Pwy sy’n gymwys i gael Bathodyn Glas?

Mae unrhyw un dros ddwy oed â hawl awtomatig i gael Bathodyn Glas os ydynt:

  • wedi eu cofrestru fel person dall
  • yn derbyn ategiad Symudedd Pensiynwr Rhyfel
  • yn derbyn cydran symudedd cyfradd uwch y Lwfans Byw i’r Anabl
  • wedi derbyn budd-dal lwmp swm gan Gynllun Iawndal y Lluoedd Arfog a’r Lluoedd Wrth Gefn (lefelau tariff 1 i 8) ac wedi eu hardystio fel bod ag anabledd parhaol a sylweddol sy’n achosi anallu i gerdded neu anhawster sylweddol wrth gerdded.

Os nad oes gennych chi hawl awtomatig, mae’n bosibl bod gennych chi’r hawl i Fathodyn Glas os ydych chi dros ddwy oed, a’n bod ni’n medru cadarnhau:

  • bod gennych chi anabledd parhaol a sylweddol sy’n golygu na fedrwch chi gerdded, neu sy’n gwneud cerdded yn anodd iawn
  • eich bod chi’n gyrru car yn rheolaidd a bod gennych chi anabledd difrifol yn y ddwy fraich, sy’n ei gwneud yn anodd iawn neu’n amhosbl gweithredu peiriannau tocyn parcio.

Rheolau arbennig ar gyfer plant o dan dair oed

Os ydych chi’n rhiant plentyn sy’n iau na thair oed, fe gewch chi wneud cais am Fathodyn Glas. Mae’n rhaid i’ch plentyn fod â chyflwr meddygol penodol sy’n golygu un o’r isod:

  • bod rhaid iddo/iddi fod ag offer meddygol swmpus wrth law trwy’r amser sy’n anodd iawn i’w gario o gwmpas
  • bod angen iddo/iddi fod yn agos at gerbyd trwy’r amser er mwyn cael triniaeth frys ar gyfer cyflwr pan fo angen.

A oes rhaid talu am Fathodyn Glas?

Mae unigolion yn cael Bathodyn Glas am ddim ond codir tâl o £10.00 ar sefydliadau.

Os ydych chi’n credu bod eich Bathodyn chi wedi ei ddwyn dylech hysbysu’r Heddlu a gofyn am Gyfeirif Trosedd. Os oes gennych chi Gyfeirif Trosedd ni chodir tâl arnoch chi am fathodyn newydd.

Codir tâl o £10.00 am adnewyddu bathodynnau coll neu fathodynnau wedi eu dwyn ond heb Gyfeirif Trosedd.

yn ôl i'r brig