Gwasanaethau A-Y

Meini Prawf Derbyniadau

Bydd yr Awdurdod Addysg Lleol (ALl) yn cadw at ei ddyletswydd i sicrhau darpariaeth addysg effeithlon a defnydd effeithlon o adnoddau. Wrth wneud hyn, bydd yr A.A.Ll. yn rhoi ystyriaeth i'r holl adnoddau, gan gynnwys yr adeiladau a'r staff sydd ar gael i bob ysgol ac unrhyw gyfyngiadau o orfodir gan drefniadaeth a chwricwlwm yr ysgol. Bydd hefyd yn ystyried yr oblygiadau i'r Awdurdod o ran adnoddau a'r effaith ar bolisau addysg eraill.

Mae meini prawf yr ALl ar gyfer derbyniadau i ysgolion yn ddibynnol ar:

Gyfrifoldeb yr ALl i sicrhau bod disgybl â Datganiad o Anghenion Addysgol Arbennig yn cael ei dderbyn gan ysgol sy’n gallu diwallu’r anghenion hynny;
Cyfrifoldeb yr ALl i gydymffurfio â’r ddeddfwriaeth o ran cyfyngu ar faint dosbarthiadau babanod.
Cyfrifoldeb yr ALl i sicrhau darpariaeth addysg effeithlon a defnydd effeithlon o adnoddau; ac unrhyw gyfyngiad a all godi mewn perthynas ag ysgol arbennig oherwydd cadw at y nifer derbyn, sef nifer y plant y gellir eu derbyn ym mhob grwp blwyddyn yn ystod y flwyddyn ysgol.

Meini Prawf Gormod o Geisiadau

Wrth ystyried dewis y rhieni, defnyddir y meini prawf oni bai fod yr ALl wedi cytuno gyda chorff llywodraethol unigol ar drefn blaenoriaeth wahanol fel y cyhoeddwyd ym mhrosbectws yr ysgol. Lle mae mwy o rieni wedi mynegi dewis ar gyfer ysgol mewn blwyddyn benodol nag y mae lle ar eu cyfer defnyddir y meini prawf canlynol yn y drefn a nodir:

Bydd yr ALl yn ystyried anghenion plant mewn gofal cyhoeddus (Plant sy’n Derbyn Gofal);
Bydd yr ALl yn cynnal cysylltiadau rhwng ysgolion babanod penodol ac ysgolion iau penodol a rhwng ysgolion iau neu gynradd a rhai ysgolion uwchradd penodol yn unol â phenderfyniad y Cyngor Bwrdeistref Sirol;
Bydd yr ALl yn ystyried anghenion addysgol arbennig y plant; amgylchiadau arbennig eraill, yn cynnwys rhai meddygol, gan gynnwys rhesymau meddygol;
Bydd yr ALl yn caniatáu i frodyr neu chwiorydd iau gael eu derbyn yn yr ysgol lle cofrestrir y plentyn hwn ar gyfer y flwyddyn dderbyn;
Bydd yr ALl yn ystyried agosrwydd cartref y plentyn i'r ysgol mae wedi ffafrio'n llawn. Bydd yr ALl yn sicrhau cyn belled â phosibl y cynigir lle yn yr ysgol addas agosaf yn Wrecsam i gartref y plentyn o fewn y Fwrdeistref Sirol. Wrth weithredu'r maen prawf hwn rhoddir ystyriaeth hefyd i drefniadau cludiant ac unrhyw ffordd beryglus rhwng y cartref a'r Ysgol.

Plant sy’n Derbyn Gofal

Ystyrir ‘Plentyn sy’n Derbyn Gofal’ yn un ‘y gofelir amdano’ gan Awdurdod Lleol yn unol ag Adran 22 o Ddeddf y Plant. Mae Cyngor Bwrdeistref Sirol Wrecsam yn dilyn rheoliadau a osodir gan Lywodraeth Cynulliad Cymru i sicrhau y caiff diddordebau’r plant sydd fwyaf agored i niwed eu diogelu. Caiff y plant hyn flaenoriaeth o ran y meini prawf ar gyfer gormod o geisiadau, gan gynnwys ceisiadau y tu allan i’r cyfnod derbyn arferol.

Cyfyngu ar Faint Dosbarthiadau Babanod

Mae Llywodraeth Cynulliad Cymru, fel yr amlinellir yn Neddf Safonau a Fframwaith Ysgolion 1998 yn ymroddedig i sicrhau na fydd unrhyw blentyn rhwng 5, 6 a 7 oed mewn dosbarth o fwy na 30 o ddisgyblion am bob athro cymwysedig. Mae’r cyfyngiad statudol ar faint dosbarthiadau babanod yn berthnasol i ddosbarthiadau derbyn, blwyddyn 1 a blwyddyn 2.