Gwasanaethau A-Y

Cynllun Gwella 2008 / 2009

Croeso i Gynllun Gwella Blynyddol Cyngor Bwrdeistref Sirol Wrecsam 2008/09. Dyma ddogfen perfformiad a chyflenwi gwasanaethau allweddol y Cyngor, sy’n amlinellu ein gweledigaeth â’n hymrwymiadau ar gyfer 2008/09 ac sy’n rhoi manylion cynhwysfawr o’n perfformiad yn ystod 2007/8.

Mae cyllidebau llai ac arbedion effeithlonrwydd dilynol a ddaw o hyn yn parhau i ddylanwadu ar agenda’r awdurdod lleol, ond mae Cyngor Bwrdeistref Sirol Wrecsam mewn sefyllfa dda i weithio o fewn cyfyngiadau o’r fath ac mae’n parhau i ddarparu gwasanaeth effeithiol ac effeithlon i bobl Wrecsam. Cynhaliwyd yr etholiadau lleol ym mis Medi 2008 ac maent wedi cael effaith ar gyfansoddiad y Cyngor a byddant yn parhau i wneud hynny tra bod blaenoriaethau’r aelodau sydd newydd gael eu hethol yn dal yn dod i’r amlwg. Yn ffodus mae Wrecsam yn adnabyddus am fod ag aelodau gweithgar a brwd a disgwylir y bydd hyn yn parhau ac yn helpu i ddatblygu’r broses o wella’r gwasanaeth dros y flwyddyn sydd i ddod.

Yn 2007/08 gwnaethom gynnal ein lefel perfformiad uchel, gan ragori ar y gwelliannau a wnaed yn 2006/07. Gwnaed gwir gynnydd o ran ein blaenoriaethau lefel uchaf (Blaenoriaethau Corfforaethol) lle y ceir adnoddau ac ymdrechion ychwanegol, a daethpwyd i’r casgliad mewn gwerthusiadau eu bod ar y trywydd iawn ar gyfer 2007/8. Crynhoir rhai o’r llwyddiannau amlycaf isod.

Llwyddiannau Allweddol

Gwasanaethir 100% o gartrefi gan wasanaeth ochr ffordd drwy gynllun ‘Ailgylchu gyda Michael’
Lansio a chyflwyno Strydlun yn llwyddiannus- menter Strydoedd o Fri, sy’n darparu un pwynt cyswllt ar gyfer pob gwasanaeth sy’n gysylltiedig â phriffyrdd, strydoedd a mannau agored.
Rhoddwyd gwobr lewyrchus iawn i’n Gwasanaeth i Blant a Phobl Ifanc yng ngwobrau Rhagoriaeth Cymru, a chymeradwywyd ein cynnig Datblygu cymunedau hefyd.
Lleihad o 19.2% mewn ymddygiad troseddol Gwrth-gymdeithasol erbyn 2007, o gymharu â’r un cyfnod yn 2006.
Gwellhad ar ddangosyddion perfformiad ar gyfer canlyniadau cyfnod allweddol 4.

Ochr yn ochr â’r llwyddiannau allweddol hyn, mae angen i ni ychwanegu at ein llwyddiant ac edrych ymhellach i’r dyfodol i sicrhau bod Wrecsam yn parhau i wella. Mae ein hymrwymiadau allweddol isod yn amlygu rhai o’n prif flaenoriaethau ar gyfer 2008/9.

Ymrwymiadau Allweddol

Gweithredu gwasanaeth siop-un-stop effeithiol ac effeithlon.
Cynyddu canran y disgyblion sy’n cael 5 marc llwyddiant neu fwy ar lefel TGAU ar raddau A*-C i 55%
Lleihau nifer yr achosion o ymddygiad gwrthgymdeithasol y tynnir sylw atynt o 6% yn 2008/9
Ailgylchu, ailddefnyddio neu gompostio 65% o’r gwastraff dinesig a dderbynnir mewn canolfannau ailgylchu.

Mae Cyfarwyddwyr Strategol wedi hysbysu adrannau o’r canlyniadau y maent am eu gweld yn 2008/9. Dim ond gwaith ymroddedig adrannau ynghyd â chefnogaeth aelodau a fydd yn sicrhau bod modd cyrraedd targedau ac y parheir i wneud cynnydd. Bydd gweithio mewn partneriaeth yn parhau i fod â rôl bwysig, gyda chydweithwyr o’r sector cyhoeddus, preifat a gwirfoddol yn gwneud cyfraniadau sylweddol. Mae’r ymagwedd gydweithiol hon tuag at yr heriau yn sicrhau heb os nac oni bai y bydd 2008/09 yn flwyddyn lwyddiannus unwaith eto.

Ymateb I'r Cynllun Gwella

Rydym yn croesawu barn ar y Cynllun Gwella. Anfonwch unrhyw sylwadau neu geisiadau am gopi o'r ddogfen hon mewn print bras, ieithoedd eraill neu ar ffurf arall, at y cysylltiadau isod:

Rheolwr Perfformiad a Gwelliant
Adran Cyllid a Pherfformiad
Cyngor Bwrdeistref Sirol Wrecsam
Stryt y Lampint
Wrecsam
LL11 1AY

E-bost: finance@wrexham.gov.uk
Ffôn: 01978 292259.

Cynllun Gwella 2008/2009