Newyddion y Cyngor

29 Gorffennaf 2008

Dweud eich dweud am gau Swyddfeydd Post Wrecsam

Yn dilyn cyhoeddiad Swyddfa’r Post Cyf am eu cynigion i gau 10 o swyddfeydd ym Mwrdeistref Sirol Wrecsam, mae Cyngor Wrecsam wedi lansio ei broses ymgynghori ei hun i sicrhau fod barn trigolion lleol yn cael ei ystyried.

Mae Adran Datblygu Economaidd y Cyngor wedi datblygu holiadur y gall trigolion ei gwblhau i leisio eu barn yn y rhesymoliad cenedlaethol hwn gan Swyddfa’r Post. Dosberthir yr holiadur drwy ystod eang o allfeydd yn cynnwys canolfannau cymunedol, canolfannau hamdden a phob adeilad y Cyngor. Bydd yr holiadur ar gael hefyd i’w gwblhau ar-lein yn www.wrecsam.gov.uk/swyddfarpost

Dywed y Cynghorydd Rodney Skelland, Aelod Arweiniol ar gyfer Llywodraeth Gorfforedig ac Adfywio: “Mae’r Cyngor yn cydnabod yr angen am ddarparu gwasanaethau swyddfa’r post ledled y Fwrdeistref Sirol ac mae eisiau sicrhau bod gwasanaeth effeithiol yn parhau ar gael i’r holl drigolion. Rydym yn annhebygol o fod mewn sefyllfa i wrthdroi pob penderfyniad ond rydym eisiau gwneud yn siwr fod barn defnyddwyr swyddfa’r post wedi cael ei ystyried beth bynnag a benderfynir yn derfynol.”

Mae Swyddfa’r Post wedi cyhoeddi ei fwriad i gau swyddfeydd yn Parc Acton, Bradle, Rhosrobin, Bryn Hyfryd, Marchwiel, New Broughton, Ponciau, Rhosymedre, Tanyfron ac Trefor. Mae’r cynlluniau hyn yn rhan o Gynllun Ardal Gogledd Cymru sydd, ynddo’i hun yn rhan o Raglen Newid Rhwydwaith ledled y wlad a fydd yn gweld cau 1150 o swyddfeydd post drwy Gymru. Cynllunnir y gwasanaethau “allgymorth” newydd i leihau effaith y cau hyn.

Mae Cyngor Wrecsam yn ceisio barn trigolion ar y newidiadau arfaethedig erbyn 8fed Medi 2008, a fydd yn caniatáu i’r ymatebion cyfunol gael eu bwydo i mewn i broses ymgynghori Swyddfa’r Post ei hun sy’n rhedeg hyd at 15fed Medi. Mae mwy o wybodaeth am gynlluniau Swyddfa’r Post ar gael ar eu gwefan www.postoffice.co.uk .

Am fwy o wybodaeth am holiadur y Cyngor ewch i www.wrecsam.gov.uk/swyddfarpost neu ebostiwch economicdevelopment@wrexham.gov.uk