Symmetrical Digital Subscriber Line (SDSL)

Cyfleusterau SDSL (Symmetrical Digital Subscriber Line) ar gael yng nghyfnewidfa ffôn Wrecsam.

Ar 17eg Ebrill 2005 gosodwyd cyfleusterau SDSL ym mhrif gyfnewidfa ffôn Wrecsam, gan ddarparu cysylltiadau â’r Rhyngrwyd sydd â lled band uchel.

Mae SDSL yn ddull o gysylltu â’r rhyngrwyd a ddefnyddir i drawsyrru gwybodaeth band eang ar hyd llinellau ffôn arferol i fusnesau a chartrefi. Wrth ddefnyddio SDSL mae’r gyfradd ddata yr un fath yn y ddau gyfeiriad (tuag i fyny a thuag i lawr) a dyna pam y mae’n gymesurol.

Er bod ADSL yn galluogi defnyddwyr i lawrlwytho ffeiliau mawr ar gyflymder uchel, mae SDSL yn galluogi defnyddwyr i anfon a derbyn llawer iawn o ddata ar gyflymder uchel. Mae hyn yn golygu bod SDSL yn ffordd fwy addas i fusnesau bach a chanolig, gweithwyr mewn swyddfeydd diarffordd a theleweithwyr gysylltu â band eang. Mae technoleg SDSL hefyd yn cefnogi datblygiad rhwydweithiau preifat rhithwir (VPNs) i gysylltu â safleoedd sy’n wasgaredig yn ddaearyddol, yn ogystal â darpariaethau fideo gynadledda a galwadau ffôn rhyngrwyd (Voice over IP).

Dros y 6 mis nesaf bydd BT yn uwchraddio 500 o gyfnewidfeydd i ddarparu SDSL, a phrif gyfnewidfa Wrecsam yw un o’r rhai cyntaf yng Nghymru i gael cyfleusterau SDSL.

Mae BT wedi cadarnhau bod hwn yn gam cyntaf ymlaen i wella cysylltiadau SDSL yn genedlaethol a bydd y manteision sy’n gysylltiedig â chyflymder uchel SDSL yn dod â mwy a mwy o gyfleoedd i fusnesau yng Nghymru.