|
Roedd Wrecsam yn enwog am ei chwrw ers y canol oesoedd. Roedd gan y dref gyflenwadau dwr tanddaearol da ac roedd dwr da yn golygu cwrw da. Yn y 19eg ganrif, roedd gan y bragwyr a'r bractai le blaenllaw yn Wrecsam. Erbyn y 1860au roedd 19 o fractai yn y dref. Roedd gan y bragwyr swyddi mewn awdurdod; gwnaeth dau ohonynt, Thomas Rowland a Peter Walker, hyd yn oed ffraeo am bwy ddylai fod yn Faer.
Roedd y bractai yng nghanol y dref, wedi'u lleoli ar hyd Afon Gwenfro. Yr un enwocaf oedd Bracty Wrexham Lager. Fe'i sefydlwyd yn 1882, a hwn oedd bracty lager llwyddiannus cyntaf Prydain. Sefydlwyd y bracty gan grwp o fewnfudwyr Almaenig a gwnaeth Almaenwr arall, Robert Graesser, ei gwrw lager yn enwog drwy'r byd.
| " rhaid ystyried bod ymwelydd sy'n mynd trwy Wrecsam heb flasu cwrw cartref y Nag's Head wedi methu yn ei ddyletswydd pennaf ac amlycaf, ac yn greadur hynod iawn" |
Ymhellach i lawr yr afon roedd Bracty Soames. Yn nhaith Alfred Barnard o fractai Prydain yn 1892, dewiswyd Soames fel y bracty a gynhyrchai cwrw gorau Wrecsam.
Roedd yr 20fed ganrif yn anodd i fractai Wrecsam. Yn ystod y Dirwasgiad Mawr, bu'n rhaid i Fracty Soames ymuno â dau wrthwynebydd lleol i ffurfio Border Breweries er mwyn goroesi. O ganlyniad i resymoli a'r newid yn chwaeth pobl, caewyd Border Breweries yn 1984 a Bracty Wrexham Lager yn 2000.
Cysylltiadau Perthnasol
 GweCamerau Byw o Wrecsam
Canolfan Croeso
Taith Ar-Lein
Gwasanaeth Cefn Gwlad Wrecsam
Treftadaeth | Archifau | Pobl Enwog | Astudiaethau Lleol
|
Yn ôl i'r brig