Gwasanaethau A-Y

Gwybodaeth ar gyfer Defnyddwyr Gwasanaeth

Beth yw Cefnogi Pobl?

Mae’r rhaglen Cefnogi Pobl yn Wrecsam yn:

ariannu tros 40 o gynlluniau cefnogaeth tai a ddarperir gan yn agos i 20 o sefydliadau ar gyfer ystod eang o grwpiau cleientiaid sy’n cynnwys
- pobl hŷn sy’n agored i niwed
- pobl ifanc sy’n agored i niwed
- pobl sydd â phroblemau cam-drin sylweddau
- pobl sydd â phroblemau iechyd meddwl
- pobl sydd ag anawsterau dysgu a
- phobl sydd mewn perygl o golli eu cartref

Gellir trosglwyddo gwasanaeth mewn sawl ffordd, gan gynnwys cefnogaeth arnofiol (a roddir yn y cartref), llety cynaledig dros dro neu hosteli.

Cyllid

Darperir yr arian gan Lywodraeth Cynulliad Cymru ac fe’i rhennir yn ddau fath.

Rheolir y Grant Cefnogi Pobl (GCP) gan yr Awdurdod Lleol a dyma sy’n talu am wasanaethau o’r math Gofal yn y Gymuned a gwasanaethau ar gyfer pobl hŷn.

Telir y Grant Refeniw Cefnogi Pobl (GRCP) yn uniongyrchol gan Lywodraeth Cynulliad Cymru i sefydliadau darparu achrededig a dyma sy’n ariannu’r holl wasanaethau eraill.

Cymhwyster

Mae’r arian ar gyfer darparu cefnogaeth tai cymwys ac er nad oes modd ariannu gofal personol neu ofal iechyd drwy Cefnogi Pobl, gall sawl cynllun ddarparu’r math hwn o gefnogaeth wedi eu hariannu ar y cyd drwy asiantaeth arall.

Mae cymhwyster sylfaenol ar gyfer unrhyw un o’r cynlluniau a restrir yn cynnwys:

rhaid i’r person sy’n gofyn am gefnogaeth fodd â hawl i feddiannu eu cartref, megis eu cytundeb tenantiaeth eu hunain neu eu bod yn berchennog-ddeiliad
rhaid i’r person fod yn agored i niwed ac felly mewn angen o ran cefnogaeth tai er mwyn iddynt fedru parhau i fyw yn eu tŷ
bydd y person yn rhan o’r broses o gynllunio cynllun cefnogi a fydd yn manylu ar yr hyn y dylent ei gyflawni drwy’r cynllun

Rhaid i’r gefnogaeth a gynigir gyd-fynd â’r Meini Prawf Cymhwyster ar gyfer Cefnogi Pobl

Mynediad

Bydd gan bob sefydliad darparu eu polisïau cymhwyster, asesu a dyrannu eu hunain sy’n benodol i’w cynlluniau hwy.
Dyrennir lleoedd a rheolir rhestrau aros gan y cynlluniau.