Mae'r dudalen hon yn ddatganiad i'r wasg a gyhoeddir gan Gyngor Bwrdeistref Sirol Wrecsam.
Awdur y Cynnwys: pressoffice@wrexham.gov.uk
07 Awst 2008
 Diweddariad - Newidiadau i Gasgliadau'r Biniau
Mae Cyngor Wrecsam yn datgan y bu cynnydd da yn y newidiadau i gasgliadau’r biniau yn dilyn adolygiad o’r casgliadau a olygodd bod 60% o gartrefi yn newid eu diwrnod bin. Yr wythnos nesaf gofynnir i bob cartref wirio eu calendrau newydd am fanylion y bin a gesglir. Dylai unrhyw un sydd heb dderbyn calendr newydd gysylltu â thîm Strydoedd o Fri ar
01978 29 89 89.
Yn gyffredinol, mae’r newid wedi mynd yn dda gyda mwyafrif y trigolion yn rhoi’r bin cywir allan i’w gasglu ar y diwrnod a nodwyd ar eu sticer bin. Yr wythnos nesaf gofynnir i drigolion wirio eu calendrau gan y bydd hyn yn nodi pa fin a gesglir oherwydd mewn rhai ardaloedd cesglir y bin du eto cyn y bydd y casgliadau bob yn ail wythnos arferol yn dechrau.
Os ydych yn ansicr pa fin i’w roi allan gallwch gysylltu â rhif Strydoedd o Fri sef 01978 298989 neu wirio’r manylion ar wefan Cyngor Wrecsam www.wrecsam.gov.uk/stryd
Dywedodd y Cynghorydd David Bithell, yr Aelod Arweiniol dros yr Amgylchedd,:
"Rydym yn falch o’r cynnydd a wnaed yr wythnos hon ac mae trigolion wedi derbyn y neges i wirio eu diwrnod newydd. Dros yr wythnosau i ddod daw ein criwiau’n fwy cyfarwydd gyda’r teithiau newydd y maent yn eu gweithredu a bydd effeithiolrwydd y gwasanaeth yn gwella. Mae manteision hirdymor i’r gwasanaeth drwy leihau 1,000 o filltiroedd bob pythefnos, arbed tanwydd a gostwng ein hôl troed carbon ynghyd â chynllunio ar gyfer yr ychydig flynyddoedd nesaf."
Dywedodd John Bradbury Prif Swyddog yr Amgylchedd:
"Hoffwn achub ar y cyfle hwn i ddiolch i staff a thrigolion am helpu yn y newid drosodd pwysig a gobeithiwn ddychwelyd i’r gwasanaeth normal yn fuan iawn."
|
English
Yn ôl i'r brig