Gwasanaethau A-Y

Canlyniadau'r holiadur ar gyfer Strategaeth Goed y Cyngor

Fel rhan o’r ymgynghoriad ar gyfer Strategaeth Goed newydd y Cyngor, roeddem yn awyddus i gael eich barn am goed yn gyffredinol. Yn fwy penodol, roeddem am wybod eich barn ynghylch sut y dylem drin coed Wrecsam a sut a lle y dylem ganolbwyntio ein hamser a’n hymdrechion yn y dyfodol. Bydd y canlyniadau hyn yn rhan o’r strategaeth.

Diolch i’r rhai hynny ohonoch a lanwodd yr holiadur.

Roedd yr ymateb a gawsom yn hynod o galonogol ac yn profi bod coed yn rhan bwysig o fywyd i bobl Wrecsam. Rydym wedi ymgynghori â thenantiaid tai, ysgolion, grwpiau o bobl ag anableddau, grwpiau ieuenctid, pobl a ofynnodd am holiaduron drwy gyfryngau lleol a phobl a atebodd ein holiadur ar-lein.

Cawsom 283 o ymatebion mewn 2 fis. Cyflwynwyd 183 ohonynt ar ein gwefan a daeth y gweddill oddi wrth yr amrywiaeth o grwpiau a phobl a enwir uchod.

Cyflwynom nifer o ddatganiadau a chwestiynau i chi gan roi dewis o atebion i chi. Yn dilyn y dudalen hon, rhestrir y datganiadau ynghyd â’r ymatebion a dderbyniom.

Diolch unwaith eto i’r rhai a ymatebodd, rydym yn gobeithio eich bod yn fodlon gyda’r canlyniadau.