Amgueddfeydd Wrecsam - Casglu ein Gorffennol

Mae Amgueddfeydd Wrecsam yn casglu ar ran y gymuned leol er mwyn cadw treftadaeth Wrecsam a cynorthwyo ein amgueddfeydd lleol i gynnig gwasanaethau i amrywiol anghenion y defnyddwyr.

Yn y rhan hon byddwch yn canfod:

• Beth mae Amgueddfeydd Wrecsam yn ei gasglu?
• Sut i gyfrannau rhywbeth at eich amgueddfa leol
• Sut y gallai eich hen wrthrychau helpu'r amgueddfa

Polisi Casglu Amgueddfeydd Wrecsam

Y ffaith mwyaf pwysig yw:

Mae Amgueddfeydd Wrecsam yn casglu ar ran y gymuned leol er mwyn cadw treftadaeth Wrecsam a chynorthwyo ein hamgueddfeydd lleol i gynnig gwasanaethau i amrywiol anghenion y defnyddwyr.

Mae'r rhifau mewn cromfachau e.e. (1.1.) yn cyfeirio at y Polisi Caffaeliadau a Gwaredu Swyddogol.

yn ôl i'r brig

Crynodeb

Mae gan bob amgueddfa bolisi casglu, ond pam?(1.1)

• Mae'n sicrhau bod Amgueddfeydd Wrecsam yn casglu'r eitemau mwyaf pwysig i gynrychioli treftadaeth Bwrdeistref Sirol Wrecsam,

• Mae'n sicrhau bod Amgueddfeydd Wrecsam yn casglu eitemau y gellir eu defnyddio mewn arddangosfeydd, addysg ac ymchwil.

• Mae'n sicrhau bod unrhyw un sy'n rhoi gwrthrych i Amgueddfeydd Wrecsam yn gwybod y gofelir am y gwrthrych ac na fydd yn cael ei werthu.

Yn swyddogol adnabyddir polisïau casglu fel Polisïau Caffaeliadau a Gwaredu. Mae hyn yn canolbwyntio ar yr hyn sy'n dod i mewn a'r hyn sy'n mynd allan, ond y rhan bwysig yw yr hyn sy'n digwydd pan fo'r gwrthrych yng ngofal Amgueddfeydd Wrecsam.

yn ôl i'r brig

Beth sydd yng nghasgliadau Amgueddfeydd Wrecsam ar hyn o bryd? (1.1-1.5)

• Mae'r casgliadau yn adlewyrchu treftadaeth gymdeithasol, milwrol a diwydiannol lleol Bwrdeistref Sirol Wrecsam

• Mae'r casgliadau yn ugain mlwydd oed yn unig; ifanc iawn i gasgliad amgueddfa.

• Mae'r uchafbwyntiau'n cynnwys: deunydd o'r diwydiant bric, teiliau a therecota; casgliad o hen glociau Wrecsam, casgliad pêl-droed Cymru, deunydd diwydiannol archeolegol o Ddyffryn Clywedog a deunydd sy'n gysylltiedig â chyhoeddi ac argraffu Wrecsam.

Pa eitemau hanesyddol sydd o ddiddordeb i Amgueddfeydd Wrecsam?

• Celf - sy'n gysylltiedig yn ei thema neu drwy'r arlunydd i'r Fwrdeistref Sirol (2.1)

• archeolegol, canfyddiad damweiniol neu â datgeliad metel drwy'r Cynllun Caffaeliaid Cludadwy (2.3)

• Gwisgoedd - dillad smart, dillad hamdden, dillad gwaith, gwisgoedd unffurf sy'n gysylltiedig â'r Fwrdeistref Sirol (2.5)

• Hanes Cymdeithasol - yr holl eitemau sy'n gysylltiedig â'n bywyd bob dydd (2.6)

• Pêl-droed - gwrthrychau cofiadwy sy'n gysylltiedig â phêl-droed yng Nghymru o'r clybiau lleol hyd at y tîm cenedlaethol. (2.6.1)

• Hanes milwrol - gwrthrychau milwrol sy'n gysylltiedig â chatrawdau sy'n gysylltiedig yn hanesyddol â Wrecsam e.e Ffiwsilwyr Brenhinol Cymru - Iwmoniaeth Sir Ddinbych (2.6.2)

• Hanes economaidd - gwrthrychau sy'n gysylltiedig â diwydiannau amrywiol Wrecsam yn y gorffennol, sut y gwnaeth bobl eu bywoliaeth o amgylch Wrecsam yn y gorffennol neu sut oeddynt yn gwario eu harian. (2.8, 2.8.7 & 2.8.8)

• Cloddio am lo - deunydd sy'n gysylltiedig â phyllau glo lleol a'u cymunedau (2.8.1)

• Haearn a Dur - arddangosir yng Nghanolfan Treftadaeth y Bers ar hyn o bryd.(2.8.3)

• Mwyngloddio Plwm - arddangosir yng Nghanolfan Ymwelwyr Pyllau Plwm y Mwynglawdd ar hyn o bryd.(2.8.4)

• Cludiant (2.8.5)

• Mudiad yr Undebau Llafur - deunydd sy'n berthnasol i'r Undebau a'r cysylltiadau diwydiannol yn lleol (2.8.6)

• Casgliadau Gwyddoniaeth: sbesimenau Gwyddoniaeth Naturiol gan gynnwys geoleg, a deunydd technolegol a gwyddonol. (2.9.1 & 2.9.2)

• Deunydd Pensaerniol (2.9.3)

Mae ffocws y casgliad ar fywyd ym Mwrdeistref Sirol Wrecsam. Fodd bynnag, ni ddatblygodd y Fwrdeistref Sirol ar phen ei hun. Bydd Amgueddfeydd Wrecsam yn casglu deunydd sy'n cynrychioli'r gorffennol neu sut mae bywyd wedi newid yma, ond o rywle arall. (3.10)

• Cyfyngiadau ar gasglu (4)

• Polisïau casglu amgueddfeydd eraill (5)

• Diweddaru Polisi Casglu Amgueddfeydd Wrecsam (6)

• Sut mae Amgueddfeydd Wrecsam yn casglu deunydd? (8)

  Llywodraethir pob amgueddfa gan reolau cenedlaethol a rhyngwladol ynghylch yr hyn y caniateir ei gasglu.

• Benthyciadau

  Yn gyffredinol bydd Amgueddfeydd Wrecsam ond yn derbyn benthyciadau am gyfnodau penodol neu ar gyfer arddangosfeydd arbennig. Yn y gorffennol, roedd amgueddfeydd yn derbyn gwrthrychau ar 'fenthyciad parhaol' neu'n unol â dymuniad y perchennog. Arweiniodd yr arferiad hwn at broblemau o bob math.

  Mae Amgueddfeydd Wrecsam yn aml yn arddangos deunydd ar fenthyciad dros dro pan fo'r eitemau dan sylw o ddiddordeb arbennig i ymwelwyr yr Amgueddfa.

• Ysbeiliad / Difrod (9)
  
  Nid yw’r gwasanaeth amgueddfeydd yn derbyn eitemau a gasglwyd yn anghyfreithlon yn ystod cyfnod 1933-1945.

• Dychwelyd ac adfer (10)
  
  Mae’r amgueddfa yn cadw at y ddeddfwriaeth ddiweddaraf a chyfarwyddyd MLA/CyMAL ynghylch dychwelyd gweddillion dynol, gwrthrychau ac enghreifftiau o wlad neu bobloedd tarddiad.

• Gweithdrefnau Gwaredu (12)

  Mae'r rhagdybiaeth yn erbyn Amgueddfeydd yn gael gwared ar eu casgliadau. Dyna un rheswm pam ei bod yn rhaid i' Amgueddfeydd fod yn ofalus ynghylch yr hyn a gasglant. Ceir dulliau a gydnabyddir yn genedlaethol i waredu eitemau mewn casgliadau - adnabyddir hwy fel dad-dderbyn ym myd yr amgueddfeydd.

  Gallai unrhyw amgueddfa sy'n ceisio cael gwared ar eitemau mewn dull amhriodol gael eu di-gofrestru gan Resource: Cyngor yr Amgueddfeydd, Archifau a Llyfrgelloedd.

• Addysg a Chasgliad Trin

  Mae gwasanaeth addysg yr amgueddfa yn casglu gwrthrychau a deunyddiau archifol sy’n galluogi staff i ddarparu gweithdai i ysgolion lleol ac yn darparu blychau benthyca i ysgolion eu defnyddio.

yn ôl i'r brig

Sut i gyfrannau rhywbeth at eich amgueddfa leol

Ydych chi'n ystyried cyfrannu eitem tuag at gasgliad yr Amgueddfa?

Rhai awgrymiadau:

• Ffoniwch yr Amgueddfa ar 01978 317 970 a gofynnwch am gael siarad â'r Curadydd cyn galw heibio'r Amgueddfa'n bersonol. Gallai hyn arbed siwrnai wag i chi.

• Trafodwch hyn â'ch teulu cyn gwneud unrhyw benderfyniad. Mae'n arbed tor calon yn ddiweddarach.

• Os oes gennych unrhyw ddeunydd sy'n berthnasol i'r gwrthrych dewch â hyn i mewn hefyd e.e hoffech gyfrannau het draddodiadol Gymreig eich mam - os oes gennych ffotograff o'ch mam yn ei gwisgo, dewch â hwn hefyd. Byddem yn sganio'r ffotograff os nad ydych am ei gyfrannu. Po fwyaf y wybodaeth a geir gyda gwrthrych, po fwyaf o werth y bydd i genedlaethau'r dyfodol.

• Peidiwch â rhuthro wrth ddod i mewn. Rydym yn hoffi cofnodi cymaint o wybodaeth â phosibl. Mae gwrthrychau heb wybodaeth fel amddifadiaid casgliadau'r amgueddfa. Gorau oll po fwyaf o storïau y gellwch eu darparu sy'n gysylltiedig â'r gwrthrychau, megis y bobl a oedd yn berchen arnynt neu'n gweithio â hwy e.e. efallai i'ch mam dderbyn yr het gan ei mam hi a enillodd gystadleuaeth yn Eisteddfod Genedlaethol 1912 yn Wrecsam.

• Nid oes raid i'r gwrthrych fod yn werthfawr i fod o ddiddordeb i'r Amgueddfa. Mae sawl eitem y credir eu bod yn ddiwerth, yr union beth sydd eu hangen ar gyfer ein harddangosfeydd.

Os yw'n hanesyddol ac yn lleol, anghofiwch y sgip - ffoniwch Amgueddfa Wrecsam ar 01978 317970.

yn ôl i'r brig

Sut y gallai eich hen wrthrychau helpu'r amgueddfa

Rydym bob amser yn edrych am ddeunydd i ddefnyddio yn ein gweithdai i ysgolion ac yn ein blychau atgofion.

• Hen Wrecsam
• Adloniant
• Diwrnod i'r Brenin
• Gwaith
• Bywyd yn y Cartref
• Plentyndod gan gynnwys dillad, ysgol a theganau
• Arferion bwyta
• Cyfnod y Rhyfel
• Archaeoleg (ar gyfer Sioe Deithiol Archeolegol y Plant)
• Daeareg

Os ydych yn dymuno cyfrannu eitemau ar gyfer eu defnyddio yng ngweithdai'r ysgolion a'r blychau atgofion cysyllter ag Amgueddfa Wrecsam ar 01978 317 970 a gofynnwch am siarad gyda'r Swyddog Addysg.

yn ôl i'r brig

Polisi Casglu Amgueddfeydd Wrecsam

Mae'r polisi ar gael ar y ffurfiau canlynol:

Polisi Casglu Amgueddfeydd Wrecsam - Fersiwn Word 58Kb

Polisi Casglu Amgueddfeydd Wrecsam - Fersiwn PDF 167Kb

Polisi Casglu Amgueddfeydd Wrecsam - Fersiwn Testun Plaen 46Kb