Dyletswyddau'r Cynghorwyr

Dyletswyddau'r holl Gynghorwyr

Dylai gwahanu swyddogaethau gweithredol ac archwilio gyda gwaith Pwyllgor llai ffurfiol roi fwy o amser i bob Cynghorydd i ganolbwyntio ar ddatblygiad polisïau mwy manwl, yn lleol ac yn strategol ac i ymwneud â materion lleol.

Y Cynghorwyr fel Aelodau o'r Cyngor llawn yw'r rhai sy'n gwneud y penderfyniadau terfynol a bydd pob Cynghorydd yn cyflawni nifer o swyddogaethau rheoli strategol a chorfforaethol.

• Penodi'r Bwrdd Gweithredol.

• Penodi ar gyfer Pwyllgorau a chyrff allanol (ac eithrio'r rhai hynny a ddirprwywyd i'r Bwrdd Gweithredol i'w penderfynu).

• Penderfynu ar gyfrifoldebau a chylch gorchwyl y Pwyllgorau.

• Mabwysiadu'r Rheolau Sefydlog ar gyfer y Cyngor.

• Gwneud trefniadau ar gyfer penodi Pennaeth y Gwasanaeth Cyflogedig ac ystyried materion yn ymwneud ag unrhyw gamymddwyn.

• Cymeradwyo graddfa Treth y Cyngor.

• Ethol y Maer.

• Penodi Arweinydd y Cyngor.

• Penderfynu ar fframwaith y polisi ar gyfer y Cyngor trwy gymeradwyo'r prif gynlluniau strategol a restrir isod:-

  • Datganiad Strategaeth Gorfforaethol.

  • Cynllun Cymunedol (yn ofynnol o dan Gwerth Gorau).

  • Cynllun Perfformiad Wrecsam (yn ofynnol o dan Gwerth Gorau).

  • Cynllun Datblygu Unedol.

  • Cynllun Strategol a Gweithredol Tai

  • Cynllun Gwasanaethau Plant

  • Cynllun Gofal Cymdeithasol (anghenraid newydd - yn weithredol o 1/9/99)

  • Strategaeth Datblygiad Economaidd

  • Strategaeth Cludiant Integredig

Sylwer - bydd y rhestr hon yn cael ei monitro'n barhaol i adlewyrchu'r newidiadau mewn amgylchiadau, gofynion y llywodraeth ac anghenion y Cyngor.

Yn ogystal â hyn bydd pob aelod yn:

Cynrychioli eu cymuned a sicrhau bod barn y gymuned honno'n cael ei chynnwys ym mhroses benderfynu'r Cyngor h.y. pleidio achos cymuned.

Ymdrin â gwaith cymdeithasol unigol a gweithredu fel adfocad ar gyfer etholwyr wrth ddatrys cwynion neu bryderon penodol.

Mantoli'r buddiannau gwahanol a enwir, ac sy'n aml yn gwrthdaro, yn y ward a chynrychioli'r ward fel cyfanrwydd.

Eistedd fel aelodau o Bwyllgorau Sefydlog.

Barod i'w henwebu fel cynrychiolydd y Cyngor ar gyrff eraill priodol a datblygu arbenigedd yn gysylltiedig â'r cyrff hynny.

Dyletswyddau Pellach Aelodau Pwyllgor ADP

Adolygu polisi a datblygu argymhellion i'w hystyried gan y Bwrdd Gweithredol.

Adolygu'r gwasanaeth a gyflawnir.

Ystyried argymhellion y Bwrdd Gweithredol ar gyfer y gyllideb.

Monitro ac archwilio perfformiad a phenderfyniadau'r Bwrdd Gweithredol.

Penodi'r Paneli Archwilio ac unrhyw grwpiau gwaith tasg a chwblhau, pennu a chydlynu eu rhaglenni gwaith.

Cynghori'r Adran Weithredol a chynnig argymhellion ar gyfer newid y cyllidebau ar sail adolygiadau o'r gwasanaethau.

Cynnig argymhellion i'r Bwrdd Gweithredol ynghylch y materion hynny yr ymgynghorwyd â hwy.

Dyletswyddau Pellach Aelodau'r Bwrdd Gweithredol

Llunio'r Datganiad Strategaeth Gorfforaethol a, maes o law, y cynllun Cymunedol, gan amlinellu amcanion strategol y Cyngor a'r blaenoriaethau polisi corfforaethol sydd i'w hargymell i'r Cyngor.

Llunio'r cynlluniau strategol sydd angen eu cymeradwyo gan y Cyngor.

Adolygu, datblygu a sefydlu polisi sydd heb ei neilltuo i'r Cyngor.

Cytuno ar yr adnoddau sydd i'w darparu i fodloni amcanion corfforaethol y Cyngor a dyrannu'r adnoddau hynny rhwng y gwasanaethau a'r blaenoriaethau yn unol â pholisi'r Cyngor.

Cytuno ar gyllidebau cyfalaf a refeniw ac ymdrin ag unrhyw gynnig am drosglwyddiad arian nas dirprwywyd i swyddog.

Cynghori'r Cyngor ynghylch cyrff allanol allweddol. (Cyflawnir y rhan fwyaf o gynrychiolaethau allanol gan yr aelodau anetholedig, neu swyddogion, fel y bo'n briodol).

Cytuno ar y rhaglen ar gyfer adolygu Gwerth Gorau.

Meithrin a chynnal perthynas gadarnhaol gyda sefydliadau partneriaethol