Cynnig Eiddo i Chi

Cyn gynted ag y byddwn yn gwybod bod eiddo’n dod yn wag, byddwn yn dechrau chwilio am denant newydd.  Ystyrir ymgeiswyr sydd wedi’u cofrestru ar gyfer y math hwnnw o eiddo yn ôl trefn eu pwyntiau, gan ddechrau â’r ymgeisydd sydd â’r mwyaf o bwyntiau.  Yn gyffredinol, os bydd gan 2 ymgeisydd yr un nifer o bwyntiau, byddwn yn cynnig yr eiddo i’r ymgeisydd sydd wedi bod yn aros am dy am y cyfnod hiraf.  Lle bynnag y bo’n bosibl, byddwn yn ystyried maint y teulu er mwyn sicrhau y gwneir y defnydd gorau o’r eiddo.

Os yw eich cais yn llwyddiannus, byddwn yn ysgrifennu atoch i gynnig yr eiddo i chi.  Bydd gennych 5 diwrnod gwaith i ddychwelyd y ffurflen dderbyn atom.