Mathau o Ysgolion

Mae'r mathau canlynol o ysgolion i'w cael yng Nghyngor Bwrdeistref Sirol Wrecsam:-

Addysg Feithrin

Darperir Addysg Feithrin mewn dosbarthiadau wedi'u lleoli mewn ysgolion babanod a chynradd. Addysg rhan amser yw hyn.

Addysg Gynradd

Mae gan y Cyngor Bwrdeistref Sirol:-

  1. 49 o Ysgolion Cynradd Cymunedol a gynhelir gan yr A.A.Ll.

  2. 6 Ysgol Gynradd a Reolir yn Wirfoddol gan yr Eglwys yng Nghymru.

  3. 9 Ysgol a Gynorthwyir yn Wirfoddol gan yr Eglwys yng Nghymru.

  4. 2 Ysgol Babyddol a Gynorthwyir yn Wirfoddol.

Ysgolion Uwchradd

Ar hyn o bryd mae:-

  1. 6 Ysgol Gymunedol.

  2. 1 Ysgol Sefydledig, sef Ysgol Maelor, Llannerch Banna.

  3. 1 Ysgol Babyddol a Gynorthwyir yn Wirfoddol, sef Ysgol Babyddol Sant Joseff.

  4. 1 Ysgol Cyfrwng Cymraeg, sef Ysgol Morgan Llwyd.

Addysg Cyfrwng Cymraeg

Mae'r Awdurdod yn cynnal nifer o Ysgolion Cyfrwng Cymraeg, a'r iaith Gymraeg yw prif gyfrwng y dysgu ynddynt. Dynodir y rhain ag (C) yn y rhestr o ysgolion. Mae addysg cyfrwng Cymraeg ar gael i bob plentyn.

Ysgolion A Gynorthwyir Yn Wirfoddol

Dyma'r ysgolion a gynhelir ar y cyd gan yr Awdurdod Addysg Lleol a'r cyrff gwirfoddol. Mae pob ysgol a gynorthwyir yn y Fwrdeistref Sirol naill ai yn perthyn i'r Eglwys Babyddol neu'r Eglwys yng Nghymru.

Cyfrifoldeb Corff Llywodraethol yr ysgol yw derbyn plant i'r ysgolion hyn ac mae lleoedd yn cael eu dosrannu'n unol 'r meini prawf cydnabyddedig fel a ddiffinnir gan y corff llywodraethol perthnasol. Rhoddir y mwyafrif o leoedd i blant sy'n perthyn i'r Eglwys Babyddol neu'r Eglwys yng Nghymru sy'n ateb meini prawf y corff llywodraethol perthnasol. Derbynnir nifer o blant nad ydynt yn perthyn i'r Eglwys Babyddol na'r Eglwys yng Nghymru hefyd yn unol pholisi esgobaethol. Mae'r polisi'n ystyried dyheadau rhieni am amgylchedd crefyddol penodol ar gyfer addysg eu plant.

Gellir cael rhagor o wybodaeth gan Bennaeth yr ysgol dan sylw.

Ysgolion A Reolir Yn Wirfoddol

Mae'r ysgolion hyn, y mae'r AALl yn cyfarwyddo eu derbyniadau, hefyd yn cynnig addysg sy'n seiliedig ar egwyddorion a gwerthoedd Cristnogol. Mae Ysgolion Cynradd a Reolir gan yr Eglwys yng Nghymru yn:

  • Eutyn

  • Y Waun

  • Pentre

  • Borderbrook

  • Rhos (Ysgol y Wern)

  • Yr Orsedd (San Pedr)

  • Wrecsam (San Silyn)

Gellir cael rhagor o wybodaeth am dderbyn disgyblion gan yr AALl.

yn ôl i'r brig