Gwasanaethau A-Y

Y Ffliw Adar

Rôl Cyngor Bwrdeistref Sirol Wrecsam

Mae pob adran yng Nghyngor Bwrdeistref Sirol Wrecsam yn gweithio’n agos gyda’i gilydd i sicrhau bod cynlluniau wrth gefn mewn grym ar gyfer argyfyngau ac y gellir eu gweithredu’n gyflym iawn mewn achos o’r ffliw adar.

Gellir galw ar y Gwasanaeth Safonau Masnach fel is-adran gorfodaeth yr awdurdod, i ymgymryd â nifer o rolau mewn achos o’r ffliw adar, gan gynnwys:

Gorfodi mesurau atal amrywiol, gan gynnwys cyfyngiadau’n gysylltiedig â heidiau o adar.
Gorfodi deddfwriaeth mewn achos o’r afiechyd.
Gorfodi cyfyngiadau symud a bod yn gysylltiedig â thrwyddedu symudiadau.
Tynnu sylw at ardaloedd a gyfyngir.
Y posibilrwydd o gau llwybrau cerdded yn seiliedig ar asesiadau risg milfeddygol.
Dyletswyddau glanhau a diheintio.
Casglu gwybodaeth am berchnogion adar a darparu cyfarwyddyd.
Gweithio gyda phartneriaid eraill sy’n rheoli afiechydon.
Sicrhau bod dofednod yn cael eu cadw dan orchudd.

Bydd y Gwasanaeth yn cysylltu’n agos â’r Gwasanaeth Milfeddygol Gwladol, Llywodraeth Cynulliad Cymru a DEFRA sef yr awdurdod arweiniol.

Adar gwyllt marw

Os ydych yn credu eich bod wedi dod ar draws adar gwyllt sydd wedi marw mewn modd anghyffredin, synnwyr y fawd yw:

un neu fwy o elyrch neu adar gwyllt/dyfrol
3 neu fwy o adar o’r un rhywogaeth
pump neu fwy o adar o’r un rhywogaeth

cysylltwch â llinell gymorth DEFRA ar 08459 335577. Pan ydych yn cysylltu â’r llinell gymorth hon, sicrhewch fod gennych gymaint ag sy’n bosibl o wybodaeth wrth law fel y gellir cynnal asesiad dechreuol. Byddwch yn amyneddgar, gall y llinell fod yn brysur iawn ar adegau.

Yn gyffredinol, nid yw aderyn gardd marw yn broblem a dylid gwaredu’r rhain ar unwaith yn y ffordd arferol.

Fodd bynnag, os oes gennych unrhyw amheuaeth, cysylltwch â’r llinell gymorth am gyngor.

Ffynonellau cyngor a gwybodaeth

Byddwn yn rhoi’r wybodaeth ddiweddaraf i chi am unrhyw faterion lleol a datblygiadau sy’n gysylltiedig â’r ffliw adar. Fodd bynnag, oherwydd y gall y sefyllfa newid yn gyflym rydym wedi darparu cyswllt i’r ffynonellau gwybodaeth canlynol.

Llywodraeth Cynulliad Cymru - Y Ffliw Adar