|
 Wedi
ei leoli yng Ngogledd-ddwyrain Cymru, gyda mynyddoedd Clwyd ar ei ffin
orllewinol ac ardaloedd gwledig bryniog Sir Amwythig i'r de, cynigia'r
Fwrdeistref Sirol amgylchedd amrywiol a diddorol. Yn gorchuddio ardal
o 50,500 hectarau â phoblogaeth o 125,000 mae gan y Fwrdeistref Sirol
ddigon i'w gynnig pa un a ydych yn dwrist, yn ddarpar breswylydd neu'n
fusnes yn ceisio ehangu neu adleoli.
Yr amgylchfyd lleol yw un o adnoddau pwysicaf Bwrdeistref Sirol Wrecsam,
mae'n gydran hanfodol yn ansawdd bywyd y preswylwyr ac yn natblygiad llwyddiannus
mentrau diwydiannol a thwristiaeth.
Mae polisïau cynllunio effeithiol a rheolau datblygu sensitif yn sicrhau
bod datblygu a diogelu'r amgylchfyd yn cael eu cydbwyso'n ofalus. Y nod
yw sicrhau bod y newidiadau angenrheidiol yn parchu ac yn cyfannu cymeriad
yr amgylchedd.
yn ôl i'r brig
Ceir nifer o Safleoedd o Ddiddordeb Gwyddonol Arbennig, sy'n bodoli er
mwyn diogelu planhigion, ffawna, nodweddion daearegol a ffisiograffig
yn Wrecsam. Mae'r safleoedd hyn yn cyfannu tirlun cyfoethog o fewn ardaloedd
amrywiol o gefn gwlad o Fynydd Rhiwabon ym mynyddoedd y Berwyn i Ddyffryn
Ffrith a rhannau o Ddyffrynnoedd y Ddyfrdwy a Cheiriog.
Mae olion archaeolegol yn rhan bwysig o dreftadaeth y Fwrdeistref Sirol
ac yn rhoi cofnod o hanes a diwylliant yr ardal leol. Maent yn bwysig
o ran y wybodaeth a ddarparant am y gorffennol ac o ran eu swyddogaeth
mewn addysg, hamdden a thwristiaeth.
|
Yn ôl i'r brig