|
      Mae Gwasanaeth Arlwyo Prydau Ysgol Cyngor Bwrdeistref Sirol Wrecsam yn gweithio'n barhaus i ddarparu amrywiaeth eang o ddewisiadau iach er mwyn bodloni rhai o ofynion maethol plant sy'n tyfu ac yn datblygu.
Mae'r Gwasanaeth Arlwyo Prydau Ysgol mewn ysgolion cynradd yn cynnig bwydlen dau gwrs am bris penodol sydd â dewis dyddiol o ddau brif gwrs neu datws pob wedi'u llenwi a salad neu becyn cinio, ynghyd â phwdin ffres neu ffrwythau ffres a iogwrt.
Cynigir dewis o lysiau bob dydd, ynghyd ag amrywiaeth o wahanol garbohydradau gan gynnwys reis a phasta. Dylai sglodion fod ar gael unwaith yr wythnos yn unig.
Mae prydau ysgol yn rhoi cyfle ardderchog i blant roi cynnig ar fwydydd newydd yn gynnar yn ystod eu blynyddoedd datblygol. Tra bydd y staff arlwyo'n gwneud pob ymdrech i annog plant i ddewis prydau iach, mae'n bwysig bod rhieni ac ysgolion yn rhoi eu hymrwymiad a'u cefnogaeth i annog plant i wneud dewisiadau iach, a chan hynny, gwneud y newidiadau angenrheidiol i arferion bwyta plant.
Yr her i bawb sy'n arlwyo prydau ysgol yw paratoi bwyd y bydd y disgyblion yn ei fwynhau ac yn ei fwyta, sydd hefyd yn hybu arferion bwyta da.
Pam dylech ddewis pryd ysgol i'ch plentyn?
- Prydau ffres a maethlon sy'n defnyddio cynhwysion iach sylfaenol.
- Staff arlwyo hyfforddedig a chymwys a fydd yn gwneud pob ymdrech i annog eich plentyn i ddewis pryd iach.
- Bwydlen â chylchred 3 wythnos sydd ag amrywiaeth eang o ddewisiadau.
- Bwydlenni sy'n cydymffurfio â'r safonau maethol ar gyfer prydau ysgol, a osodwyd gan Lywodraeth Cynulliad Cymru ac a gymeradwywyd gan Ddietegydd Cymunedol.
- Mae'r pryd ysgol yn cynnig gwerth am arian.
- Gellir ystyried anghenion dietegol arbennig.
- Dewisiadau llysieuol ar gael bob dydd.
- Datblygu sgiliau cymdeithasol.
- Bwyd sy'n helpu plant i feddwl ac i dyfu.
- Mae plant yn gallu canolbwyntio'n well yn y prynhawn ar ôl bwyta pryd ysgol cytbwy.
 Bwydlen Prydau Ysgol
Gellir lawrlwytho'r fwydlen ar y ffurfiau canlynol:
Bwydlen Prydau Ysgol - Fersiwn Word 173Kb 
Bwydlen Prydau Ysgol - Fersiwn PDF 57Kb 
Bwydlen Prydau Ysgol - Fersiwn RTF 1.5Mb 
Os oes angen mwy o wybodaeth arnoch, cysylltwch â'r Adran Addysg ar 01978 29479.
I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.
Gellir newid dogfennau Adobe Acrobat yn ôl i destun plaen trwy ddefnyddio'r Gwasanaeth Newid Abobe. |
|
I weld ac argraffu ffeiliau Microsoft Word, rhaid fod Microsoft Word wedi ei sefydlu ar eich cyfrifiadur neu gallwch ddadlwytho Meddalwedd Gwyliwr Microsoft Word: cliciwch y logo isod i ddadlwytho'r meddalwedd.
|
|
English
Yn ôl i'r brig