Cynllun Cydraddoldeb Rhyw

Mae Cyngor Bwrdeistref Sirol Wrecsam wedi cyhoeddi ei gynllun cydraddoldeb rhyw cyntaf fel rhan o’i ymrwymiad i fodloni’r Dyletswydd Cydraddoldeb Rhyw sy’n rhan o Ddeddf Cydraddoldeb 2006.

Mae’r ddyletswydd yn gofyn i gyrff cyhoeddus fabwysiadu ymagwedd weithredol at gydraddoldeb rhwng merched a dynion, bechgyn a genethod.

Daeth Deddf Cydraddoldeb 2006 i rym ar 6 Ebrill 2007 gan ddiwygio a chryfhau’r Ddeddf Gwahaniaethu ar Sail Rhyw 1975 a Deddf Cyflog Cyfartal 1970 ac mae’n rhoi dyletswydd benodol a chyffredinol ar gyrff cyhoeddus.

Mae tair rhan sy’n cydgysylltu i’r Ddyletswydd Gyffredinol ac mae’n amlinellu’r gofynion i gyrff cyhoeddus ystyried:

• cael gwared ar wahaniaethu anghyfreithlon
• cael gwared ar aflonyddwch
• hyrwyddo cyfle cyfartal rhwng dynion a merched

Er mwyn cwrdd â’r Ddyletswydd Benodol mae’n rhaid i’r awdurdodau cyhoeddus gyhoeddi Cynllun Cydraddoldeb Rhyw erbyn 30 Ebrill 2007.  Er mwyn cyflawni’r dyletswyddau mae’n rhaid i’r cyngor allu dangos a darparu tystiolaeth eu bod yn trin dynion a merched yn deg a'u bod yn gwneud cynnydd i ymdrin â’r anghydraddoldebau a’r gwahaniaethau a nodwyd.

Mae Cynllun Cydraddoldeb Rhyw'r Cyngor yn cynnwys wyth prif amcan:

1. Ystyried mabwysiadu’r Siarter Ewropeaidd ar gyfer cydraddoldeb i ferched a dynion mewn bywyd lleol fel fframwaith ar gyfer datblygu ymagwedd y Cyngor at gydraddoldeb rhyw'r Cyngor yn yr hirdymor.
2. Sicrhau bod aelodau o staff ar bobl lefel yn derbyn yr hyfforddiant priodol a’u bod yn ymwybodol o’u rôl a’u cyfrifoldebau wrth weithredu’r cynllun hwn a’r agenda cydraddoldeb ehangach.
3. Sicrhau bod holl waith a gwasanaethau’r Cyngor yn hygyrch i ddynion a merched o bob oed ac yn rhydd rhag tueddiadau anghyfreithlon neu dueddiadau sy’n gwahaniaethu ar sail rhyw.
4. Integreiddio cydraddoldeb rhyw fel rhan o waith a threfniadau archwilio’r cyngor wrth reoli gwaith contract a gwblheir ar ran y Cyngor.
5. Sicrhau bod pob cyfle cyflogaeth yn hygyrch i ddynion a merched.
6. Sicrhau nad yw strwythur cyflogau’r cyngor yn cynnwys rhagfarn ar sail rhyw. 
7. Hyrwyddo amgylchedd diogel a chadarnhaol sy’n rhydd rhag aflonyddwch ac yn hyrwyddo urddas a lles merched a dynion wrth eu gwaith.
8. Datblygu systemau effeithiol ar gyfer monitro cydraddoldeb rhyw.

Mae’r amcanion hyn yn rhoi ffocws i ymagwedd y Cyngor at gydraddoldeb rhyw am y tair blynedd nesaf (2007 to 2010) ac maent i’w gweld yn y cynllun gweithredu sy’n rhan o’r Cynllun.

Am wybodaeth bellach cysylltwch â’r Rheolwr Cydraddoldeb ar 01978 292808.

Yn anfodus, nid yw'r dogfen yma ar gael yng Nghymraeg.