Gwasanaethau A-Y

Wrecsam - Stori'r Dref Fawr

Mae'r arddangosfa ddiweddaraf "Wrecsam - Stori'r Dref Fawr" sydd i'w gweld yn Amgueddfa Bwrdeistref Sirol Wrecsam yn archwilio hanes Wrecsam yn ystod y ddau gan mlynedd diwethaf. Yn y cyfnod hwn mae Wrecsam wedi datblygu o fod yn 'dref foneddigaidd wedi dadfeilio" gyda llai na 3000 o bobl, i dref y gellir hawlio ei bod yn brif ddinas gogledd Cymru.

Yn yr arddangosfa gellwch ddarganfod pam ddaeth Wrecsam yn fwrdeistref, sut mae'r dref wedi ehangu, yr ymdrech i wella iechyd a diogelwch dinasyddion, pwysigrwydd marchnadoedd Wrecsam, twf diwydiant lleol a chludiant, y newidiadau i ysgolion y dref, sut y defnyddia pobl eu hamser rhydd a'r rhaniad rhwng y cyfoethog a'r tlawd. Gobeithiwn y bydd yr arddangosfa yn codi blys arnoch i ganfod mwy am y dref hanesyddol Gymreig hon.

Dyma'r arddangosfa gyntaf yn yr amgueddfa sy'n cwmpasu'n gyflawn y 200 mlynedd diwethaf o hanes Wrecsam gan gynnwys sawl eitem o gasgliadau'r amgueddfa sydd heb eu gweld o'r blaen. Mae hefyd sawl gweithgaredd yn yr arddangosfa ar gyfer plant er mwyn eu cynorthwyo i ddeall hanes eu tref leol. Efallai y bydd oedolion yn eu mwynhau hefyd.


Stori'r Dref Fawr		Yn Ferw o Brysurdeb Diwydiannol


Twf Wrecsam		Bragwyr a Bractai


Diogelwch		Dysgu


Iechyd Da		Adloniant


Cludiant		Chwaraeon


Tref Farchnad		Y Tlawd a'r Cyfoethog


Map Rhyngweithiad		Fersiwn testun yn unig