 Tai - Dweud Eich Dweud! Polisi Gwella Tai Amlddeiliadaeth & Polisi Gorfodi Tai’r Sector Preifat
Polisi Gwella Tai Amlddeiliadaeth
Mae’r Cyngor yn benderfynol o sicrhau bod Tai Amlddeiliadaeth ym Mwrdeistref Sirol Wrecsam yn darparu llety diogel ac wedi’i reoli’n dda i gynorthwyo diwallu anghenion tai ein trigolion.
Mae’r sector rhentu preifat yn Wrecsam yn ffynhonnell werthfawr o lety ac mae mwyafrif or tai yn cael ei reoli a’i gynnal yn dda. Fodd bynnag, rhaid cael rheoliad i sicrhau bod safonau’n cael eu cynnal a bod landlordiaid yn gweithredu’n gyfrifol.
Dywedodd arolwg Cyflwr Tai Sector Preifat Wrecsam 2006 bod y sector rhentu preifat yn cynnwys y peryglon difrifol i iechyd a diogelwch mwyaf mynych ac arnynt hefyd mae’r costau trwsio uchaf o holl ddeiliadaethau yn Wrecsam. Tai Amlddeiliadaeth (HMO) yn arbennig sy’n peri’r pryder mwyaf.
Anheddau yw HMO lle mae pobl yn byw nad ydynt yn ffurfio aelwyd unigol ac, yn gyffredinol, mae’n eiddo hŷn a addaswyd yn unedau llety unigol. Mae tua 750 HMO hysbys yn y Fwrdeistref ond credai Arolwg Cyflwr Stoc y Sector Preifat (2006) fod y gwir nifer yn llawer uwch ac yn nes at 1,000.
Bwriad ein polisi drafft ar wella HMO yw:
- Datblygu ein gwybodaeth am y farchnad HMO preifat yn y Fwrdeistref Sirol;
- Gweithio tuag at ddileu tai gwael a safonau rheoli gwael yn holl HMO, trwy archwiliadau risg adweithiol ac yn ôl rhaglen a chymryd y camau gorfodi mwyaf priodol;
- Ateb y rhwymedigaethau deddfwriaethol ar drwyddedu HMO dan Ddeddf Tai 2004;
- Adolygu’r angen am gynlluniau trwyddedu ychwanegol yn y Fwrdeistref Sirol;
- Hyrwyddo safonau rhagorol mewn HMO a chefnogi cynnal marchnad HMO preifat o safon wedi’i rheoli’n dda;
- Rhoi gwybodaeth a chyngor i landlordiaid a thenantiaid er mwyn cynnal cyflenwad o lety o safon ar y cyd.
 Polisi Gwella Tai Amlddeiliadaeth
Mae’r ddogfen hon ar gael i’w lawrlwytho yn y fformat canlynol:
Polisi Gwella Tai Amlddeiliadaeth - Fersiwn Word 354Kb 
Polisi Gwella Tai Amlddeiliadaeth - Fersiwn PDF 311Kb 
 Yn ôl i'r brig
Polisi Gorfodi Tai’r Sector Preifat
O fewn y sector rhentu preifat mae gan y Cyngor bwerau i ddelio ag tai sy’n cael ei gynnal neu reoli’n wael. Mae Polisi Gorfodi Tai’r Sector Preifat yn amlinellu sut fydd agwedd y Cyngor yn gyson a chytbwys pan fo angen cymryd camau gorfodi.
Mae Deddf Tai 2004 a deddfwriaeth dai arall gysylltiedig yn rhoi pwerau i awdurdodau lleol ddelio â materion allweddol sy’n effeithio ar dai’r sector preifat.
Mae Tîm Safonau Tai Bwrdeistref Sirol Wrecsam yn rhoi gwybodaeth a chyngor i landlordiaid ac yn hwyluso’r Fforwm Landlordiaid i gynyddu ymwybyddiaeth o rwymedigaethau landlordiaid o ran eu heiddo. Mae rhaglenni archwilio hefyd yn sicrhau bod safonau’n cael eu cyrraedd.
Fodd bynnag, bydd achlysuron pan fo safonau mor wael fod angen ymyrryd ar frys mewn eiddo neu pan fo’r landlord yn absennol neu’n anghydweithredol fel bod angen i’r Cyngor ymyrryd gyda chamau gorfodi. Yn nodweddiadol gallai hyn fod trwy gyflwyno rhybudd yn mynnu gwelliant, trwy wneud gwaith yn niffyg gweithredu neu trwy roi rhybuddiad ffurfiol neu erlyn pwy bynnag sy’n gyfrifol.
Mae Polisi Gorfodi Tai’r Sector Preifat yn amlinellu sut fydd y Cyngor yn cyflawni agwedd gyson a chytbwys at ddefnyddio deddfwriaeth, codau ymarfer a chanllawiau priodol.
Polisi Gorfodi Tai’r Sector Preifat
Mae’r ddogfen hon ar gael i’w lawrlwytho yn y fformat canlynol:
Polisi Gorfodi Tai’r Sector Preifat - Fersiwn Word 144Kb
Polisi Gorfodi Tai’r Sector Preifat - Fersiwn PDF 110Kb
Yn ôl i'r brig
Tai - Dweud Eich Dweud!
Byddwn yn anfon y polisïau i amrywiaeth eang o bobl iddynt fynegi barn arnynt, gan ddechrau ar y 19eg o Awst ac yn dod i ben ar y 5ed o Fedi 2008. Bydd hyn yn caniatáu pythefnos i sefydliadau a grwpiau ar hyd a lled y Fwrdeistref Sirol ddweud eu barn wrthym.
Byddem yn croesawu eich barn ar y naill neu’r llall erbyn 5ed o Fedi 2008
Cofiwch ymateb i:
Strategaeth Dai a Thai’r Sector Preifat
Safonau Tai a Strategaeth
Ffordd Rhuthun
Wrecsam
LL13 7TU
Ffôn: 01978 315587
E-bost: housingstandardsandstrategy@wrexham.gov.uk
I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.
Gellir newid dogfennau Adobe Acrobat yn ôl i destun plaen trwy ddefnyddio'r Gwasanaeth Newid Abobe. |
|
I weld ac argraffu ffeiliau Microsoft Word, rhaid fod Microsoft Word wedi ei sefydlu ar eich cyfrifiadur neu gallwch ddadlwytho Meddalwedd Gwyliwr Microsoft Word: cliciwch y logo isod i ddadlwytho'r meddalwedd.
|
|
English
