Gwasanaethau A-Y

Cynllun y Cyngor 2012-16

Croeso i'r cynllun

Bwriad Cyngor Bwrdeistref Sirol Wrecsam yw sicrhau bod pobl Wrecsam yn cael pob cefnogaeth i wireddu eu potensial ac i ffynnu. Mae'r cynllun yma'n esbonio ble fydd y Cyngor yn canolbwyntio ei egni a'i adnoddau i wireddu'r dyhead yna.

Nid yw'n bosib i'r Cyngor wneud hyn ar ei ben ei hun. Mae hynny'n beth da. Ein dyletswydd yw gweithio gyda a chefnogi a dylanwadu ar bob corff, pob cymuned a phawb sy'n medru effeithio ar y cyngor er mwyn sicrhau bod yr effaith yn un cadarnhaol. Beth bynnag yw'r sefyllfa - denu cwmni newydd i'r ystâd ddiwydiannol, cefnogi unigolyn wrth iddi ofalu am berthynas mewn oed neu lu o bethau eraill, mae gan y Cyngor ran allweddol i'w chwarae.

Mae'r cynllun ar gyfer y pedair blynedd nesaf. Ni fydd yn treulio'r amser hynny'n casglu llwch ar silff ddiarffordd. Mi fydd yn newid ac yn addasu wrth i anghenion a dyheadau pobl Wrecsam newid. Bwriad y Cyngor yw cyflawni ei amcanion.

Y Cynghorydd Neil Rogers
Arweinydd y Cyngor

Dr Helen Paterson
Y Prif Weithredwr

Fframwaith cynllun y Cyngor

Mae Cyngor Bwrdeistref Sirol Wrecsam yn darparu, ac yn galluogi darparu, gwasanaethau i bobl sy'n byw yn Wrecsam, yn gweithio yn Wrecsam ac yn ymweld â Wrecsam.

Cynllun y Cyngor yw cynllun uchaf y Cyngor, yr un y mae pawb yn gweithio tuag ato. Mae'n dangos ble mae canolbwynt ymdrechion y Cyngor, i ble mae adnoddau'n cael eu cyfeirio, sut mae'r canlyniadau'n cael eu pwyso a mesur, a chyfraniad y Cyngor tuag at y Strategaeth Gymunedol (sydd ar dudalen 41). Mae Mesur Llywodraeth Leol (Cymru) 2009 yn gosod dyletswydd y Cyngor i gytuno "amcanion gwella", sy'n cael eu galw'n "ganlyniadau pwysicaf" yn lleol. Mae'r canlyniadau yma'n rhan o'r cynllun.

Mae’r cynllun yma’n esbonio ar gyfer 2012-2016:

gweledigaeth, bwriad, egwyddorion a gwerthoedd sylfaenol y Cyngor
y themâu strategol a’r themâu corfforaethol fydd yn flaenoriaeth i’r Cyngor yn ystod y pedair blynedd
canlyniadau pwysicaf pob thema
sut mae adnabod y canlyniadau yma.

Byddwn yn mesur ein perfformiad yn erbyn yr arwyddion llwyddiant sydd wedi cael eu cytuno, er mwyn barnu a ydyn ni wedi llwyddo i gyrraedd y nod o wella bywydau’r bobl leol.

Er mwyn rheoli’r gwaith yma mi fydd aelodau etholedig a swyddogion y Cyngor yn arolygu, ac yn paratoi adroddiadau ar:

Gweithgareddau gwella - y prosiectau sy’n cael eu cynllunio a’u darparu i gefnogi, dylanwadu ar, neu ddarparu gwelliannau yn yr amcanion sydd wedi cael eu pennu.
Mesur perfformiad – pa mor effeithiol yw’r ddarpariaeth o weithgareddau gwella.

Mi fydd y Cyngor yn defnyddio’r ddogfen hon i gynllunio a rheoli’n strategol ei flaenoriaethau, y gweithgareddau gwella a’r ddarpariaeth o wasanaethau. Mae gan y ddogfen nifer o strategaethau a chynlluniau eraill yn gefn iddi. Mae’r rhain yn mynd i lawer mwy o ddyfnder na’r cynllun, ac yn cael eu harolygu’n rheolaidd. Mae’r Cynllun yma’n ddogfen fyw a chyfredol, sy’n ymateb yn sydyn i newidiadau lleol, rhanbarthol, cenedlaethol a rhyngwladol. Mi fydd yn cael ei ddiweddaru’n ffurfiol ar ddechrau pob blwyddyn ariannol.

Mae rheoli perfformiad yn digwydd gydol y flwyddyn, ond mae’r Cyngor hefyd yn cyhoeddi adolygiad ac asesiad o’i berfformiad yn ystod y flwyddyn ariannol flaenorol. Mae’r adolygiad yn cynnwys asesiad o berfformiad cymharol yr awdurdod, ei lwyddiannau o’i gymharu â’r targedau a osodwyd ar gyfer ei hun, a barn cyrff eraill (er enghraifft rheolyddion allanol). Mae’r asesiad yn ddogfen gyhoeddus, sy’n cael ei hadolygu gan Swyddfa Archwilio Cymru.

Ein gweledigaeth

Y Cyngor fel arweinydd cymunedol cadarn

Ein bwriad

Sicrhau bod Wrecsam a'i thrigolion yn cael cefnogaeth i wireddu eu dyheadau ac i ffynnu

Dinasyddion, cwsmeriaid a chydraddoldeb - canolbwynt ein holl ymdrechion

Aelodau etholedig yn arweinwyr cymunedol, yng nghanol pob penderfyniad

Yr iaith Gymraeg - cefnogi ac annog cwsmeriaid a staff i gyfathrebu yn Gymraeg ac yn Saesneg

Ein gwerthoedd

Mae'n bwysig ein bod yn deall yr hyn sy'n cymell darpariaeth ein gwasanaethau, a'n hymddygiad fel corff.

Ymddiriedaeth
Parch
Arloesi
Hyblygrwydd
Uniondeb
Ymroddiad

Mae'r gwerthoedd yma wedi cael eu defnyddio i lunio trefn weithredol y Cyngor:

Gofyn i'n cwsmeriaid beth maen nhw eisiau oddi wrthym ni, ystyried y cais, cydweithio i ganfod ffyrdd creadigol ac addas i ddiwallu'r gofyn, pwyso'r risg a mesur y cyfle, ymateb yn ddidwyll i'r cwsmer, gweithio'n galed i gyflawni addewidion. Creu a chynnal ymddiriedaeth, a chynorthwyo i wella ansawdd bywydau pobl Wrecsam.

Cynllun y Cyngor 2012 - 2016

Cynllun y Cyngor 2012 - 2016

Cynllun y Cyngor 2012 - 2016 (Crynodeb Gweithredol) - Fersiwn PDF 943Kb

Cynllun y Cyngor 2012 - 2016 - Fersiwn PDF 2.5Mb

Cynllun y Cyngor 2012 - 2016 (Fersiwn Hawdd ei Ddarllen) - Fersiwn PDF 936Kb

Cynllun y Cyngor ‘y fersiwn byr, bachog’ - Fersiwn PDF 1.1Mb

Crynodeb o Gynllun y Cyngor 2009-2012

Mae'r ddogfen hon ar gael i'w llwytho i lawr yn y ffurf ganlynol:

Crynodeb o Gynllun y Cyngor 2009-2012 - Fersiwn PDF 133Kb

Diffinio ein Cyfeiriad 2009 i 2012 - Fersiwn PDF 1.4Mb

Gosod ein targedau 2011 i 2012 - Fersiwn PDF 1.4Mb

Canolbwyntio ar ein Perfformiad 2011 i 2012 (Crynodeb Gweithredol) – Fersiwn PDF 3.9Mb

Canolbwyntio ar ein Perfformiad 2011 i 2012 – Fersiwn PDF 5.4Mb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Gellir newid dogfennau Adobe Acrobat yn ôl i destun plaen trwy ddefnyddio'r Accessible Adobe® Reader.

Fformatau eraill

Mae’r ddogfen hon ar gael mewn nifer o fformatau eraill, ar eich cais - print bras, Braille, DVD Iaith Arwyddo Prydain, CD sain, casét sain neu ddisg cyfrifiadurol.

Mae hi ar gael mewn fformat hawdd ei ddarllen, ac mewn ieithoedd eraill ar wahân i’r Gymraeg a’r Saesneg.

Ymateb i’r ddogfen

Mae yna groeso mawr i chi anfon eich sylwadau ynglŷn â chynnwys neu ddiwyg yr adroddiad yma. Os oes gennych chi awgrymiadau ynglŷn â sut i wneud y ddogfen yn fwy darllenadwy, neu os ydych o’r farn y dylai’r Cyngor ganolbwyntio ar feysydd eraill, cysylltwch â ni. Mi fydd pob awgrym ynglŷn â gwaith y Cyngor yn cael ei ystyried fel rhan o’r gwaith o ddiweddaru’r cynllun ar gyfer ei ail-gyhoeddi yng ngwanwyn 2013.

Mae’r manylion cyswllt ar gyfer y fformatau eraill islaw.

Uned perfformiad a gwella
Cyngor Bwrdeistref Sirol Wrecsam
Neuadd Y Dref
Wrecsam
LL11 1AY

E-bost: telluswhatyouthink@wrexham.gov.uk
Ffôn: 01978 292263.

yn ôl i'r brig