asesu p'un a yw'r Rhaglen Cryfhau Teuluoedd yn addas i'ch teulu, yn seiliedig ar y wybodaeth a roddwyd ar eich ffurflen gais
Caiff y Rhaglen Cryfhau Teuluoedd ei darparu fel rhan o dreial ymchwil. Mae hyn yn golygu na all pob ymgeisydd fynychu'r rhaglen. Ceir rhagor o wybodaeth mewn taflen ar wahân.

Ffurflen Gais y Teulu

Ffurflen Gais y Teulu - Fersiwn Word 1.7Mb

Ffurflen Gais y Teulu - Fersiwn PDF 125Kb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Gellir newid dogfennau Adobe Acrobat yn ôl i destun plaen trwy ddefnyddio'r Accessible Adobe® Reader.

I weld ac argraffu ffeiliau Microsoft Word, rhaid fod Microsoft Word wedi ei sefydlu ar eich cyfrifiadur neu gallwch ddadlwytho Meddalwedd Gwyliwr Microsoft Word: cliciwch y logo isod i ddadlwytho'r meddalwedd.

Gwybodaeth i Gyfeirwyr

Nodweddion allweddol y Rhaglen Atgyfnerthu Teuluoedd

Rhaglen saith sesiwn yw SFP (dwyawr a hanner yr wythnos)
Bydd rhieni a phobl ifanc yn cyfarfod ar wahân am yr awr gyntaf ac yn treulio’r ail awr gyda’i gilydd mewn gweithgareddau teuluol
Mae’n canolbwyntio ar adeiladu ar gryfderau yn y teulu a gostwng ffactorau risg cysylltiedig â’r teulu ar gyfer ymddygiad anodd pobl ifanc a chamddefnyddio sylweddau

Meini Prawf a Chanllawiau Cyfeirio

Meini Prawf Cyfeirio Rhieni a Phobl Ifanc:

Mae SFP ar gyfer unrhyw deulu sy’n byw yn Wrecsam gyda phobl ifanc 10 – 14 oed
Rhaid i’r rhieni / gofalwyr a’r bobl ifanc fod yn ymwybodol o’r cyfeirio, a chytuno iddo (cofiwch sicrhau bod y rhieni a’r bobl ifanc yn llofnodi yn y lle priodol)
Rhaid i deuluoedd ymrwymo i fynychu pob un o’r saith sesiwn a bod yn ymwybodol y bydd grwpiau fel arfer yn rhedeg ar ôl oriau ysgol, fel arfer yn yr hwyr
Pynciau dan Sylw bob Wythnos yn y Rhaglen

Grŵp Pobl Ifanc

Cyrraedd Nodau
Gwerthfawrogi Rhieni
Delio â Straen
Dilyn Rheolau
Delio â Phwysau Cyfoedion
Pwysau Cyfoedion a Chyfeillion Da
Cynnig Llaw i Eraill

Grŵp Rhieni

Dangos Cariad a Phennu Terfynau
Gwneud Rheolau’r Tŷ
Annog Ymddygiad Da
Deall Canlyniadau
Adeilad Pontydd
Gwarchod rhag Camddefnyddio Sylweddau
Cael Cymorth gydag Anghenion Arbennig y Teulu

Grŵp y Teulu

Cynnal Nodau a Breuddwydion
Gwerthfawrogi Aelodau’r Teulu
Defnyddio Cyfarfodydd Teulu
Deall Gwerthoedd y Teulu
Meithrin Cyfathrebu Teuluol
Teuluoedd a Phwysau Cyfoedion
Tynnu Popeth at ei Gilydd

Cyfrifoldeb Asiantaethau ar y Cyd

Dim ond ar ffurflenni cyfeirio SFP fydd cyfeirebau’n cael eu derbyn i’w dychwelyd i’r cydgysylltydd yn y cyfeiriad isod.
Rhaid i’r teuluoedd gytuno â’r cyfeirio. Dylai rhieni a phobl ifanc lofnodi’r ffurflen yn y lle priodol i gadarnhau hyn.
Bydd gwybodaeth yn cael ei dal yn gydgyfrinachol yn unol â Deddf Gwarchod Data.
Mae’n well i’r cyfeirydd gadw achos agored gyda’r teulu a gyfeiriwyd yn ystod y rhaglen.
Nodwch ar y ffurflen gyfeirio unrhyw anawsterau penodol o fewn y teulu all effeithio ar redeg y sesiynau’n esmwyth, fel:
- problemau presennol gydag alcohol neu gyffuriau
- anawsterau dysgu
- anawsterau llythrennedd
- materion ymddygiad
- materion amddiffyn plant
Bydd cydgysylltydd y rhaglen yn ymweld â chartref pob teulu i asesu eu haddasrwydd i’r rhaglen. Efallai y bydd cais i’r cyfeirydd fynd gyda’r cydgysylltydd i ymweld â’r cartref.
Os yw cludiant neu ofal plant yn rhwystro mynychu, bydd y cydgysylltydd yn cysylltu â’r cyfeirydd i drafod trefniadau.
Yn achos rhieni sy’n mynychu’r grŵp dan orchmynion rhianta, dyletswydd y cyfeirydd / swyddog cyfrifol yw gweld eu bod yn mynychu’r grŵp.
Pan fo cais am hynny, bydd y cydgysylltydd yn rhoi atborth i’r cyfeirydd ar ôl y grŵp gyda manylion cryno o bresenoldeb a’r prif ganlyniadau. Cyfrifoldeb y cyfeirydd fydd trefniadau dilyniant.