Gwaharddiad Ysmygu - Cwestiynau a Ofynnir yn Aml

Pa weithleoedd a gwmpesir gan y ddeddfwriaeth?

Mae'r ddeddfwriaeth yn cwmpasu'r mwyafrif o adeiladau cyhoeddus sy'n gaeëdig neu'n sylweddol gaeëdig, gan gynnwys bwytai, tafarndai, siopau, sinemâu, canolfannau siopa, canolfannau hamdden gweithleoedd caeëdig eraill a chludiant cyhoeddus. Ni fydd ystafelloedd ysmygu'n cael eu caniatáu.

Yn ei hanfod, bydd y ddeddfwriaeth newydd yn sicrhau bod bron i bob gweithiwr, lle bynnag y maent yn gweithio, yn cael eu hamddiffyn rhag peryglon anadlu mwg tybaco i'w hiechyd a byddent yn cael y sicrwydd o awyr di-fwg.

yn ôl i'r brig

Beth mae 'caeëdig' yn ei olygu?

Mae caeëdig yn golygu man sydd â nenfwd neu do sydd – ar wahân i ddrysau, ffenestri a chynteddau – yn gwbl gaeëdig (p'un a yw'n barhaol neu'n dros dro). Gosodir y diffiniad arfaethedig allan yn y rheoliadau (cyswllt allanol dogfennau PDF).

yn ôl i'r brig

Beth mae 'sylweddol gaeëdig' yn ei olygu?

Mae sylweddol gaeëdig yn golygu man sydd â nenfwd neu do sy'n gaeëdig ar wahân i agoriadau sydd – heb gynnwys drysau a ffenestri y gellir eu hagor – yn llai na hanner maint arwynebedd y waliau.

Yn syml, mae hyn yn golygu man cyhoeddus, gan gynnwys gweithle, sydd â tho a waliau ar o leiaf 50% o'i berimedr. Gosodir y diffiniad arfaethedig allan yn y rheoliadau (cyswllt allanol dogfennau PDF).

yn ôl i'r brig

Beth yw'r troseddau penodol am beidio â chydymffurfio â'r ddeddfwriaeth?

Mae'r gyfraith yn creu 3 trosedd benodol:

  • Methu ag arddangos arwyddion Dim Ysmygu mewn adeiladau a gwmpesir gan y gyfraith (cosb benodol o £200 neu uchafswm o £1000 am euogfarn diannod)
  • Ysmygu mewn man di-fwg (cosb benodol o £50 neu uchafswm o £200 am euogfarn diannod)
  • Methu ag atal ysmygu mewn man di-fwg (uchafswm dirwy o £2500).

yn ôl i'r brig

Beth os bydd pobl yn anwybyddu'r gwaharddiad?

Fe allwch chi ffonio'r Llinell Gymorth arbennig ar 0845 300 2525 (Saesneg) / 0845 300 2526 (Cymraeg) i gwyno am unrhyw achosion o dorri'r gyfraith. Trosglwyddir y cwynion i'r awdurdod lleol perthnasol i'w harchwilio. Rhaid talu'r gyfradd leol am y galwadau.

yn ôl i'r brig

Beth sy'n rhaid i fusnesau ei wneud i gydymffurfio?

Bydd angen i gyflogwyr, rheolwyr a'r rheiny sy'n rheoli adeiladau di-fwg arddangos rhybuddion dim ysmygu a chymryd camau rhesymol i sicrhau bod staff, cwsmeriaid, aelodau ac ymwelwyr yn ymwybodol o'r gyfraith newydd ac nad ydynt yn ysmygu yn eu hadeiladau. Rydym yn argymell y camau gweithredu canlynol o leiaf:

  • Arddangos rhybuddion dim ysmygu (fel y nodir yn y rheoliadau drafft a chyfarwyddyd sydd ar ddod) fel eu bod yn gwbl weladwy i bob gweithiwr, cwsmer ac ymwelydd tra eu bod yn yr adeiladau;
  • Datblygu a gweithredu polisi di-fwg gyda staff i sicrhau yr ymdrinnir â throseddau gan weithwyr, cwsmeriaid, aelodau o'r cyhoedd ac ati dan weithdrefnau cytunedig;
  • Cael gwared ar flychau llwch mewn adeiladau;
  • Hysbysu unrhyw un sy'n ysmygu ei fod/bod yn troseddu;
  • Gofyn iddynt ddiffodd eu deunydd ysmygu ar unwaith neu adael;
  • Gwrthod rhoi gwasanaeth os yw cwsmer neu aelod yn parhau i ysmygu yn gyhoeddus.

Cerbydau Di-Fwg

Mae'r daflen hon yn rhoi cymgor i'r rheiny sy'n defnyddio ei cerbydau:

  • i gludo aelodau o'r cyhoedd neu ran o'r cyhoedd (p'un a ydych yn cael eich talu neu eich hurio ai peidio)
  • at ddibenion gwaith os oes mwy nag un unigolyn yn defnyddio'r cerbyd hwnnw (hyd yn oed os ydynt yn gweithio ar wahanol adegau neu'n ysbeidiol yn unig)

Mae'r daflen ar gael ar y ffurfiau canlynol:

Cerbydau Di-Fwg - fersiwn MS Word 2.5Mb

Cerbydau Di-Fwg - fersiwn PDF 278Kb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Cyswllt o llun hon i wefan Adobe i ddadlwytho Adobe Acrobat Reader

Gellir newid dogfennau Adobe Acrobat yn ôl i destun plaen trwy ddefnyddio'r Accessible Adobe® Reader.

  

I weld ac argraffu ffeiliau Microsoft Word, rhaid fod Microsoft Word wedi ei sefydlu ar eich cyfrifiadur neu gallwch ddadlwytho Meddalwedd Gwyliwr Microsoft Word: cliciwch y logo isod i ddadlwytho'r meddalwedd.

Cyswllt o llun hon i wefan microsoft i ddadlwytho Meddalwedd Gwyliwr Microsoft Word

yn ôl i'r brig

Pwy fydd yn gorfodi'r ddeddfwriaeth?

Swyddogion awdurdodedig o'r Adran Tai a Diogelu'r Cyhoedd fydd yn gorfodi'r ddeddfwriaeth ysmygu newydd.

yn ôl i'r brig

Pryd fydd swyddogion yn erlyn?

Mae gan yr Adran Tai a Gwarchod y Cyhoedd bolisi gorfodi sy'n golygu bod rhaid i swyddogion fod yn deg, yn gyson, yn gymesur, yn dryloyw ac yn wrthrychol. Bydd swyddogion gorfodaeth gynradd yn canolbwyntio ar godi ymwybyddiaeth a dealltwriaeth i sicrhau cydymffurfiaeth, ac yn gweithio'n agos â busnesau lleol i ddatblygu cydymffurfiaeth trwy addysg, cyngor a chefnogaeth.

Ymdrinnir â throseddau trwy roi rhybuddion cosbau penodol, fodd bynnag bydd gan swyddogion hawl i erlyn os bydd y troseddwyr yn gwrthod cydymffurfio yn ddigywilydd megis troseddu fwy nag unwaith.

yn ôl i'r brig

Beth am gerbydau?

Cynigir bod cerbydau a ddefnyddir mewn gweithle gan fwy nag un unigolyn, hyd yn oed os nad ydynt yn y cerbyd ar yr un pryd, yn ddi-fwg bob amser hefyd. Mae hyn oherwydd bod mwg tybaco'n cael ei amsugno gan ddefnyddiau meddal ac yn aros am wythnosau wedi i sigarét gael ei diffodd. Bydd angen arddangos arwyddion 'dim ysmygu' ym mhob cerbyd.

yn ôl i'r brig

A oes unrhyw eithriadau?

Cynigir eithriadau mewn rhai sefydliadau lle mae pobl yn byw ac yn gweithio fel a ganlyn:

  • Lletyau preifat ar wahân i:

    • lifftiau cyhoeddus;

    • cynteddau, grisiau mewnol neu goridorau cyhoeddus mewn fflatiau;

    • ceginau neu olchfeydd a rennir mewn lletyau hundy;

    • rhannau o adeiladau a ddefnyddir ar gyfer gwaith yn unig gan fwy nag un unigolyn nad ydynt yn byw yn yr eiddo (byddai hyn yn cynnwys amgylchiadau pan mae cleientiaid yn ymweld).

  • Ystafelloedd gwely dynodedig mewn gwestai, gwestai bach, tafarndai, hosteli neu glybiau aelodau. Rhaid i'r rhain fod wedi'u nodi'n glir a'u dynodi'n ysgrifenedig gan y rheolwr fel ystafell wely ysmygu a rhaid cael drws sy'n cau ar ei ben ei hun.
  • Ystafelloedd dynodedig mewn cartref gofal (fel y diffinnir yn Neddf Safonau Gofal 2000), hosbisau i oedolion ac unedau iechyd meddwl sy'n darparu llety preswyl. Gall ystafell ysmygu ddynodedig fod yn ystafell wely neu'n ystafell a ddefnyddir ar gyfer ysmygu'n unig. Rhaid eu nodi'n glir a dylai'r drysau gau ar eu pennau eu hunain.
  • Lletyau hunangynhaliol dros dro neu wyliau
  • Carchardai

yn ôl i'r brig

A fydd gofyn i gyflogwyr ddarparu mannau ysmygu y tu allan?

Nid oes gofyn cyfreithiol i gyflogwyr ddarparu mannau ysmygu allanol dynodedig e.e. cysgodfeydd ysmygu.

yn ôl i'r brig

Beth allad ei wneud os nad wyf yn bresennol pan fydd rhywun yn ysmygu?

Os ydych yn berchennog, rheolwr neu'n unigolyn sy'n rheoli adeiladau di-fwg, rhaid i chi sicrhau bod staff yn cael hyfforddiant i ymdrin â sefyllfaoedd pan fydd rhywun yn ysmygu. Dylech gael polisi ysmygu. Os ydych yn gadael i staff reoli adeiladau, rhaid i chi sicrhau eu bod yn gwbl ymwybodol y gallent fod yn gyfrifol am sicrhau cydymffurfiad â'r gyfraith.

yn ôl i'r brig

Beth fydd yn digwydd os bydd staff yn cael eu darganfod yn ysmygu mewn adeilad di-fwg?

Mae'n bosibl y bydd swyddogion gorfodaeth yn teimlo y bydd yn briodol rhoi rhybuddion cosbau penodol i'ch staff mewn rhai achosion ond mae'r rhain yn debygol o fod yn brin. Disgwylir i'ch staff gydymffurfio yn eich gweithle trwy weithredu gweithdrefnau disgyblu mewnol gennych chi. Fe'ch cynghorir yn gryf i gael polisi ysmygu ysgrifenedig i ddangos rheolaeth a gallai hwn fod yn ddefnyddiol i brofi eich diwydrwydd. Dylai polisi ysmygu gynnwys cyfeiriad at weithdrefnau disgyblu. Nid oes raid i chi ddarparu man ysmygu allanol i'ch staff ond efallai yr hoffech ystyried hyn wrth greu polisi ysmygu (gweler cysgodfeydd ysmygu).

yn ôl i'r brig

Beth yw amddiffyniad diwydrwydd priodol dan y ddeddfwriaeth?

I ysmygwyr sydd wedi'u cyhuddo, eu bod yn gallu dangos nad oeddent yn gwybod ac nad oedd disgwyl iddynt allu gwybod yn rhesymol na chaniateir ysmygu yn yr adeilad. I unigolion sy'n rheoli'r adeilad, eu bod (neu weithiwr neu swyddog arall iddynt) wedi cymryd pob rhagofal rhesymol ac ymarfer diwydrwydd priodol i osgoi comisiynu trosedd neu nad oedd modd cyfreithiol neu ymarferol i'r unigolyn cyhuddedig fod wedi atal unigolyn rhag ysmygu yno. O ran amddiffyniad diwydrwydd priodol, mae'n hanfodol i reolwr ac ati allu dangos rheolaeth.

yn ôl i'r brig

Beth am fynedfeydd i adeiladau?

Nid yw ardaloedd tu allan yn cael eu cwmpasu gan y ddeddfwriaeth. Mae'n bosibl y bydd gweithwyr am ystyried ei wneud yn bolisi na chaniateir ysmygu o fewn pellter penodol i fynedfeydd allanol os yn bosibl fel nad oes raid i staff ac ymwelwyr gerdded trwy gwmwl o fwg i gyrraedd yr adeilad.

yn ôl i'r brig

Pa help sydd ar gael i staff sydd am roi'r gorau i ysmygu?

Mae Gwasanaeth Rhoi'r Gorau i Ysmygu Cymru yn wasanaeth lleol rhad ac am ddim sy'n darparu cyngor a chefnogaeth gyfeillgar i'ch helpu i roi'r gorau i ysmygu. Gellir cysylltu â nhw ar 0800 085 2219 www.cmo.wales.gov.uk (cyswllt allanol).

Mae'r GIG yn darparu ystod eang o gefnogaeth ardderchog am ddim ac mae'n rhwydd cael mynediad ato gan gynnwys; Gwasanaethau Rhoi'r Gorau i Ysmygu'r GIG lleol, Llinell Gymorth Ysmygu'r GIG ar 0800 169 0169, a therapi amnewid nicotin (NRT) sydd ar gael i'w ragnodi.

Gweler Cysylltiadau Defnyddiol

yn ôl i'r brig