Gwasanaethau A-Y

ITeC Wrecsam – CGC

Mae ITeC Wrecsam yn darparu nifer o Brentisiaethau Sylfaen Modern a Phrentisiaethau Modern seiliedig ar waith – PMS a PM.

Mae prentisiaethau’n rhaglenni dysgu seiliedig ar waith sy’n gydnabyddedig ledled y wlad ac sy’n cynnig cyfle i ddysgwyr wella eu sgiliau trwy gyfuniad o ddysgu seiliedig ar waith a hyfforddiant.

Ffurfiwyd fframweithiau prentisiaeth o dair elfen:

Y Cymhwyster Galwedigaethol Cenedlaethol (CGC) “creiddiol”
Sgiliau Allweddol
Tystysgrif Dechnegol

Noddwyd y fframweithiau’n llawn gan Adran Plant, Addysg, Dysgu Gydol Oes a Sgiliau (APADGOS) Llywodraeth Cynulliad Cymru sydd, yn ei thro yn tynnu ar Gronfa Gymdeithasol Ewrop (ESF).

Mae Prentisiaethau Modern Sylfaen yn ymgorffori CGC 2, cywerth â 4–5 TGAU graddau A–C.

Mae Prentisiaethau Modern yn cynnwys CGC 3, cywerth â dwy Safon Uwch.

Cymhwyster Galwedigaethol Cenedlaethol

Dyfarniadau cydnabyddedig ledled y wlad yw’r rhain, seiliedig ar ddangos cymhwysedd yn y gweithle gyferbyn â safonau y cytunwyd arnynt ledled y wlad. Caiff tystiolaeth ei chasglu mewn sawl ffordd gan gynnwys asesiad a hyfforddiant yn y gweithle, datganiadau tystion, trafodaeth broffesiynol ac adroddiadau. Bydd aseswyr gyda chymwysterau galwedigaethol yn ymweld â’r ymgeisydd yn y gweithle i asesu’r dystiolaeth o gymhwysedd a gasglwyd.

Sgiliau Allweddol

Amrywiaeth o sgiliau gweithredol y mae modd eu cymhwyso i gyfoethogi’r profiad gwaith. Mae chwech o Sgiliau Allweddol – y mae modd eu cyflawni ar lefel briodol:

Cyfathrebu
Cymhwyso Rhifau
Technoleg Gwybodaeth
Gweithio gyda Phobl Eraill
Gwella Hunan Ddysgu
Datrys Problemau

Tystysgrifau Technegol

Mae’r rhain yn rhan annatod o’r holl Fframweithiau CGC sy’n cael eu cynnig gan ITeC Wrecsam. Maent yn mesur gwybodaeth greiddiol y Fframwaith CGC sy’n gysylltiedig â hwy.

Os hoffech ddysgu mwy am y cyrsiau, cysylltwch â ni ar 01978 367100, Ffacs 01978 367111 neu e-bost: wrexhamitec@wrexham.gov.uk.