Ydych chi mewn angen blaenoriaethol?

Rhaid i ni asesu p'un a oes gennych "angen blaenoriaethaol" am gymorth.  Gellwch fod mewn "angen blaenoriaethol" os ydych yn:

• Feichiog, yn byw gyda merch feichiog neu’n disgwyl byw gyda merch feichiog;
• Unigolyn gyda phlant dibynnol sy’n byw gyda chi, neu y gellir disgwyl yn rhesymol iddynt fyw gyda chi;
• Unigolyn sy’n agored i niwed o ganlyniad i henaint, afiechyd meddwl neu anfantais, anabledd corfforol neu reswm arbennig arall;
• Unigolyn sy’n ddigartref neu mewn perygl o fod yn ddigartref o ganlyniad i argyfwng e.e. llifogydd, tân neu drychineb arall;
• Unigolyn 16/17 oed;
• Unigolyn dros 18 oed ond o dan 21 oed sy’n gadael gofal neu mewn perygl arbennig o gael eu hecsbloetio’n rhywiol neu’n ariannol;
• Unigolyn sy’n dianc rhag trais yn y cartref neu’r perygl o ddioddef trais yn y cartref;
• Cyngarcharor sy’n ddigartref ar ôl cael ei ryddhau o’r carchar;
• Unigolyn sy’n ddigartref ar ôl gadael y lluoedd arfog.

Os ydych yn ddigartref, yn gymwys ac mewn angen blaenoriaethol, yna rhaid i’r Cyngor sicrhau eich bod yn cael cynnig llety dros dro addas wrth iddo wneud ymholiadau pellach.