Gwasanaethau A-Y

Deall ein Cwsmeriaid - Canlyniadau Ymgynghoriad ac Arolwg 2007

Dyma’r drydedd ddogfen ‘Deall ein Cwsmeriaid’ a gynhyrchwyd gan Gyngor Bwrdeistref Sirol Wrecsam. Mae’n dangos sut yr ymatebodd pobl leol i gwestiynau a ofynnwyd iddynt ynglŷn â’u barn am y Cyngor.

Mae Cyngor Bwrdeistref Sirol Wrecsam yn ymgynghori gyda phobl leol ar brosiectau a phenderfyniadau pwysig. Mae hefyd yn rheoli panel arolwg cwsmer - Llais y Bobl - sy’n darparu panel ystadegol ddilys o 800 o bobl sy’n cytuno i gwblhau arolwg manwl deirgwaith y flwyddyn. Mae hyn yn caniatáu inni gasglu gwybodaeth fanwl ynglŷn â blaenoriaethau a barn pobl leol.

Yn yr un modd â’r llynedd, mae ‘Deall ein Cwsmeriaid 2007’ yn dadansoddi data’r arolwg a’r ymgynghoriad a gasglodd y Cyngor ac yn cyflwyno’r canlyniadau yng nghyd-destun Blaenoriaethau Corfforaethol y Cyngor. Fe’i cynhyrchir bob blwyddyn er mwyn cyd-fynd â chylchredau cyllid, corfforaethol a chynllunio gwasanaeth.

Mae hyn yn caniatáu inni ystyried eich barn wrth bennu cynlluniau gwaith a chynllunio prosiectau. Yn fwy fwy, rydym hefyd yn gallu cymharu casgliadau cyfredol yn erbyn canlyniadau blaenorol, er mwyn dangos tueddiadau a newidiadau ym marn pobl tros amser.

Roedd y wybodaeth a gasglwyd yn 2006/07 yn berthnasol i flaenoriaethau corfforaethol Cyngor Bwrdeistref Sirol Wrecsam i:

Gryfhau Cydlyniad Cymunedol
Gwella’r Stoc Dai
Gwella Cyswllt Cwsmer
Gwella Iechyd, Gofal Cymdeithasol a Lles
Lleihau Trosedd ac Ofn Trosedd
Hyrwyddo’r iaith Gymraeg a Diwylliant Cymreig
Busnesau ffyniannus, gweithlu medrus a chymunedau adfywiedig

Mae’r papur hwn hefyd yn cyflwyno’n fyr:

Gwybodaeth arwyddbost ar ymarferiadau ymgynghori a wnaed gan adrannau penodol
Fforymau ymgynghori y mae Cyngor Bwrdeistref Sirol Wrecsam yn eu defnyddio a’u cefnogi

Deall ein Cwsmeriaid - Canlyniadau Ymgynghoriad ac Arolwg 2007