Newyddion y Cyngor
Mae'r dudalen hon yn ddatganiad i'r wasg a gyhoeddir gan Gyngor Bwrdeistref Sirol Wrecsam.
Awdur y Cynnwys: pressoffice@wrexham.gov.uk
09 Rhagfyr 2011
Pleidleisiwch dros eich Hoff Arddangosfa Ffenestr
Mae siopwyr yn Wrecsam yn cael eu hannog i bleidleisio dros eu hoff arddangosfa ffenest - ac os wnânt gallent ennill basged yn llawn o ddanteithion Nadoligaidd.
Mae dros dri deg o fusnesau yn y dref wedi ymuno â’r gystadleuaeth ffenestri Nadoligaidd eleni. Trefnir gan Gyngor Wrecsam mewn cyfres o ddigwyddiadau a gweithgareddau i helpu hybu busnesau adwerthu yn ystod y cyfnod cyn y Nadolig.
Dywedodd y Cynghorydd Rodney Skelland, aelod arweiniol dros adfywiad a llywodraethu corfforedig “Roedd y gystadleuaeth yn llwyddiannus y llynedd ac mae’n ffordd braf o annog mwy o siopwyr i ddod i Wrecsam a rhoi hwb i fusnesau adwerthu lleol.”
“Mae’r siopau sy’n cymryd rhan yn mynd i ysbryd y gystadleuaeth, a gall pleidleiswyr fwynhau edrych ar wahanol arddangosfeydd y ffenestri cyn penderfynu ar eu hoff arddangosfa.”
Mae pleidleisio dros eich hoff arddangosfa ffenest yn hawdd. Bydd gan bob busnes sy’n cymryd rhan rif ar flaen eu ffenestr.
I bleidleisio gofynnwch i’r siop am bapur pleidleisio neu ewch i’r Ganolfan Groeso Wrecsam yn Stryt y Lampint.
Pan fyddwch wedi ei lenwi, gallwch un ai ei gyflwyno’n bersonol neu ei bostio i’r Ganolfan Groeso erbyn 4pm ddydd Sadwrn 17 Rhagfyr 2011.
Gallwch hefyd bleidleisio drwy anfon y papur pleidleisio ar e-bost i: tourism@wrexham.gov.uk
Bydd pob pleidlais yn mynd i raffl fawr a bydd y buddugol yn ennill basged llawn nwyddau. Bydd y busnes sydd â’r mwyaf o bleidleisiau yn ennill pryd o fwyd i ddau mewn tŷ bwyta lleol.
Papur pleidleisio
Mae'r rhannau a ddynodir gyda * yn rhai mandadol, y mae'n rhaid eu llenwi.
Porthyddion RSS
Cyfreithiol
Manylion Cyswllt
Cyngor Bwrdeistref Sirol WrecsamNeuadd y Dref
Wrecsam
LL11 1AY
ebost: Contact-Us@wrexham.gov.uk
Ymateb Gwefan
ffôn: 01978 292000
Lleoliad
