Gwasanaethau A-Y

Cyngor i blant a phobl ifanc

LSCB logo Wyt ti’n blentyn neu’n unigolyn ifanc yn ardal Wrecsam sy’n cael dy gam-drin naill ai adref neu gan rywun tu allan i dy gartref?

Oes yna rywun adref yn cael ei gam-drin gan rywun arall? Neu oes gennyt ffrind sydd angen help oherwydd ei bod ef neu hi’n cael ei g/cham-drin?

Gallet gael help trwy wneud unrhyw un o’r pethau canlynol:

Ffonio’r gweithiwr cymdeithasol ar ddyletswydd ar 01978 292039 yn ystod y dydd rhwng dydd Llun a dydd Gwener neu ar 0845 0533 116 yn y nos ac ar benwythnosau a dweud wrthynt beth sy’n digwydd. Neu gallet anfon ebost atynt ar cafat@wrexham.gov.uk neu emergency.hours@wrexham.gov.uk
Mewn argyfwng – megis pan mae rhywun yn cael ei daro neu’n cael ei gloi allan o’r cartref, ffonio’r heddlu ar 999
Neu gallet ffonio Childline ar 0800 1111 neu fynd i www.childline.org.uk.
Os nad wyt am siarad â rhywun nad wyt yn ei adnabod, gallet ofyn i oedolyn rwyt yn ymddiried ynddo neu ynddi, rhywun fel athro neu weithiwr ieuenctid, neu hyd yn oed gofyn i ffrind wneud yr alwad ar dy ran. Mae’n rhaid i bobl sy’n gweithio gyda phlant ddilyn eu gweithdrefnau ond byddant yn esbonio beth fyddant yn ei wneud a beth ddylent fod yn gallu ei wneud i dy helpu trwy’r broses.
Wyt ti’n ymwneud â gweithdrefnau diogelu plant eisoes? Os wyt, mae’r daflen hon yn egluro beth yw’r broses amddiffyn plant ac ymhle rwyt ti’n ffitio.