Gwasanaethau A-Y

Cyngor i Fusnesau

Rheoliadau Rheoli Asbestos yn y Gweithle 2002

Dyletswydd Newydd i Reoli

Mae Rheoliadau Rheoli Asbestos yn y Gweithle 2002 yn cyflwyno dyletswydd eglur i reoli absestos mewn eiddo annomestig. Mae’r ddeddfwriaeth bwysig hon yn ymdrin â’r lladdwyr iechyd galwedigaethol mwyaf yn y DU.

Tra bod bron i bob gweithgaredd arall sy’n cynnwys bod yn agored i berygl asbestos wedi darfod erbyn hyn, mae tystiolaeth yn awgrymu bod y rhai sy’n gweithio mewn busnesau adeiladu’n dal mewn perygl sylweddol o asbestos.

Mae’r ddyletswydd i reoli’n gofyn i’r rhai sy’n gyfrifol am eiddo i:

gymryd camau rhesymol i benderfynu ar leoliad a chyflwr y defnyddiau sy’n debygol o gynnwys asbestos;
derbyn bod defnyddiau’n cynnwys asbestos oni bai bod tystiolaeth amlwg i’r gwrthwyneb;
creu a chynnal cofnod o leoliad a chyflwr y defnyddiau hyn;
asesu’r perygl a’r tebygrwydd o unigolion yn agored i’r ffeibrau hyn;
paratoi cynllun sy’n gosod allan sut bydd y risgiau’n cael eu rheoli;
cymryd y camau angenrheidiol i weithredu’r cynllun;
arolygu a monitro’r cynllun yn rheolaidd; a
darparu gwybodaeth ar leoliad a chyflwr y defnyddiau i unrhyw un sy’n debygol o weithio arnynt neu darfu arnynt.

Bydd y ddyletswydd newydd yn dod i rym yn llawn ar 21 Mai 2004. Golyga hyn fod raid i bob eiddo masnachol gwblhau eu hasesiadau a phrotocolau rheoli erbyn y dyddiad hwnnw. Mae’n bwysig dechrau’r broses nawr.

Cyn i chi gyflogi ymgynghorydd asbestos, dylech gael manylion pellach oddi wrth y ffynonellau isod. Mae’n bosibl y bydd gennych yr arbenigedd yn fewnol i reoli’r risgiau.

Gellir cael cyngor pellach o’r ffynonellau canlynol:

Cyngor Bwrdeistref Sirol Wrecsam, Diogelu’r Cyhoedd, Is-Adran Iechyd a Diogelwch,
ffôn: 01978 298989.

Gwefannau: www.hse.gov.uk/asbestos