Gofal a Thrwsio Wrecsam

Cyngor a chymorth gyda gwaith atgyweirio ac addasu ar gyfer pobl hyn ac/neu perchnogion tai sydd ag anabledd a thenantiaid preifat.

Foyer Wrecsam,
Ffordd Crescent,
Wrecsam
LL13 8HF

Ffôn: 01978 268120 Ffacs: 01978 268121

Beth yw 'Gofal a Thrwsio'?

Bwriad Gofal a Thrwsio Wrecsam ydi cynnig cymorth i'r henoed a rhai sy'n dioddef o anabledd wrth ddarparu cyngor yn rhad ac am ddim a chymorth ymarferol parthed gwelliannau, atgyweirio ac addasu eu cartrefi er mwyn eu galluogi i fod yn annibynnol, a byw yn gysurus a diogel.

Sut fedrwn ni eich helpu chi?

Mi fedrwn:

  • Drafod a chynnig cyngor ynglyn â'r modd gorau o dalu am y gwaith sydd angen ei gwblhau

  • Gynnig cymorth wrth lenwi ffurflenni am grantiau, budd-daliadau, benthyciadau, ceisiadau yswiriant a.y.b.

  • Gysylltu gyda adran grantiau yr awdurdod lleol, gwasanaethau cymdeithasol, yr Asiantaeth Budd daliadau ac asiantaethau eraill

  • Gynnig cymorth i ddewis adeiladydd dibynadwy

  • Gynnig cymorth a chefnogaeth tra mae' gwaith yn mynd ymlaen er mwyn sicrhau eich bod yn cael eich hysbysu'n gyson

  • Sicrhau eich bod yn fodlon gyda'r gwaith cyn i'r adeiladydd dderbyn ei dâl

  • Gynnig cymorth i drefnu symudiad i lety dros dro tra bod y gwaith yn cael ei gwblhau, os dymunir

  • Gynnig cymorth ynglyn â budd daliadau er mwyn sicrhau eich bod yn derbyn eich hawliau llawn

  • Eich rhoi mewn cysylltiad â chymdeithasau eraill os nad gwaith atgyweirio/addasu ydi'r ateb gorau i'ch anghenion chwi.

Cofiwch nad oes unrhyw ymrwymiad i chwi dderbyn y cyngor sydd ar gael. Swyddogaeth gofal a thrwsio yw cynnig cymorth ar bob datrysiad posibl i'ch cynorthwyo i benderfynu beth sydd orau i chwi.

Rheolir Gofal a Thrwsio Wrecsam gan Gymdeithas Tai Ty Glas a chefnogir yn ariannol gan:

  • Cynulliad Cenedlaethol Cymru drwy Gofal a Thrwsio Cymru

  • Cymdeithas Tai Clwyd Alyn

  • Cymdeithas Tai Clwyd

  • Cymdeithas Tai Wales & West

  • Cyngor Bwrdeistref Sirol Wrecsam

yn ôl i'r brig

Cyswllt i
Grantiau Ar Gael
Gwneud Cais am Grant Tai
Fy Nghais am Grant
Strategaethau Grantiau a Blaenoriaethau
Gofal a Thrwsio
Ffurflen Arolwg Gwella Cartref
Côd Arfer
Cysylltu â Grantiau Adeiladu
Mynegai Tai