Gwybodaeth am Safonau’r Gwasanaeth

Diogelu’r Amgylchedd o 1 Ebrill 2009 hyd at 31 Mawrth 2010

Mae’r Gwasanaeth Diogelu’r Amgylchedd yn darparu amrywiaeth o wasanaethau i amrywiaeth o gwsmeriaid. Mae’r gwaith mae’r tîm yn ei wneud yn amrywio o ymchwilio i gwynion i wneud sylwadau ar geisiadau cynllunio. Dyma fanylion am beth o’r gwaith a wnaed gan y tîm:

  • Ymchwiliwyd i gyfanswm o 2,114 o gwynion, yn amrywio o gwynion am gerddoriaeth swnllydd i ddraeniau wedi tagu
  • Ymgynghorwyd â ni ac fe wnaethon ni roi sylwadau ar 341 o geisiadau cynllunio a thrwyddedu
  • Cynhaliwyd 27 archwiliad prosesau a ganiateir a meysydd carafanau
  • Cymrwyd 201 o samplau dŵr
  • Cynhaliwyd ein 2 safle monitro ansawdd yr aer yn barhaus a 18 safle monitro ansawdd aer goddefol

Mae’r cyhoedd yn cysylltu â’r tîm yma i ofyn am gymorth i ddatrys nifer o faterion, a allai gynnwys cerddoriaeth swnllyd o eiddo cyfagos neu safle diwydiannol yn llosgi gwastraff. Mae ymchwilio i’r cwynion hyn ar ran cwsmeriaid yn rhan o’n swyddogaeth ni, ynghyd â gweithredu’r ddeddfwriaeth fel bo’n briodol. Gallwn gynorthwyo cwsmeriaid â materion sy’n dod o dan ddeddfwriaeth briodol a orfodir gan y gwasanaeth hwn.

Dangosir amrywiaeth y cwynion a dderbyniwyd gan y Gwasanaeth Diogelu’r Amgylchedd yn y siart isod:

  Sŵn Sbwriel Draeniau Mwg Arogeluon Niwsans
arall
Nifer y Cwynion 713 286 206 158 70 556

Rydyn ni’n derbyn cwynion am amrywiaeth o bynciau, ond sŵn oedd y categori mwyaf (713 o gwynion) yn 2009/2010. Dengys y siart isod gyfran y gwahanol gategoriau o gwynion sŵn:

  Nifer y Cwynion
Cŵn yn cyfarth 279
Cerddoriaeth swnllyd 149
DIY 6
Larymau 16
Amaethyddol 12
Masnachol 20
Diwydiannol trwm 18
Diwydiannol ysgafn 8
Sŵn arall gan gymdogion 128
Sŵn arall 77

Sut oedd ein perfformiad ni?

Ar gyfartaledd fe wnaethon ni ymateb i gwynion am sŵn o fewn diwrnod o gael ein hysbysu am y gŵyn. Fel arfer rydyn ni’n cwblhau’r gwaith o ymdrin â chwyn am sŵn o fewn 32 diwrnod o gael ein hysbysu am y gŵyn.

Rydyn ni’n datrys mwyafrif y cwynion yn anffurfiol trwy roi cyngor priodol. Serch hynny, roedd yn ofynnol i ni ddilyn ein trefn orfodaeth gyda rhai o’r achosion hyn. Rhoir manylion am nifer y gweithredoedd gorfodaeth a gyflwynwyd gan y Gwasanaeth hwn yn 2009/2010 isod:

  • Cyflwynwyd 98 Hysbysiad Gorfodaeth
  • Rhoddwyd 177 o Rybuddion Ffurfiol llafar ac ysgrifenedig
  • Cafwyd 2 erlyniad yn y llysoedd.

Fe wnawn ni barhau i ddefnyddio gweithredoedd gorfodaeth effeithiol a phriodol pan fo angen, gan fod hwn yn elfen hanfodol bwysig o ran datrys materion y tynnir ein sylw ni atyn nhw.

yn ôl i'r brig