Gwasanaethau A-Y

Dechrau'n Deg

Beth yw Dechrau’n Deg?

Arweiniad newydd yw Dechrau’n Deg ar gyfer plant o 0 oed hyd at eu 4ydd Pen-blwydd, a’u rhieni neu ofalwyr. Mae’n grant penodol Llywodraeth Cynulliad Cymru i Awdurdodau Lleol hyd at 2010/2011. Bydd Dechrau’n Deg yn digwydd ar draws rhannau o Gymru gan gynnwys rhannau penodedig o Wrecsam.

Beth mae’n Dechrau’n Deg yn ei Ddarparu?

Mae Dechrau’n Deg yn rhoi nifer o wasanaethau am ddim i deuluoedd sydd â hawl:

Gofal Plant
Ymweliadau Iechyd
Magu Plant
Sgiliau Sylfaenol

Gofal Plant

Rhywfaint o ofal plant sesiynol ar gyfer plant 2 i 3 oed – mae hyn yn golygu bod plant cymwys yn gallu mynd i leoliad gofal plant Dechrau’n Deg am 2.5 awr y dydd, 5 diwrnod yr wythnos am 42 wythnos y flwyddyn. Mae’r holl sesiynau’n hwyl ac am ddim, ac mae 2 ganolfan Gymraeg ar gael.

Mae’r staff yn gymwysedig dros ben ac mae Athro neu Athrawes Dechrau’n Deg yn cefnogi’r Lleoliad.

Ymweliadau Iechyd

Mwy o Ymweliadau Iechyd – mae hyn yn golygu mwy o gefnogaeth a chysylltiad â’ch Ymwelydd Iechyd Dechrau’n Deg. Mae tîm o weithwyr iechyd proffesiynol sydd hefyd yn ychwanegu at y gwaith hwn gan gynnwys Therapydd Lleferydd, bydwraig a gweithwyr cefnogi teuluoedd.

Magu Plant

Cyrsiau a chyfleoedd magu plant ar gael – mae hyn yn golygu y bydd nifer o gyrsiau am ddim ar gael i rieni cymwys i’w cynorthwyo fel rhieni. Maent yn hwyl ac ar gael i grŵp neu un i un yn y cartref. Un o’r prif gyrsiau ar gael yw rhaglen y Blynyddoedd Anhygoel. Cwrs 12 wythnos yw hwn sy’n rhoi sgiliau i rieni ddelio ag unrhyw ymddygiad heriol yn eu plant.

Sgiliau Sylfaenol

Mae’r elfen hon yn ymwneud â helpu rhieni ddatblygu sgiliau sylfaenol eu plant. Dau gwrs byr yw Iaith a Chwarae a Rhif a Chwarae lle gall rhieni a phlant gael hwyl gyda staff y Tîm Iaith a Chwarae. Mae modd cael y ddau gwrs hyn yn y cartref hefyd.

Sut fyddaf i’n gwybod os oes gennyf hawl?

Mae holl deuluoedd cymwys wedi derbyn llythyr a thaflen yn dweud wrthynt fod ganddynt hawl. Byddant hefyd wedi cael ymweliadau gan eu Hymwelydd Iechyd Dechrau’n Deg fydd wedi egluro mwy am Dechrau’n Deg.