Gwasanaethau A-Y

Strategaeth Gymunedol Wrecsam 2009 – 2020

Mae pob un ohonom yn cael gwasanaethau dyddiol, a hynny’n ddiarwybod weithiau, gan y llu o ddarparwyr gwasanaethau cyhoeddus sydd yn gweithio ym Mwrdeistref Sirol Wrecsam!

Er enghraifft, efallai ein bod yn cerdded y plant i ysgol, yn gwneud apwyntiad i weld y deintydd ac yn mynd am apwyntiad fel claf allanol yn yr ysbyty. Efallai y byddwn yn sgwrsio â swyddog cymorth cymunedol lleol yr heddlu ac yn edrych ar y rhyngrwyd am wybodaeth am larymau mwg. Efallai ein bod wedi cofrestru ar gwrs nos yn y coleg neu gwrs rhan amser yn y brifysgol, neu hyd yn oed yn gwneud ychydig o waith gwirfoddol.

Fel y gallwch weld, byddai bywyd cryn dipyn yn anoddach heb y gwasanaethau a’r cyfleoedd hyn. Felly, pwy yw’r holl sefydliadau cyfrannog?

Cymdeithas Sefydliadau Gwirfoddol Wrecsam (AVOW)
Bwrdd Iechyd Prifysgol Betsi Cadwaladr
Partneriaeth Fframwaith Plant a Phobl Ifanc
Partneriaeth Diogelwch Cymunedol
Prifysgol Glyndŵr
Partneriaeth Iechyd, Gofal Cymdeithasol a Lles
Gwasanaeth Tân ac Achub Gogledd Cymru
Heddlu Gogledd Cymru
Ymddiriedolaeth GIG Iechyd Cyhoeddus Cymru
Cyngor Bwrdeistref Sirol Wrecsam
Coleg Iâl

Y sefydliadau a’r partneriaethau hyn sydd yn llunio'r hyn a adwaenir ar y cyd fel Bwrdd Gwasanaethau Lleol (BGLl) Wrecsam. Gwella gweithio ar y cyd, ar draws ei sefydliadau partner, er mwyn i ni fedru darparu gwasanaethau sydd hyd yn oed yn well i bobl a chymunedau Bwrdeistref Sirol Wrecsam, yw nod y BGLl.

Diffinio’r weledigaeth gyffredinol ar gyfer y Fwrdeistref Sirol a gosod targedau hir dymor a fydd yn gwella ansawdd bywyd pobl, yw un o brif swyddogaethau’r BGLl. Adwaenir hynny fel Strategaeth Gymunedol Wrecsam.

Y canlynol yw ein gweledigaeth ar gyfer y deuddeng mlynedd nesaf:

'Gwella ansawdd bywyd pawb ym Mwrdeistref Sirol Wrecsam'

Wrth wneud hyn rydym yn ymrwymo i sicrhau bod Bwrdeistref Sirol Wrecsam yn fan lle y mae pobl yn cael dweud eu dweud am y gwasanaethau sydd yn cael eu darparu ar eu cyfer, a bod eu sylwadau, eu hanghenion a’u dyheadau yn cael eu hystyried.

Er mwyn gwireddu’r weledigaeth hon i bob person a chymuned rŵan ac yn y dyfodol, ein nod yw gwneud Bwrdeistref Sirol Wrecsam yn lle sydd yn:

Economaidd ffyniannus
Ddiogel
Gwerthfawrogi dinasyddiaeth, ysbryd cymunedol a chyfrifoldeb cymdeithasol
Galluogi pobl i gyrraedd eu potensial llawn
Gwarchod ei amgylchfyd adeiledig a naturiol
Gofalu am iechyd pobl

Mae’r Strategaeth Gymunedol yn rhoi mwy o wybodaeth ynglŷn â phob un o’r themâu hyn ac yn disgrifio’r hyn y byddwn yn ei wneud i’w cyflawni.

Mae’r tudalennau sydd yn dilyn yn rhoi peth gwybodaeth am bob un o’r themâu hyn ac yn disgrifio’r camau y byddwn yn eu gweithredu i’w cyflawni. (Mae rhagor o wybodaeth i’w gael ar y tudalennau sy’n dilyn).

Strategaeth Gymunedol