Gwasanaethau A-Y

Byddwch yn ddiogel ar Nos Galan Gaeaf

Os 'dach chi'n mynd allan i chwarae 'Cast neu Geiniog' ar nos Galan Gaeaf, cofiwch y rheolau yma ac mi gewch chi hwyl a chadw'n ddiogel ar yr un pryd!

Peidiwch â mynd i chwarae Cast neu Geiniog heb oedolyn;
Ddylech chi ddim ond mynd at ddrysau tai pobl yr ydych chi neu eich ffrindiau yn eu hadnabod
Peidiwch â chnocio ar ddrysau tai lle mae arwydd yn dweud ‘DIM Galwyr’
Arhoswch mewn mannau sydd wedi’u goleuo efo lampau stryd - ewch a torsh efo chi rhag ofn
Arhoswch efo’ch ffrindiau - peidiwch â rhannu'n grwpiau llai oni bai bod oedolyn efo chi
Peidiwch â siarad efo pobl ddieithr ar y stryd
Peidiwch â mynd i mewn i unrhyw dŷ – arhoswch ar y trothwy
Er bod Nos Galan Gaeaf i fod i godi dipyn o arswyd, cofiwch beidio dychryn pobl mewn oed
Edrychwch yn ofalus cyn croesi’r ffordd, hyd yn oed os ydych chi’n rhan o grŵp
Gwnewch yn siŵr eich bod chi’n hawdd i’ch gweld.