Y Gwasanaeth Safonau Masnach

Mae'r dudalen hon yn disgrifio'r amrywiaeth o wasanaethau y mae Gwasanaeth Safonau Masnach Cyngor Bwrdeistref Sirol Wrecsam yn ei ddarparu, yn ogystal â chysylltiadau i ffurflen cwestiynau ar lein a ffurflen barn a sylwadau ar lein.

Cyngor Busnes

Rydym yn darparu cyngor i fusnesau i'w helpu i gydymffurfio â'r gyfraith.

Mae system ddarlledu SM yn darparu pecyn cyngor wedi'i deilwra ar gyfer eich busnes. Atebwch y cwestiynau isod, a bydd y system yn cynhyrchu rhestr o destunau am eich maes/meysydd diddordeb.

Drwy dicio'r blychau nesaf at y pynciau safonau masnach sydd o ddiddordeb i chi, gallwch ddewis y meysydd mwyaf perthnasol. Cedwir y rhain mewn un ffeil fydd yn ei gwneud yn hawdd i chi gadw neu argraffu'r wybodaeth sy'n bwysig i chi. Caiff yr wybodaeth ei diweddaru'n gyson gan arbenigwyr y Sefydliad Safonau Masnach (cyswllt allanol).

Os hoffech ofyn cwestiwn penodol i ni, defnyddiwch y ffurflen gwestiynau ar-lein sydd ar gael ar y wefan hon.

yn ôl i'r brig

Cyswllt Defnyddwyr Cymru (CDW)

Mae CDW yn cynghori, cynorthwyo ac addysgu defnyddwyr i'w helpu i brynu'n ddoeth ac i weithredu ynghylch nwyddau a gwasanaethau diffygiol. Gellir cael rhestr gynhwysfawr o nodiadau cyfarwyddyd a thaflenni o www.adviceguide.org.uk a www.tradingstandards.gov.uk.

CDW yw eich pwynt cyswllt dechreuol ar gyfer materion sy'n ymwneud â phrynu, fodd bynnag, os oes angen cymorth mwy manwl arnoch bydd CDW yn cyfeirio manylion eich cwyn at Is-adran Safonau Masnach Wrecsam fel y gall Swyddog Ymgynghorol neu Swyddog Gorfodi ymchwilio i'r mater.

1. Sut y mae Safonau Masnach yn ymchwilio i'ch cwyn

Ar ôl i'r CDW eich cyfeirio atom, byddwn yn cysylltu â chi cyn pen 2 ddiwrnod gwaith i gadarnhau bod y wybodaeth gennym. Os nad oes modd i ni gael gafael arnoch dros y ffôn byddwn yn anfon llythyr atoch yn gofyn i chi gysylltu â swyddog. Mewn rhai achosion, efallai y byddwn yn gallu ateb eich ymholiad ar unwaith a darparu cyngor cynhwysfawr i'ch helpu yng ngham nesaf eich ymholiad. Fel arall, efallai y bydd rhaid edrych ar eich dogfennau a'ch telerau a'ch amodau.

Efallai y cewch eich cynghori i gysylltu â sefydliad mwy addas sy'n fwy cymwys i helpu e.e. Energywatch ar gyfer problemau yn ymwneud â nwy a thrydan ac OFCOM ar gyfer ymholiadau biliau ffôn.

Efallai y byddwn yn cysylltu â'r masnachwr i geisio trafod i drefnu canlyniad derbyniol. Nid yw hyn yn bosibl ym mhob sefyllfa.

Efallai y bydd angen i chi gael cyngor arbenigwyr ar ryw adeg i gefnogi'ch cais. Byddech yn gyfrifol am dalu unrhyw dâl a godir gan yr arbenigwr.

Os na fydd trafodaethau â'r masnachwr yn llwyddo, efallai y byddwch yn penderfynu gweithredu trwy'r Llysoedd Sifil. Fel arfer, byddwn yn delio â cheisiadau am £5,000 neu lai ar y Llwybr Hawliadau Bach. Codir tâl am hyn a byddwch yn gyfrifol am ei dalu. Gallwn eich helpu a'ch cynghori wrth baratoi dogfennau i'r llys.

Mae ein gwasanaeth yn rhad ac am ddim.

2. Yr hyn y gallwch ei wneud i helpu

  • Dweud holl ffeithiau eich cwyn wrthym yn gwbl ddidwyll

  • Darparu unrhyw ddogfennau y gofynnwn amdanynt cyn gynted ag sy'n bosibl

  • Gwrando ar ein cyngor a gweithredu arno - rydym yn ceisio eich helpu

  • Gofyn i ni esbonio neu egluro unrhyw beth nad ydych yn sicr yn ei gylch

  • Derbyn y gall ymchwiliadau gymryd amser

  • Derbyn na allwn ddatrys y broblem i chi bob tro

  • Parchu ein staff sy'n gwneud gwaith anodd sy'n aml yn ymgecrus

3. Yr hyn na allwn ei wneud

  • Ymchwilio i broblemau sydd y tu allan i gwmpawd ein gwasanaeth neu broblemau y teimlwn sy'n anghyfiawn neu'n afresymol.

  • Canolbwyntio'n llwyr ar ymholiad neu gwyn unigol - rydym yn delio ag oddeutu 4,000 bob blwyddyn

  • Mynnu ymddiheuriad neu ad-daliad neu fynnu bod masnachwr yn datrys y mater i chi

  • Olrhain masnachwyr sy'n methu darparu cyfeiriadau llawn neu sydd wedi symud o'r ardal

  • Argymell masnachwyr unigol i chi

  • Newid y gyfraith - rhaid i ni weithio o fewn y ddeddfwriaeth bresennol

4. Cwestiynau a Ofynnir yn Aml

Gweler hefyd Cwestiynau a Ofynnir yn Aml Safonau Masnach

5. Pecyn cefnogi defnyddwyr

Mae'r pecyn hwn yn cynnwys gwybodaeth am nifer o faterion yn ymwneud â defnyddwyr megis:

  • Prynu nwyddau a gwasanaethau
  • Prynu yn defnyddio credyd
  • Sicrwydd a gwarantau
  • Pecynnau gwyliau
  • Hawliau canslo a gwerthu wrth ddrws y ty
  • Sut i gwyno wyneb yn wyneb ac yn ysgrifenedig
  • Defnyddio arbenigwr

Pecyn Cefnogi Defnyddwyr

Efallai yr hoffech lawrlwytho'r pecyn cyfan (60 tudalen) neu dudalennau penodol i'ch helpu â'ch cwyn.

Pecyn Cefnogi Defnyddwyr - Fersiwn Word 331Kb

Pecyn Cefnogi Defnyddwyr - Fersiwn PDF 806Kb

Pecyn Cefnogi Defnyddwyr - Fersiwn Testun Plaen 1.2Mb

I weld ac argraffu ffeiliau pdf, rhaid i chi osod Adobe® Acrobat® Reader: cliciwch y logo isod i ddadlwytho'r meddalwedd.

Cyswllt o llun hon i wefan Adobe i ddadlwytho Adobe Acrobat Reader

Gellir newid dogfennau Adobe Acrobat yn ôl i destun plaen trwy ddefnyddio'r Accessible Adobe® Reader.

  

I weld ac argraffu ffeiliau Microsoft Word, rhaid fod Microsoft Word wedi ei sefydlu ar eich cyfrifiadur neu gallwch ddadlwytho Meddalwedd Gwyliwr Microsoft Word: cliciwch y logo isod i ddadlwytho'r meddalwedd.

Cyswllt o llun hon i wefan microsoft i ddadlwytho Meddalwedd Gwyliwr Microsoft Word

6. Cysylltwch â ni

Ffôn: 08454 04 05 05

Ebost: www.cyswlltdefnyddwyr.gov.uk

yn ôl i'r brig

Gwasanaeth Calibro

Rydym yn cynnig gwasanaeth calibro cynhwysfawr ar gyfer busnesau ac rydym yn cynnig calibradau ar sail cywirdeb M1 yn yr ystod 1mg - 25 kg.

yn ôl i'r brig

Trwyddedau a Ffurflenni Cais

Rydym yn gyfrifol am drwyddedu ar gyfer storio tân gwyllt, ffrwydradau, petrolewm (gan gynnwys cymysgeddau petrolewm), gwenwyn, a symud anifeiliaid (fel rhan o'r Drefn Trwyddedau Symud Anifeiliaid).

yn ôl i'r brig

Eich Cwestiynau

Rydym yn croesawu unrhyw gwestiynau gan ddefnyddwyr am y gwasanaeth a'r ddeddfwriaeth yr ydym yn ei gorfodi. Fel arfer, dim ond preswylwyr a masnachwyr o Wrecsam y gallwn eu cynorthwyo.

Defnyddiwch Eich ffurflen gwestiynau ar-lein sydd ar gael ar y wefan hon.

yn ôl i'r brig

Eich Barn

Mae Safonau Masnach yn cyflawni amrywiaeth eang o dasgau i amddiffyn defnyddwyr ac i helpu busnesau. Hoffem wybod beth yw eich barn am ein gwasanaeth, ein mentrau diweddar a sut y dylem ddatblygu'r gwasanaeth.

I ddweud eich barn wrthym, defnyddiwch Eich ffurflen rhoi barn ar-lein sydd ar gael ar y wefan hon.

yn ôl i'r brig