Cau Swyddfeydd Post - Dweud eich dweud

Ym mis Mai 2007 ar ôl cynnal ymgynghoriad cyhoeddus am 12 wythnos cyhoeddodd y llywodraeth fesurau i wneud Rhwydwaith Swyddfa’r Post yn gynaliadwy. Cadarnhaodd y cyhoeddiad hwn y byddai hyd at 2,500 o ganghennau yn gorfod cau o ganlyniad i hyn ac oddeutu 500 o’r rhain yn cael eu cyfnewid am bwyntiau gwasanaethu "Allgymorth". Cynhelir ymgynghoriadau ynghylch y mesurau cau hyn yn rhanbarthol dros y 12-18 mis nesaf yn y Rhaglen Newid Rhwydwaith.

Ar 29ain Gorffennaf 2008 cyhoeddodd Swyddfa'r Post Cyf. y rhestr gau arfaethedig ganlynol fel rhan o Raglen Newid Rhwydwaith Cynllun Ardal Gogledd Cymru;

• Parc Acton - 36 Lôn Rhosnesni
• Bradle - Ffordd Glanllyn
• Rhosrobin - Lôn Dodd
• Bryn Hyfryd - Stryt yr Allt
• Marchwiel - Ffordd Wrecsam
• New Broughton - Ffordd Newydd
• Ponciau - Stryt y Bonc
• Rhosymedre - Stryd Fawr
• Tanyfron - Llwyn Ifor Stores
• Trefor - Ffordd Llangollen

Mae Bwrdeistref Sirol Wrecsam yn annog defnyddwyr Swyddfa’r Post ac aelodau’r cyhoedd i ymateb i’r cau arfaethedig drwy arwyddo’r holiadur ar-lein.

Mae copi caled o’r holiadur, y gellir ei lawrlwytho isod, ar gael i ganiatáu ichi gasglu mwy o ymatebion. Bydd copïau caled o’r holiadur ar gael mewn Swyddfeydd Post, canolfannau hamdden a chanolfannau cymunedol ym Mwrdeistref Sirol Wrecsam. Gallwch hefyd ysgrifennu’n uniongyrchol at Swyddfa’r Post gan ddefnyddio’r cyfeiriad a ganlyn:

Tîm Ymgynghori Cenedlaethol,
Swyddfa’r Post Cyf.,
TÎM YMGYNGHORI RHADBOST

neu ebostiwch consultation@postoffice.co.uk. Rhaid i bob ymateb a anfonir yn uniongyrchol at Swyddfa’r Post Cyf. gyrraedd cyn diwedd eu hymgynghoriad, ar 15fed Medi.

I weld y meini prawf mynediad a ddefnyddiwyd i benderfynu ar y cau arfaethedig ac am fwy o wybodaeth am y Rhaglen Newid Rhwydwaith gweler gwefan Rhaglen Newid Rhwydwaith Swyddfa’r Post.

Copi caled o’r holiadur

Os hoffech ddychwelyd eich holiadur drwy’r post at Gyngor Bwrdeistref Sirol Wrecsam (CBSW) anfonwch at:

Ymgynghoriad Cau Swyddfeydd Post
Adran Datblygu Economaidd
Cyngor Bwrdeistref Sirol Wrecsam
Stryt y Lampint
Wrecsam
LL11 1AR

Pob ymateb i CBSW yn ôl erbyn 8fed Medi 2008

Cau Swyddfeydd Post - Ymgynghoriad

Mae’r ddogfen hon ar gael i’w lawrlwytho yn y fformat canlynol:

Cau Swyddfeydd Post - Ymgynghoriad - fersiwn Word 273Kb

Cau Swyddfeydd Post - Ymgynghoriad - fersiwn PDF 245Kb

Cau Swyddfeydd Post - Ymgynghoriad - fersiwn Testun Plaen 82Kb

Petai’n well gennych gael y ddogfen hon mewn iaith arall cysylltwch â’n tîm ar 01978 292452.

Gellir darparu’r ddogfen hon mewn print bras neu fel tâp clywedol. Ffoniwch 01978 292452.