Talpiau TG

Ym mis Chwefror lansiodd ITeC Wrecsam ei ddewislen o gyrsiau Talpiau TG.  Mae’r cyrsiau hyn wedi’u llunio i gynnig cyrsiau byr a fforddiadwy sy’n para ½ diwrnod am sut i ddefnyddio TGCh.  Mae’r cyrsiau’n wahanol i gyrsiau cyfrifiaduron traddodiadol gan eu bod wedi’u llunio i ganolbwyntio ar yr hyn yr ydych chi eisiau ei wybod.  Mae profiad wedi dangos i ni bod rhai pynciau’n cael eu cynnwys mewn cyrsiau sy’n para diwrnod nad ydynt o fudd i bawb sy’n bresennol.  Gan ystyried hyn mae’r cyrsiau Talpiau TG wedi’u llunio i ganolbwyntio ar dasgau.

Ceir rhestr isod o rai o’r cyrsiau sydd ar gael:

Microsoft Word

• Popeth sydd angen ei wybod am bostgyfuno
• Mynd i’r afael â thablau
• Sut i greu adroddiadau proffesiynol
• Cofnodion, llythyrau a memos

Microsoft Excel

• Sut i ddechrau ar fformwlâu a swyddogaethau
• Fformwlâu a swyddogaethau i fynd â chi i’r lefel nesaf
• Popeth sydd angen ei wybod am graffiau
• Taclau a swyddogaethau ar gyfer dadansoddi data

Microsoft Access

• Creu ymholiadau ac adroddiadau sylfaenol

Microsoft Windows

• Rheoli ffeiliau

Un o brif fanteision y cyrsiau Talpiau TG yw eu bod ar gael yn y bore, y prynhawn ac yn gynnar gyda’r nos.

Bydd yr holl gyfranogwyr yn cael mynediad at ein deunyddiau hyfforddi rhyngweithiol a llawlyfrau’r cyrsiau ar-lein. Dyma rai sylwadau gan bobl sydd wedi cymryd rhan yn y cyrsiau:

‘Cwrs defnyddiol iawn ac mae mynediad at wefan deunyddiau dysgu rhyngweithiol ITeC Wrecsam yn gymorth mawr.’

‘Ymarfer dysgu sylfaenol da.  Bydd y taflenni gwaith a’r llawlyfrau rhyngweithiol ar-lein yn gymorth mawr i mi yn y gwaith.’

Am fwy o wybodaeth a rhestr lawn o’r cyrsiau, ffoniwch ITeC Wrecsam ar 01978 367100.