Cychwyn Cadarn Wrecsam

Beth ydyw?

Rhaglen leol yw hon a ariennir gan Cymorth ers 2002 i fodloni gofynion plant a theuluoedd sy'n byw mewn ardaloedd difreintiedig ledled Wrecsam. Amcanion y gwasanaeth yw:

"Gwella iechyd a lles teuluoedd a phlant cyn eu geni ac wedyn, fel bo plant yn barod i ffynnu pan fyddant yn dechrau ysgol"

"Rhoi dechrau gwell mewn bywyd i blant sy'n byw mewn ardaloedd difreintiedig"

Gellir cyflawni hyn drwy'r amcanion canlynol sef:

  • Gwella datblygiad cymdeithasol ac emosiynol
  • Gwella iechyd
  • Gwella gallu plant i ddysgu
  • Cryfhau teuluoedd a chymunedau

Credoau Cychwyn Cadarn

  • Buddsoddi yn ein plant
  • Meddwl cydgysylltiedig
  • Gall asiantaethau statudol a gwirfoddol sy'n cydweithio gyflawni mwy
  • Mae Tîm Cychwyn cadarn yn amlddisgyblaethol ac yn gweithio i ethos cyffredin
  • Targedu'r rheiny na fyddai'n ceisio cymorth a chyngor fel arfer
  • Lledaenu arfer da

Ar gyfer pwy y mae a phwy sy'n ei reoli?

Rheolir Cychwyn Cadarn Wrecsam gan bartneriaeth o'r gwasanaethau iechyd a'r awdurdod lleol. Mae Cychwyn Cadarn hefyd yn gweithio mewn partneriaeth â llawer o sefydliadau statudol a gwirfoddol eraill. Mae Cychwyn Cadarn yn gweithio yn ardaloedd Cymunedau yn Gyntaf ym Mharc Caia, Brynteg a Phlas Madoc. Gallai'r gwasanaeth hwn gael ei ymestyn i ardaloedd eraill yn ddibynnol ar anghenion y teulu.

Mae'r Tîm Cychwyn Cadarn yn cynnwys 2 Ymwelydd Iechyd Cychwyn Cadarn, 1 fydwraig, 4 Gweinyddes Feithrin, Therapydd Iaith a Lleferydd a Nyrs Seiciatrig Gymunedol.

Mae gan y tîm amlddisgyblaethol hwn fynediad uniongyrchol at weithwyr proffesiynol eraill sydd hefyd yn cael eu hariannu drwy Cymorth.

Targedau'r Llywodraeth ar gyfer Cychwyn Cadarn

  • Lleihau nifer y merched yn eu harddegau sy'n beichiogi
  • Cynyddu cyfran y plant â lefelau normal o ddatblygiad personol, cymdeithasol ac emosiynol ar gyfer eu hoedran
  • Rhoi rhaglenni ar waith i gefnogi a gofalu am famau ag iselder ôl-enedigol
  • Lleihau nifer y mamau sy'n ysmygu tra'n feichiog
  • Lleihau cyfran y plant 0-3 oed sy'n byw mewn cartrefi lle nad oes neb yn gweithio

Sut y byddwn yn cyflwyno gwasanaethau yn ardaloedd Cychwyn Cadarn

Byddwn yn cysylltu â phob teulu sy'n byw yn ardaloedd Cymunedau yn Gyntaf pan fydd eu baban yn 6 - 8 wythnos oed. Rydym yn cynnig ymweliad cartref fel y gallant gyfarfod un o'n Gweinyddesau Meithrin a dod i wybod mwy am Cychwyn Cadarn a'i wasanaeth.

Plas Madoc

Rydym yn cynnal grwp tylino babanod yng Nghanolfan Blant Integredig Plas Madoc, Ffordd Hampden, ar fore Gwener ar raglen dreigl. Hefyd rydym yn darparu sesiwn galw heibio ar fore Mawrth yn Nhy Plas Madoc rhwng 10 am - 11.30am. Yno gall rhieni neu ofalwyr gyda'u babanod gyfarfod gweithwyr Cychwyn Cadarn wrth fwynhau amser gwerthfawr gyda'u plant. Gall ein tîm cyfeillgar gynnig gwybodaeth a chyngor ar faterion fel iechyd y teulu, ymddygiad plant, cyfleusterau gofal plant a gwasanaethau lleol eraill. Rydym hefyd yn cynnig cefnogaeth Bwydo ar y Fron a thylino babanod. Gallai'r rhain fod yn y cartref neu yn y lleoliad grwp.

Ty Plas Madoc, 53 Bodlyn, Plas Madoc, Wrecsam, LL14 3HE.
Rhif ffôn: 01978-823706

Parc Caia

Mae'r Tîm Cychwyn Cadarn yn cynnal Clwb Babanod yn Nhy Queensway ar ddydd Mawrth rhwng 1.30 a 3.00pm i fabanod dan un oed - a'u rhieni wrth gwrs!

Dyma gyfle i gyfarfod rhieni eraill mewn lleoliad ymlaciol, cyfeillgar. Gallwn ddarparu gwybodaeth, cyngor a chefnogaeth am bob agwedd ar ofalu am faban ifanc a'r effaith y bydd y newydd-ddyfodiad yn ei gael ar y teulu. Hefyd rydym yn darparu sesiynau galw heibio ar fore Gwener yn Nhy Queensway rhwng 9.30 a 11.30 a.m. ar gyfer rhieni a gofalwyr plant dan 4 oed.

Ty Queensway, Queensway, Parc Caia, Wrecsam, LL13 8YD.

Brynteg

Mae staff Cychwyn Cadarn yn cynnal sesiwn galw heibio Cymorth i Rieni yn Neuadd Goffa Brynteg ar fore Llun rhwng 9.30am a 11.30am, ar gyfer rhieni a gofalwyr sydd â phlant dan 4 oed. Cynhelir Clwb Babanod ar fore Mercher ar gyfer babanod dan 1 oed a'u rhieni yn y Ty Cymunedol rhwng 9.30am ac 11.00am. Mae'r sesiynau hyn yn rhoi'r cyfle i rieni gyfarfod rhieni eraill a gwneud ffrindiau newydd mewn lleoliad cyfeillgar, ymlaciol ac anffurfiol.

Ym mhob un o'r grwpiau hyn ac yn y sesiynau galw heibio, bydd cyfle i deuluoedd drafod unrhyw faterion neu bryderon a allai fod ganddynt am anghenion datblygol ac iechyd eu plant gyda staff cymwys a phrofiadol. Cynigir sesiynau Iaith a Chwarae a Rhifau a Chwarae yn y boreau galw heibio hyn ar sail rhaglen dreigl.

Ty Cymunedol, 17 Ffordd Darby, Brynteg, Wrecsam, LL11 6LW.
Neuadd Goffa Brynteg, Ffordd y Chwarel, Brynteg, Wrecsam, LL15 2AR

Cyflwynir cwrs 'Gofalu am Blant' i bobl ifanc rhwng 11 a 15 oed ym mhob un o ardaloedd Cymunedau yn Gyntaf. Mae'r sesiynau hyn yn cynnwys y pynciau canlynol; iechyd personol, bwyta'n iach, camddefnyddio sylweddau, atal cenhedlu, diogelwch personol, diogelwch yn y cartref a datblygiad plentyn. Bydd y bobl ifanc sy'n mynychu'r cyrsiau hyn yn cael y cyfle i ofalu am ddol rhith-wirionedd, yn eu cartrefi eu hunain, yn y gobaith y bydd y profiad hwn yn codi eu hymwybyddiaeth o gyfrifoldebau bod yn rhiant.

Am fwy o wybodaeth neu i siarad ag aelod o'r tîm ffoniwch:

CYCHWYN CADARN: 01978-823706 neu DECHRAU'N DEG: 01978-823716 a gofyn am siarad ag aelod o Dîm Cychwyn Cadarn.

yn ôl i'r brig

Cysylltiadau Defnyddiol