Gwasanaethau A-Y

Cadw'n Gynnes dros y Gaeaf: Cyngor i rai dros 60 oed

Wrth i'r tymheredd ostwng yn Wrecsam a'r Sir yn profi eira a rhew cynaf y gaeaf, y neges gan Gyngor Bwrdeistref Sirol Wrecsam yw CADW GYNNES, CADW'N LACH.

Cadw'n Gynnes dros y Gaeaf

Mae pawb yn gwybod mor bwysig yw cadw'n gynnes yn ystod y gaeaf. Gall cadw'n gynnes eich helpu i aros yn iach ac yn ddiogel, a gall helpu i atal problemau iechyd difrifol fel niwmonia. Mae rhai pethau syml y gallwch eu gwneud i'ch cadw chi'n gynnes ac i gadw eich cartref yn gynnes y gaeaf hwn.

BWYTEWCH YN DDA

Bydd bwyta prydau bwyd rheolaidd yn helpu i gadw eich lefel egni yn uchel pan fydd hi'n oer

CADWCH YN BRYSUR

Gall ymarfer corff eich helpu i gadw'n gynnes Ceisiwch symud o gwmpas o leiaf unwaith bob awr

GWISGWCH DDILLAD CYNNES

Gallwch gadw'n gynnes drwy: Wisgo digon o haenau tenau
Gwisgo het, sgarff a menig pan fyddwch yn mynd allan
Gwisgo dillad wedi eu gwneud o wlân neu ddefnydd gwlanog
Gwisgo dillad isaf thermal a sanau gwely yn y nos

CYNHESU EICH CARTREF

Yn ystod y dydd, cynheswch eich ystafell fyw i tua 18-21°C a gweddill eich cartref i o leiaf 16°C
Ceisiwch gadw tymheredd eich ystafell wely'n uwch na 18°C dros nos
Yn ystod tywydd oer iawn, gosodwch y gwres i ddod ymlaen yn gynt, yn hytrach na throi'r thermostat, fel na fyddwch yn oer wrth i chi aros i'ch cartref gynhesu
Peidiwch byth a defnyddio blanced drydan a photel dwr poeth gyda'i gilydd gan y gallech gael sioc drydan angheuol

BYDDWCH YN GYMYDOG DA

Os oes gennych gymydog neu berthynas oedrannus, gofalwch amdanynt i wneud yn siŵr eu bod yn ddiogel ac yn iach.

Os na fydd y llenni'n cael eu hagor, neu fod y goleuadau ddim ymlaen, efallai fod rhywbeth yn bod
Ceisiwch guro ar y drws i weld a gewch chi ateb. Os na chewch, cysylltwch â pherthynas neu ffrind allai fod ag allwedd.
Os ydych yn credu fod rhywbeth amheus ynglŷn â'r sefyllfa, ffoniwch 999.