|
 Ceisiodd yr ymchwil ddarganfod barn ac agwedd trigolion lleol at droseddau, cyfathrebu gyda’r Cyngor, ymgynghoriadau, gweithdrefn gwynio’r GIG a diwylliant Cymru.
Dychwelwyd cyfanswm o 303 holiaduron gan aelodau’r panel, sy’n gyfradd ymateb o 58%.
Canfyddiad Pobl o Droseddau
-
Dywed y mwyafrif (91%) eu bod naill ai’n teimlo’n ddiogel iawn (35%) neu’n weddol ddiogel (57%) wrth fod allan ym Mwrdeistref Sirol Wrecsam yn ystod y dydd. Mae hyn wedi cynyddu ychydig ers arolwg 2004 pan roedd 89% yn teimlo’n ddiogel yn ystod y dydd.
-
Dywed ychydig dros draean (34%) eu bod yn teimlo’n ddiogel iawn (3%) neu’n weddiol ddiogel (31%) wrth fod allan ym Mwrdeistref Sirol Wrecsam gyda’r nos. Mae bron i dau draean (63%) yn teimlo’n ychydig o fregus (41%) neu’n fregus iawn (22%) gyda’r nos. Mae hyn wedi gwella ychydig ers 2004 pan roedd 31% yn teimlo’n well gyda’r nos ac roedd 64% yn teimlo’n fregus.
-
Mae mwy na phedwar allan o bump (86%) yn teimlo’n ddiogel wrth gerdded o gwmpas eu hardal leol yn ystod y dydd.
-
Mae bron i chwarter (23%) yn teimlo’n ddiogel wrth gerdded yn eu hardal leol gyda’r nos tra bod 74% yn teimlo weddol fregus neu’n fregus iawn.
-
Y pum prif welliant ar gyfer diogelwch yn yr ardal leol yw mwy o blismyn (49%), mwy o oleuadau stryd (13%), mwy o gamerâu TCC (6%), gostyngiad yn nifer y gangiau o arddegwyr (2%) a mwy o weithgareddau/ clybiau i bobl ifanc. Awgrymwyd gwelliannau tebyg yn 2004.
-
Mae bron i bawb (94%) yn teimlo’n ddiogel iawn (45%) neu’n weddol ddiogel (49%) wrth fod yng nghanol tref Wrecsam yn ystod y dydd yn yr wythnos. Mae’r canlyniadau’r un fath â 2004.
-
Mae un o bob saith (14%) yn teimlo’n ddiogel iawn (2%) neu’n weddol ddiogel (13%) gyda’r nos ar y penwythnos yng nghanol tref Wrecsam, ynghyd â 34% sy’n teimlo’n weddol ddiogel a 43% sy’n teimlo’n fregus iawn. Mae’r ganran sy’n teimlo’n ddiogel wedi disgyn yn sylweddol ers 2004 pan roedd 21% yn teimlo’n ddiogel gyda’r nos ar y penwythnos ac mae’r rhai sy’n teimlo’n fregus wedi cynyddu’n sylweddol (72%).
- O ran y Fwrdeistref yn gyffredinol, gwelir cytundeb ymysg aelodau’r panel fod lefelau trosedddu wedi gwella.
Cyfathrebu
Gofynnwyd i aelodau’r panel i ystyried cylchgrawn y Cyngor ‘Cyswllt’ sy’n cael ei bostio atynt.
-
Cytunodd 55% fod copi o ‘Cyswllt’ yn cael ei gludo i’w cartrefi.
-
Mae ychydig dros hanner (51%) yn cytuno bod y cylchgrawn yn ddiddorol ac mae 56% yn cytuno bod yr erthyglau’n llawn gwybodaeth. Mae oddeutu chwarter yn methu â chytuno nac anghytuno ond, yn galonogol, ychydig iawn sy’n anghytuno.
-
Mae’n ymddangos bod ‘Cyswllt’ yn apelio at drigolion hŷn y Fwrdeistref gan fod 59% a 67% o ymatebwyr 65+ oed yn cytuno bod y cylchgrawn yn ddiddorol a bod yr erthyglau’n cynnig llawer o wybodaeth.
Gofynnwyd cyfres o gwestiynau i ymatebwyr ynghylch ymgynghoriadau.
Diwylliant Cymru
-
Mae un allan o ddeg (10%) yn disgrifio eu hunain fel siaradwyr Cymraeg gyda 10% arall yn datgan bod aelod o’r teulu’n siarad Cymraeg. Dywedodd pedwar allan o bump (80%) nad oeddent hwy nac aelod o’u teulu’n siarad Cymraeg.
-
Mae gan 5% o’r panel blant sy’n mynd i ysgol cyfrwng Cymraeg tra bod gan 27% blant nad ydynt yn mynd i ysgol cyfrwng Cymraeg. Nid oes gan ddau draen (65%) o’r panel blant o oed ysgol.
-
Un o flaenoriaethau’r Cyngor yw ‘hybu’r iaith Gymraeg a diwylliant Cymru’. Gofynnwyd i aelodau o’r panel a oeddent yn cefnogi hyn. Mae tri chwarter (78%) yn cefnogi’r nod tra bod 21% yn peidio â’i gefnogi. Ni chafwyd ymateb gan 1%.
-
Mewn cwestiwn agored, gofynnwyd i’r panel beth allai’r Cyngor ei wneud i ‘hybu’r iaith Gymraeg a diwylliant Cymru’. Ni roddodd dau draen (65%) ymateb. O’r rhai a ymatebodd, y tri phrif ateb oedd cynnig dosbarthiadau Cymraeg am ddim (7%), mwy o ddysgu Cymraeg mewn ysgolion a cholegau (6%) a mwy o gyhoeddusrwydd i ddigwyddiadau trwy gyfrwng y Gymraeg (5%).
Am fwy o wybodaeth cysylltwch:
Swyddog Cynorthwydd Polisi
Ffôn: 01978 292176
Ebost: statistics@wrexham.gov.uk
|
English
Yn ôl i'r brig