Cyngor Bwrdeistref Sirol Wrecsam

Hysbysebu

Caffaeliad Cyngor

Mae caffael nwyddau, gwaith a gwasanaethau’n weithgaredd gwerth uchel yn y Cyngor sy’n cael effaith fawr ar ei berfformiad a llwyddiant.  Mae’r Cyngor Bwrdeistref Sirol yn gwario rhyw £80 miliwn y flwyddyn ar nwyddau, gwaith a gwasanaethau.

Anelwn at wella’r broses gaffael er mwyn cael y gorau o’r contractau sydd gennym a gostwng y costau gweinyddol o brynu.

Pwysigrwydd Caffaeliad

Rydym yn cydnabod pwysigrwydd caffaeliad wrth gyflawni ein nodau a bod cafael nwyddau, gwaith a gwasanaethau o bwysigrwydd strategol am y rhesymau canlynol:

  • mae’n cael effaith uniongyrchol ar wariant cyffredinol y Cyngor, a’r gost o ddarparu gwasanaethau i bobl Bwrdeistref Sirol Wrecsam
  • mae’n effeithio’n uniongyrchol ar ddarpariaeth y Cyngor o’i wasanaethau
  • mae’n cyfrannu at gyflawni nodau corfforedig, adrannol a gwasanaeth
  • mae’n ffordd o gyflawni nodau polisi allweddol, gan gynnwys cynaladwyedd, gweithio mewn partneriaeth, cydraddoldeb a datblygiad economaidd
  • mae’n gweithredu o fewn fframwaith rheoleiddio cymhleth y mae’n rhaid cadw ato
  • gall gynnwys risgiau uchel; mae’n effeithio ar wasanaethau; mae yna faterion ariannol a chyfreithiol ac mae’n dylanwadu a chyfrannu at enw’r Cyngor
  • mae’n datblygu rôl y Cyngor fel ‘arweinydd cymunedol’ yn enwedig mewn perthynas â chynaladwyedd a datblygiad economaidd lleol

Sut ydym ni’n Gweithredu

Rheoli Categori yw'r dull a fabwysiadwyd gan yr Awdurdod i reoli’r ffordd y mae gweithgareddau caffael yn cael eu cynnal. Felly, mae Rheoli Categori ar waith er mwyn:

  • Cefnogi gweithgaredd prynu a chontractio o fewn adranau
  • Datblygu arbenigedd caffael
  • Sefydlu prosesau cyffredin a safoni arfer gorau
  • Datblygu blaen gynlluniau caffael strategol a chefnogi i gyflwyno canlyniadau busnes gwell
  • Gwneud y gorau o gyfleoedd a darparu cyfleoedd i greu arbedion

Yn gryno, mae Rheoli Categori (RhC) yn ddull strategol o reoli pob agwedd ar y cylch caffael. Mae'n ffordd strwythuredig o drefnu a rheoli gweithgareddau ac adnoddau caffael drwy grwpio cynhyrchion a gwasanaethau cysylltiedig ynghyd ar draws y Cyngor ac yn eu mapio i'w marchnad cyflenwi berthnasol.

Strategaeth Caffaeliad

Wedi’i chymeradwyo gan y Bwrdd Gweithredol ar 10/12/2013. Mae’r Strategaeth Gaffael hon yn berthnasol ar gyfer y cyfnod 01/01/2014 i 31/12/2016.

Mae’n nodi’r blaenoriaethau ar gyfer caffael yn y Cyngor a bydd ganddo rôl hollbwysig o ran ein helpu i ganolbwyntio ar feysydd a fydd yn cynnal ac yn adeiladu ar ddilyniant a wnaed yn ystod oes y strategaeth flaenorol. Bydd hefyd yn helpu i sicrhau y caiff yr holl wasanaethau eu darparu er mwyn diwallu anghenion, mewn ffyrdd sy’n gost effeithiol ac yn effeithlon.

Siarter Agor Drysau

Mae 'Agor Drysau', siarter gaffael sy'n hyrwyddo mentrau bach a chanolig, wedi'i mabwysiadu'n ffurfiol gan CBS Wrecsam ac wedi'i harwyddo'n swyddogol.

Trwy gyflwyno ymagwedd gyson at 'gaffael sy'n hyrwyddo mentrau bach a chanolig' nid yn unig yn CBS Wrecsam ond ar draws y sector cyhoeddus yng Nghymru, nod y siarter yw rhoi'r cyfle gorau posibl i'r gymuned mentrau bach a chanolig i gael cipolwg ar fusnes y sector cyhoeddus a chyflwyno ceisiadau cystadleuol iddo.

Mae gweithgareddau caffael yn newid ac mae'n bwysig bod mentrau bach a chanolig a'r sector cyhoeddus yn deall prosesau a disgwyliadau ei gilydd.

Trwy ddilyn egwyddorion y siarter yn ein gweithgareddau caffael, byddwn yn sicrhau bod arfer da yn cael ei gyflwyno'n gyson'.

Canllaw Gwerthu i'r Cyngor

Mae tua £80 miliwn y flwyddyn yn cael ei wario gan y Cyngor ar nwyddau, gwaith a gwasanaethau. Mae’n weithgaredd gwerth uchel sy’n cael effaith allweddol ar ein perfformiad a’n llwyddiant.

Mae amrywiaeth eang o wasanaethau cyhoeddus yn cael eu darparu i bron 131,000 o breswylwyr.

Nod y canllaw hwn yw darparu gwybodaeth a mynediad at gyfleoedd ar gyfer contractwyr presennol / posibl i gystadlu ar gyfer cyfran o’n busnes. Ni elli gwarantu llwyddiant; mae hynny’n dibynnu ar ansawdd, cost ac argaeledd eich nwyddau a’ch gwasanaethau ynghyd â pholisïau cydraddoldeb, cynaladwyedd ac iechyd a diogelwch eich sefydliad.

Canllaw Caffaeliad Cynaliadwy

Lluniwyd y Canllaw Caffaeliad Cynaliadwy i annog ac esbonio mewn modd syml, sut y gallwn ni yng Nghyngor Bwrdeistref Sirol Wrecsam gyflwyno arferion caffaeliad cynaliadwy yn ein sefydliad a’n systemau.

Mae’r canllaw yn dangos arfer da presennol ac yn nodi’r cyfleoedd sydd ar gael i ymchwilio i gaffaeliad cynaliadwy gan aros o fewn fframwaith y deddfau caffaeliad cyhoeddus a sicrhau gwerth am arian.

Rhestr o Gontractau

Mae manylion trefniadau cytundebol y Cyngor wedi’u cynnwys yn yr atodiad isod. Mae’r manylion yn rhoi trosolwg o bob cytundeb a fframwaith presennol.

Amcan y rhestr hon o gytundebau yw rhoi syniad i gyflenwyr a chontractwyr arfaethedig o’r ystod o nwyddau, gwasanaethau a gweithiau y mae’r cyngor yn eu prynu, gan ddangos pryd y mae'r trefniadau hynny'n dod i ben.

Os oes angen, mae modd cael gwybodaeth bellach ar unrhyw gytundeb penodol trwy gysylltu â’r cyswllt Caffael cyfrifol sydd wedi’i enwi.

Rheoliadau Ariannol

Mae’r Sefydliad Siartredig Cyllid Cyhoeddus a Chyfrifyddiaeth (CIPFA) yn diffinio Rheoliadau Ariannol fel:

“…Cod ysgrifenedig o weithdrefnau a gymeradwyir gan y Cyngor, a’u bwriad yw darparu fframwaith ar gyfer rheolaeth ariannol gywir yr Awdurdod.  Fel rheol mae rheoliadau ariannol yn gosod y rheolau ynghylch cyfrifyddiaeth, gweithdrefnau gweinyddol ac archwilio a systemau cyllido.”

Mae Rheoliadau Ariannol yn rheolaeth bwysig wrth liniaru risgiau ariannol a llywodraethu'r Cyngor. Yng Nghyngor Bwrdeistref Sirol Wrecsam mae’r Rheoliadau Ariannol wedi'u rhannu'n Rheolau Gweithdrefn Ariannol a Rheolau Gweithdrefn Contractau, gyda’r ail yn ymwneud yn benodol â Chaffael (prynu a chontractau).

Mae’r Rheoliadau Ariannol yn berthnasol i’r holl staff a gyflogir gan y Cyngor p’un ai os oes ganddynt gontract parhaol neu gontract dros dro, ac mae hefyd yn berthnasol i staff a gyflogir gan asiantaethau.