|
 Yn 1841, treuliodd y dref dri diwrnod cyfan yn dathlu pen-blwydd y pedwerydd Syr Watkin yn un ar hugain. Gorymdeithiwyd trwy'r dref a pharatowyd gwledd arbennig ar y Stryt Fawr. Roedd y cyfnod ffiwdal, fodd bynnag, yn dod i ben. Rhoddai'r Gorfforaeth newydd fwy o bwer i wyr busnes a gweithwyr proffesiynol Wrecsam. Adeiladont filas newydd, tra bo'r boneddigion yn melltithio cost ac anghyfleustra eu plastai gwledig: gadawodd y Cunliffes Blas Acton yn 1905, gwerthwyd y Wynnstay yn 1947, a rhoddodd Phillip Yorke blas adfeiliedig Erddig i'r Ymddiriedolaeth Genedlaethol yn 1973.
Mae cyfrifiad 1851 yn rhoi cipolwg ar y bwlch rhwng y cyfoethog a'r tlawd. Roedd deuddeg morwyn, bwtler ac isfwtler, gwas, ostler a negeseuydd yn gweini ar y Cunliffes ym Mhlas Acton. Ar ochr arall y dref ger y Beast Market, rhannai Robert Roberts a'i deulu eu ty gyda phedwar pâr priod arall, chwech hen lanc a theulu o bedleriaid Gwyddelig. Ger Croesnewydd, roedd y bobl dlotaf yn goddef caledi'r tloty a'i nawdd prin. Cwta ddwy filltir oedd rhwng y tri lle, ac er y cysylltiad economaidd, roedd byd o wahaniaeth rhyngddynt.
Cysylltiadau Perthnasol
 GweCamerau Byw o Wrecsam
Canolfan Croeso
Taith Ar-Lein
Gwasanaeth Cefn Gwlad Wrecsam
Treftadaeth | Archifau | Pobl Enwog | Astudiaethau Lleol
|
Yn ôl i'r brig