Mae'r dudalen hon yn ddatganiad i'r wasg a gyhoeddir gan Gyngor Bwrdeistref Sirol Wrecsam.
Awdur y Cynnwys: pressoffice@wrexham.gov.uk
11 Gorffennaf 2008
COMISIWN FFINIAU LLYWODRAETH LEOL I
GYMRU
DEDDF LLYWODRAETH LEOL 1972 – ADRAN 56(1)
AROLWG O’R FFINIAU CYMUNEDOL YM MWRDEISTREF SIROL WRECSAM
Mae Comisiwn Ffiniau Llywodraeth Leol i Gymru wedi cwblhau cam cyntaf ei arolwg o’r ffiniau cymunedol ym Mwrdeistref Sirol Wrecsam ac wedi cyhoeddi adroddiad ei Gynigion Draft.
Mae copïau o’r adroddiad, yn cynnwys mapiau sy’n dangos y cynigion, ar gael i’w harchwilio yn swyddfeydd Cyngor Bwrdeistref Sirol Wrecsam, Neuadd y Dref, WRECSAM, LL11 1WF; ac yn swyddfeydd y Comisiwn yng Nghaerdydd. Mae trefniadau’n cael eu gwneud hefyd i roi copïau o’r adroddiad ym mhob llyfrgell yn Bwrdeistref Sirol Wrecsam. Mae nifer cyfyngedig ar gael, drwy wneud cais, oddi wrth y Comisiwn. Gellir gweld yr adroddiad ar wefan y Comisiwn ar www.cflll-cymru.gov.uk.
Mae’r Comisiwn yn gwahodd unrhyw berson neu gorff sydd â diddordeb yn yr arolwg i anfon eu sylwadau yn ysgrifenedig at: Yr Ysgrifennydd, Comisiwn Ffiniau Llywodraeth Leol i Gymru, Tŷ Caradog, 1-6 Plas Sant Andreas, CAERDYDD CF10 3BE neu drwy e-bost at cflll.cymru@cymru.gsi.gov.uk erbyn 11 Awst 2008. Bydd y Comisiwn yn ystyried yn ofalus unrhyw gynrychiolaethau a wneir iddo cyn iddo gyflwyno’i Gynigion Terfynol i’r Llywodraeth Cynulliad Cymru.
Sylwch y gall y sylwadau a dderbynnir gael eu cyhoeddi. Os nad yw’r ymatebydd yn dymuno datgelu ei enw/henw a’i gyfeiriad/chyfeiriad yn gyhoeddus rhaid datgan hyn yn benodol yn yr ymateb.
EDWARD LEWIS
(Ysgrifennydd)
|
English
Yn ôl i'r brig